番茄18

Open Now

Now Closed

星期日唔想出街所以決定叫外賣搵吓搵吓見到呢間茶餐廳好似好出色咁所以一於試吓呢間茶記有飯有米線可以揀我見佢米線都多人讚咁我哋就叫咗兩個米線加兩塊唔同味嘅雞扒米線湯底係酸辣湯味道好濃 配料好充足有好多肉碎花生同酸菜米線轉咗做麻薯粉口感好爽好清新肥牛同手撕雞都好足料非常抵食其實剩叫米線已經好飽足不過我見食評人哋讚佢個雞扒好出色所以我哋加咗兩塊雞扒一塊係大汗雞扒另一塊係麻辣雞扒雞扒好大塊 塞滿成個盒炸到脆卜卜 加埋佢特製醬料非常出色雖然係要加$20一塊但係絕對覺得抵食雖然今次係叫外賣唔係堂食但送到黎食物質素絕對唔差有機會真係要堂食試試

📍番茄18將軍澳澳南海岸至善街3號SAVANNAH Place 地下G05號舖個日米線癮起 又唔想食連鎖店米線醒起將軍澳附近有呢間番茄專門店可以食米線😆地方有少少僻！但都好容易揾嘅佢嘅裝修都幾有特色 有少少懷舊嘅感覺😋 瑞士招牌雞髀+麻辣番茄湯米線 $56先嚟咗個瑞士招牌雞髀 超香瑞士汁味 同埋都好大隻然後又好入味至於個米線 個湯底好濃 因為佢有用鮮蕃茄 麻辣味都有佢個滑蛋好正 好滑好有蛋味 炒得好好😋 鮮茄牛肉滑蛋飯 $59 +凍檸茶(餐飲價$11)一樣勁大pat蕃茄 同平時茶餐廳食嗰啲唔一樣茶餐廳食嗰啲係好大舊嘅蕃茄 呢度係蕃茄蓉然後個炒蛋又係好好食 啲牛肉都唔差但係佢個凍檸茶就好難飲 有少少涼茶味😂應該係個茶底浸咗好耐總結 都唔錯 係一間性價比幾高嘅新式茶餐廳👍🏼

今日lunch time又在將軍澳周圍逛搵嘢食，去到 Savannah，感覺這邊離地鐵站比較遠，又無大超市，應該人流比較少，但見到這間餐廳座無虛席，還有很多人等外賣，決定要試試。雖然是一般茶餐廳格局，座位比較狹窄，但餐廳的裝修都幾有心思，牆壁是香港不同舖頭的店面，好地道的感覺。常餐一直是我的Comfort food ，所以今次叫菜也不例外，試咗招牌蕃茄濃湯牛肉通粉、牛乳炒滑蛋、多士和奶茶，全部水準都算中上，價錢只是$52，非常抵食，蕃茄濃湯好夠味，但食完都唔會好口渴

見到呢間番茄18主打蕃茄湯米線，啱曬我🤤有好多款唔同既配料既蕃茄米線可以揀，除左蕃茄湯米線之外，仲有其他湯底既特色米線～啱曬一班米線控～ 1️⃣招牌蕃茄湯米線 配牛乳炒蛋 配大汗雞扒（$59） 蕃茄湯入面有啲蕃茄蓉同蕃茄粒粒～蕃茄味香濃。大汗雞扒香辣惹味，中間雞扒肉質滑嫩～唔錯。  2⃣️水煮黑豚腩片湯米線（$59） 水煮湯底都幾辣🥵唔食得辣既記得要嗌少辣。黑豚腩片都有幾多片，辣辣地食得好爽！  3⃣️華田脆脆（跟餐+$14） 華田脆脆好耐冇飲過，面頭灑滿華田碎，好好味😋  4⃣️招牌木碎花生多士（$28） 多士烘脆曬～面頭鋪滿花生同餅碎，仲搽滿花生醬～勁邪惡但係好好味👍推薦大家要試下呢款小食！  

有日放學係將軍澳食野🥰發現原來𝐒𝐚𝐯𝐚𝐧𝐧𝐚𝐡附近有間專門食蕃茄湯麵嘅連鎖茶餐廳🍅係荃灣、觀塘都有分店🤩入面係港式懷舊風 又帶點現代風格嘅裝潢🎞好有特色✨而且最驚喜嘅係價錢好抵😆絕對係將軍澳海邊一帶嘅便食之選🤣【早餐】招牌蕃茄叉燒湯意粉🍅🐷配牛乳炒蛋🍳+牛油厚多士🍞（烘底）💰$𝟒𝟐個人認為係偏甜嘅蕃茄湯 唔會好酸🤣湯底都算濃稠 唔係好稀個種🥰入面好多蕃茄粒🍅完全滿足曬蕃茄控🤤叉燒同意粉就正常發揮🐷牛乳炒蛋係炒到全熟🍳有少少嚡口個種🥹我本身以為𝐞𝐱𝐩𝐞𝐜𝐭會係炒滑蛋🥸😭同埋多士唔夠脆🍞仲有啲淋 所以好難咬🙈【午餐】招牌胡椒豬肚雞湯米線🐤💰$𝟓𝟗呢個真係大推！！我覺得超好食🤤😋😋湯底雞湯味好出 係比較𝐜𝐫𝐞𝐚𝐦𝐲嘅雞湯🫶🏻胡椒味亦都好出🧂我記得我去個日係超凍❄️食呢個係超暖胃🥰食完又唔會話好口渴😜配料有豬肚、雞件、枝竹、酸菜等等🤤我想講份量真係多到好黐線 好似唔洗錢咁😂豬肚同啲雞係食極都仲有⋯⋯🫣豬肚都洗得幾乾淨 無話有好大浸內臟味👍🏻雞件都好滑 而且好大舊🐤枝竹同酸菜吸曬啲湯 好好味😋米線就係偏幼個種 軟硬適中👍🏻一句講曬 我覺得呢個係必食！真心抵😍🌟𝐇𝐋𝐅溫馨提示🌟胡椒豬肚雞湯米線本身係

番茄18已經開店好一段時間，自從喺度食過大大碗薯粉同埋雞翼自此就冇辦法忘記嗰個味道😝有時lunch都忍唔住外賣嗌個薯粉嚟食今次下午茶細佬話想食呢間咁我梗係即刻陪佢啦懷舊嘅裝修永遠都係番茄18嘅特色分別有下午茶同午餐Menu：👇🏻之前仲要嗌侍應嚟order，今次已經進化到可以QR code落單，十分之方便我哋嗌左：1️⃣麻辣肥牛薯粉其實呢個本身米線嚟嘅，不過就可以轉薯粉。麻辣就梗係配薯粉最Perfect啦，薯粉超彈牙，每一啖都充滿麻辣湯嘅味。個湯底唔算話好辣，同譚仔嘅四小辣差唔多啦，但係都大碗過譚仔好多。而且啲肥牛都足料啊🫰🏻 2️⃣芝士煎蛋豬扒包大家可以睇到塊豬扒有幾厚，估唔到茶餐廳都有比較西化嘅食物👍🏻個豬扒包就正正常常啦，反而係個包有啲難咬，希望下次可以整得林少少 3️⃣下午茶餐：瑞士雞髀+沙律細佬一坐低忍唔住即刻帶咗個雞髀嚟食咗先，同雞翼一樣瑞士汁好濃味，食到舔舔脷，由於唔想嗌薯條太熱氣，佢叫咗個沙律，啲沙律汁唔會太heavy，mix埋啲生果啱啱好4️⃣ 瑞士雞翼雞髀就細佬食，我有點抵擋得到瑞士雞翼嘅誘惑呢！個色水整得好靚，食落去甜甜地，唔會覺得咸😆十級推薦💓💓💓5️⃣麻辣娃娃菜覺得要食菜中和下，健

高質米線｜將軍澳性價比高餐廳💓地址：將軍澳至善街savannah地下今日要同大家介紹嘅就係為咗依間將軍澳新起屋苑隔離嘅米線餐廳🥳 首先一入到嚟成個環境裝修勁靚勁復古，好有香港嘅特色，每一個位都係打卡熱點😆✨ 而且staff超級熱情，好有人情味😚 支持小店👍🏻🙆🏻‍♀️嘢食絕對係性價比之王！食夜晚飯平均每人$60-80消費，就已經食到好多種類🥣 加上餐廳嘢食好多元化，有各式各樣嘅米線、小食、嘢飲選擇，滿足到三心兩意嘅我😆👍🏻主餐方便我叫左蕃茄通粉配滷水雞髀🍗一定要食依度嘅滷水雞髀，超級大隻，而且廚師滷得好入味💓 每一啖都係滷水汁嘅精華，加上雞肉好嫩好多汁❤️‍🔥胡椒豬肚魚湯米線🍜湯底好香甜，食得出用咗好多時間熬製🙆🏻‍♀️ 米線仲要爽口彈牙！招牌木碎花生多士、脆豬包定一樣嘅必食推介，其他餐廳搵唔到，特別係脆豬包，裏面加咗少少麻辣汁，令到成個包口感更加有層次，而且豬超厚超大塊🥳👍🏻綠椰冰同埋紅豆冰紅豆冰飲得出加入左煉奶，所以更加香滑🥳✨

第一次試，外賣自取！返到屋企一打開豬扒米線冇豬扒！灰！到！呢！打比亞姐同佢講又話包外賣果個包漏唔關佢事，叫佢送返過黎又話冇得送！退錢又話冇得甘！！一個咁既垃圾麵不如我自己煮杯面啦！

叫左個雞排雙蛋飯，食左幾啖先發現塊雞排中間仲係生嘅，叫個服務員過嚟即刻收走碟飯話換過塊比我（相都未影得切）,離晒大譜仲點敢食啊。處理個態度極差，坐櫃台個個男人（疑似係負責人）仲大大聲話返我想點話我想點樣處理🙂，好似係顧客嘅錯，連雞排都煮唔熟，啲人服務態度又西，心虛即刻收走碟飯，大家去呢間垃圾餐廳食飯小心！

踩單車前諗住去搵食，但見將軍澳海旁D餐廳都貴貴地，又得西餐咁，但發現有間裝修好「香港」特色嘅餐廳，入面掛住好多特色招牌，而且價錢又唔貴又多人食，就即刻入去試下啦～蕃茄湯＋滑蛋米線＋招牌瑞士汁雞髀午餐去食，見間鋪叫蕃茄18， 就打算點都叫蕃茄湯！一上菜見米線份量好多，食落好彈牙，而且都好大碗；炒蛋炒得好滑又香，加埋米線食同飲啖蕃茄湯就覺得幾好味，招牌蕃茄湯果然唔同，食得出係新鮮蕃茄整成嘅湯，唔係用罐頭蕃茄嘅假味～之後又加左隻瑞士雞髀～食落去終於明白點解瑞士雞髀係招牌啦！首先隻雞髀有成隻手掌咁大，而且好夠味，應該唔係最後先林D瑞士汁落去！開頭以為咁大隻D肉一定好鞋，點知皮薄，雞肉又嫩，加埋瑞士汁甜甜地，好正！華田脆脆平時飲開凍華田，今次再加埋D華田脆脆係上面，又脆又好飲！

最近聽番Westlife既歌 想要番啲懷舊 緬懷昔日既味道We had joy, we had funWe had seasons in the sunBut the hills that we climbedWere just seasons out of time…呢間茶室係裝修方面有D心思香港人一定有感覺 60 70 年代既產物雖然只係牆紙或油漆 坐係到叫做有野睇 幾好呀雞扒 勁大塊 厚身 脆皮 肉質NICE番茄麻辣湯 真心正 番茄蓉番茄膏好夠味麻辣食得出落足唔同香料 惹味cost-performance 性價比高！！番茄18 將軍澳澳南海岸至善街3號SAVANNAH Place 地下G05號舖

今日同朋友喺度附近踩單車 踩到餓餓哋就嚟呢度食個下午茶餐廳佈置裝修好有懷舊氣息 對我呢啲年輕人嚟講 好有新鮮感 都好欣賞餐廳咁用心佈置食物都幾抵食而且味道唔錯 份量十足叫咗呢兩個茶餐，吉列魚柳即叫即炸仲有跟個薯角，滿滿薯仔，熱辣辣，魚柳入面當然好嫩，外皮好香脆，邪惡萬分！我就揀左個瑞士汁雞髀餐，滷得非常入味，而且食落都幾香，雞髀大大隻，肉亦都非常之嫩，好食！跟餐有個沙律，預期外嘅好味，比起平時跟餐嘅好，唔錯。一輪運動後食返一餐美食放肆下真係爽！ 跟住睇到隔離檯碗胡椒豬肚雞米線好似好好食咁，就叫左碗兩個一齊食，個湯底果然好正，豬肚同雞材料十足，其實個肚都已經好飽，但都忍唔住配埋米線飲晒啲湯！唔係咁多餐廳有得食，確實回味！飲埋杯菠蘿冰滿足曬之後又繼續踩過！要encore!

去將軍澳探朋友前,少不免附近去搵番D有特色又性價比高既小店嘆番餐.行過見到個番茄LOGO既小店,內裡佈置好似好盞鬼.見到左下午茶時間,去食少少野就去探朋友.內裡佈置堅係鬼馬,有好多不同香港特色設計係一個細小既鋪頭裡面,用左六十年到九十年代代表性既設計,有戲院:加埋李小龍先生既經典製作”唐山大兄”,有香港典型屋村的大閘,重點係設計雖然只是用了牆的位置,但真係用盡每一寸空間感,實實在在做了一個大閘在牆身.仲有其他不同主題,係香港咁既寸金尺土環境,老闆係抵讚既.睇住D回憶,食野份外有胃口,即刻叫左個招牌”木碎花生多士”,同”花膠雞湯米線”,”招牌瑞士雞脾蕃茄米線”,”紅豆咖啡”,”新鮮菠蘿冰”.果然係招牌小食, ”木碎花生多士”用了花生醬,奶醬圍住個麵包,上面灑滿木糠,雖然係邪惡,但食得滋味.”招牌瑞士雞脾蕃茄米線”加左”豬潤”同”叉燒”,識得將”瑞士雞脾”分開上,抵讚, 雞脾都算入味,肉質不錯, 豬潤剛剛好,不會過熟,師傅果然有兩下手勢.成碗番茄湯,無揸流灘.”紅豆咖啡”同”新鮮菠蘿冰”好正,紅豆味重, 菠蘿真係新鮮菠蘿.老闆用足料.平靚正,就係總結.

在通知了職員的情況下轉枱，在送餐時俾你地阿姐責罵。我同經理投訴，佢話短頭髮送餐呀姐高級過佢，完全沒有任何跟進。其實佢不用三秒已經知道我哋轉左去後面。服務態度非常惡劣。

去將軍澳踩單車路過這間充滿懷舊特色的餐廳由不同年代和不同的懷舊舖頭名做的特色牆價錢唔貴做到這個質素已經很不錯👍🏻本身想叫招牌花膠雞湯同埋藥膳雞湯米線，賣晒，下次🔸招牌胡椒豬肚雞湯米線$58足料的胡椒豬肚湯湯底夠厚身一啲都唔希，雞醃到剛剛好，雞好入味 ，入口嫩滑😋，仲有雞翼食，夾極都有豬肚，材料一啲都唔吝嗇👍🏻🔸台式肉燥厚切豬扒$55充滿台式風味的肉燥肉鬆，仲有軟綿綿的米飯，足料厚切炸豬扒，豬扒揸到剛剛好😋😋