發興茶檔 (Closed)

大排檔總令人又愛又恨，愛佢嘅風味同味道，但恨佢嘅溫度，因為夏天無冷氣的確幾熱，所以我每年都係秋冬先嚟食佢，今年都唔例外，秋風起又係我回味嘅時候，每次指定動作！咖映西多士加凍奶茶! 奶茶唔洗多講都知充滿大排檔風味，又滑又夠茶味，然後嚟一口新鮮即做西多士配上自家混嘅咖映醬，嘩! 咁多年味道都係一樣，味道特別又香又甜，西多用兩層麵包，中間都加有自家醬，唔需要另加牛油或糖漿已經岩岩好，食完無一般西多士嘅飽滯感，鍾意西多士人士必試!

尖沙咀大牌檔好耐無食過今日雖然好熱但係既然去到尖沙咀無理由唔食既以前一有機會就會去大牌檔食架喇我叫左雞翼出前一丁家姐叫左馬來豬扒出前一丁一定要叫出前一丁因為真係煮得好好食面既軟硬度係岩岩好雞翼即刻炸起 熱氣但係好食馬來豬扒味道有少少似咖哩但又唔係雖然形容唔到個味係咩但都係好食既配返杯凍奶茶 正重要介紹下辣椒油好香好夠辣如果食唔到好辣既朋友要注意落既時候唔好一次落咁多雖然天氣真係好熱食完會出汗既但係為左食唔緊要喇

星期六中午到尖沙咀做物理治療，離開診所時正是下午茶餐時間，不其然地想起到海防道大棚檔。當時正是烈日當空，雖然有幾座大風扇，但仍有蒸籠感覺，所以即叫杯凍奶茶來解渴。跟著我隨即叫左件正宗新野，是用一件麵包頭烘脆，上面搽果醬及花生醬等混醬，再加一片鮮牛油。包頭烘得夠脆，食落比一般鮮油多士有D特別。11

之前一直都想試此店, 但每次來到都是萬人空巷, 每次都只能打退堂鼓今天恍忽受到神的綣顧, 只需要等一張枱!!!!!!!!!!! 就可以食到了!!! yeah~聽見"豬扒麵, 豬扒麵, 豬扒麵"... 如雷貫耳般响起, 我也要先來一碗, 試試龍與鳳 今次點的是蒜香吉列豬扒麵: 肉質非常軟腍, 一點也不鞋身, 蒜香味濃, 麵身軟硬度更是煮至剛好 少少建議, 如將麵轉為出前一丁, 相信會更好 小弟女友就點了沙嗲豬扒麵, 此麵一上枱已經香味撲鼻, 豬扒啖啖更是沙嗲香, 可能有沙嗲的關係, 就算不加錢轉出前一丁, 麵身都已經好好味. 此行最大令人驚喜的是這杯 "港式 紅豆冰奶茶 ", 台式紅豆珍珠奶茶就飲得多, 但對於此款港式奶茶 + 紅豆冰, 確實是第一次品嚐.紅豆雖則不算是好綿身, 但口感還在, 加上奶茶的濃滑, 奶茶和紅豆微甜的配搭, 令到茶味並不苦澀, 連不喜愛飲港式奶茶的女友亦讚不絕口~~兩碗麵又豈能滿足我倆 最後追加了茶餐廳不常有的咖映西多士麵包炸得金黃色, 並不會過燶, 火喉控制不錯, 而且不只表面有咖映醬, 連夾心亦有搽上一口咬下去時層次感十足, 味道更豐富, 好食!強

正月中旬‧陰天在這個熟食中心內周圍都有新嘢供應，但有趣地各有缺點，沒有一處地方做得很出色的。這裡的薄薄又烘得不夠，吃起來自然不脆口，帶點韌，不好吃。塗上的是加吔，甜甜的反而不太膩。熱奶茶淡了一點，沒有什麼茶香，唯一好處就是夠熱。或者是接近出口的關係，不少人在吸煙的，怕聞二手煙的要留意了。

原來在街市內都有多檔熟食檔，隱蔽、簡陋但地道，可能都有好味的食物啊！今日選擇這間都全因書仔介紹馬來豬扒紅腸米粉 + 凍檸茶 $29米粉份量只是一般，食得出是東莞米粉，粉質不會太腍湯底是比較淡好彩馬來豬扒是帶有少量醬汁，可混和在淡味的湯中。馬來豬扒剛才都講話有醬汁，醬汁豐富香濃，豬扒入味軟腍無骨但都算薄紅腸OK其實如果肚餓可能都不夠飽，可考慮食多份自家製咖央多，都是不錯之選因為鄰近街市，又有多檔熟食檔關系，我在進食時發現有小强在我腳下行走，當時我好驚會抓到我腳上，我只好睇實小强，睇小强的目的地在那，直至抓到老遠看不見的地方我才安心。明白不能在這個地方有衛生的要求，所以大家去之前要有心理準備啊！

五月廿日(星期三)正宗新嘢 - 烘過的麵包頭上加咖吔醬，再放數小片牛油，賣相不俗但牛油片一點也沒有溶的跡象，證明麵包頭不夠熱雞翼(2隻)馬來豬扒米粉 - 豬扒帶有點咖哩及椰香，很特別秘製豬扒包 - 其實是白三文治內藏惹味豬扒熱鹹柑桔檸檬水 - 鹹桔味濃郁餐牌不設價格

今日行經附近，於是便揾個位坐低.論環境和衛生，這兒都堪稱惡劣在這裡.下午茶，款式很多，炒粉麵飯，多士湯粉麵等等午餐選了餐腿一丁配熱華田.即叫即煮，前後等了５分鐘麵條煮得過火了.林劈劈.放入口就滑去喉嚨處火腿和餐肉各兩大塊ok.濃的就更好.呵～又不能有太高要求啊連同熱華田$20 抵吃喇

細細個去親尖咀媽咪就好中意帶我去海防道街市食野.入面可以算係一個平民ge美食天堂但係我最中意就係發興. 每次黎都一定會叫咖央西多.佢d咖央唔會太甜, 但精髓之處就係件西多....真係好軟熟ge面包... 你去第二道係食唔到咁軟熟ge西多!!!!我都食過就咁咖央多士. 不過都係覺得咖央西多好食好多 同普通西多比, 咖央西多真係冇得彈.要食咖央西多一定要去發興呀!!

最近報紙雜誌都大賣尖沙咀新開的土司工房，主打星加坡版咖央多，今日路過尖沙咀，同一道小食，我想的卻只有海防道永遠『臨時』街市內的發興茶檔一坐下來，即叫咖央多、熱奶茶 (共 $15)，糖也預先幫你落埋，相當貼心...咖央雖然搽得不太均勻，但其味道不會太甜，加上外脆內軟的多士，已是一個不錯的享受，加上一杯港仔熱奶茶，茶味濃、奶又滑，這個"第二"下午茶真的相當滿足 (註: 事前小弟剛到油麻地龍爵飲茶)這裡出名的還有車仔麵，特別的是其材料，醬爆雞柳、吉豬等全是搶手貨，秋風起，的確是試這茶檔的好時機，如果想食德發牛丸的也可以放心落 order，兩檔會互相幫忙的，這地方真算是整個尖沙咀最地道的區域了

今朝行過揀咗左面嘅入口,一入去就見到個招牌,揾個位坐低,時間尚早,仍然無乜人但都比其他檔口人多,叫做奶茶同想試好耐嘅正宗新嘢,奶茶原來已經落咗糖,好彩唔係好甜,茶味同奶味都幾配合,唔錯,至於一心想試嘅正宗新嘢等咗一陣至有,包頭烘得夠脆,咖吔上面加片牛油,賣相幾好,不過啅頭而已,掉番轉如果響片牛油上面加一pat咖吔係唔係又可以叫做新嘢呢?雖然片牛油幾厚但食落無乜牛油味因為咖吔味太濃.其實已經唔錯,埋單都係$17,算好抵.見到呢檔老細走咗過隔籬德發牛丸度下厨,原來朝早攞埋嚟做.

上次食了閉門羹後，今次在本年入夏最熱的日子來。 雖然幾座大大風扇，但仍無減蒸籠感覺，立即要杯凍奶茶來降溫。鍾意食包頭的我，只是為了想試「正宗新野」，有鮮牛油、果醬及花生醬等混醬，烘得非常之脆，如果再厚少少就更加好。 聽說豬扒出名，再叫一個馬來豬扒通粉，豬扒肉質算幾鬆化，但不夠入味，不及炳記做得好，我反宜欣賞通粉很彈牙，湯底有淡淡的沙爹香。還未夠飽再追加一份蛋治，原來麵包幾厚身，又夠鬆軟，饀料雖是薄薄的炒蛋，但入口仍有濕潤的蛋汁流出來。食完後真是汗流浹背。

有一日同友人一齊SHOPPING完, 就3人行去0左食個BRUNCH...我地係海防道行入去, 經過0左好多野..先入到去...睇到曬一個街市既真面目...所以我極力勸籲大家唔好係海防道行入去, 最好係...個公園0個邊入...因位公園一入就係依個食店...實行眼不見為乾淨啦依單野...我地3個餓鬼, 每人叫0左碗麵, 友人的醬爆雞柳麵最出色, 因為佢個雞柳煮得好好食, 好入味, 個味係...類似用魚香茄子0個類醬煮出來的...而且佢既麵係我最愛的大光麵!!! 至於我的沙嗲牛麵就一般LA..因為個沙嗲牛的牛肉太鞋口, 個沙嗲無沙嗲香... 所以下次都係食番醬爆雞柳麵好D...但係個咖YOUNG多士都好出色, 厚多即勞, 外脆內軟, D 咖YOUNG都幾香椰味至於個正宗新野, 本來唔知係咩來的, 我地問老闆哥哥, 佢又唔肯同我地講WOR...叫我地試0左就知...哈哈...咁就試啦...原來係用麵包頭0個一片, 整出黎GA多士...烤好個多士, 搽好花生醬, 再加少片牛油, 唔知典解呢...個多士係熱既, 個牛油又無溶到...好CUTE呀..食起上黎又好香...哈哈...都幾多食..

睇見噤多網友都讚0黎間茶餐廳﹐咁咪同同事lunch試0下囉﹗點知"慕名而來失望而去"。一坐低﹐睇0下餐牌﹐冇寫價錢﹐但係又好多人食﹐唔會太離譜呱﹗﹖先叫0左碗馬來豬扒麵同馬來豬扒米。碗麵真係好細﹐但米粉就好0的﹐但係豬扒唔多﹐同網友上傳有好大分別。豬扒又肥又"un"。因為天口熱﹐叫杯凍鴦﹐唔掂﹐奶味太多。叫杯凍檸茶甜﹐好彩叫小甜﹐杯茶已經好甜。食完碗豬扒麵仲係肚餓﹐叫多個"馳名咖央西多"。嘩﹗好似食粉團噤。第一啖有被騙感覺﹐第二啖唔多想食。埋單﹕馬來豬扒麵/米- HK$17/碗 凍飲- HK$12/杯 馳名咖央西多- HK$13/碟最後﹐唔怪得0的人死忍住熱都唔叫凍飲﹐真係好貴。可能各人口味唔同﹐尖沙咀區﹐HK$17碗麵﹐唔好呵求﹗

由於响Monday雜誌睇到"古巨基"介紹呢間D"醬爆雞柳+腸仔"($16) 好正播~ 咁就即管去試試喇~ 食過幾口後..... 我同朋友就認定係唔掂既!!! 本身雞肉味唔夠新鮮(好似怪怪咁),個醬汁又唔野味!No good! No next time! 佢隔離前一檔"合香園", 佢既"沙爹雞柳"正得多啦!