百喜茶餐廳

Open Now

Now Closed

係九龍灣返工1年幾多，附近既餐廳都試晒！😊😊😊😊😊😊以茶餐廳尼講，百喜可以講係九龍灣最好食既茶餐廳！👍🏻👍🏻👍🏻👍🏻雖然細細間，位置唔多。但佢既炒飯、蜜椒薯仔雞翼飯、海南雞飯！真係好好食😋😊😋😋😋😋😋😋😋😋現在轉左工作，已經唔係九龍灣返工！但放假經過九龍灣一定會食尼間百喜👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

蜜椒薯仔牛柳粒飯（$80)賣相：🐧🐧味道：🐧🐧客飯以發胞膠外賣盒盛載，一口牛柳粒只有寥寥可數4、5 粒，薯仔則有8、9大塊，飯量標準一碗份量，以$80 價錢感覺不值。味道方面，牛柳粒口感偏韌，難以咬開。黑椒味一般，不算濃烈，不會過鹹或過油。薯仔經香煎過，外皮略脆，內裡有點硬未算軟熟。 薯仔沾上蜜糖、黑椒粒，甜中帶點辣，頗為惹味。白飯軟硬適中，不會過冧變爛。外賣等候時間：🐧🐧🐧在平日晚上8點幾下單，約需時40分鐘送達，與預計時間相約。🐧❤️結語：食物質素中下，經外賣平台點餐價錢昂貴，零回頭慾。

2022年1月15日 晴話說呢間男朋友次次做完gym 都會買盒黑椒牛柳粒飯返屋企食, 次次都食呢個飯又唔厭, 令我好好奇佢究竟咩味今次終於叫左男朋友帶左我去試蜜椒薯仔牛柳粒飯 $48一黎到已經好香, 入口好有獲氣個隻香味牛柳粒甜甜地, 仲有d 焦脆估唔到又真係咁好食, 超好送飯, 唔怪得男朋友次次都叫呢個飯食啦因為真係好食呢個飯餐仲配野飲同湯, 正常茶餐廳水平風沙椒鹽鮮魷 $60魷魚炸到好脆, 好香椒鹽味不過我就mama地, 但男朋友就好中意食呢個餸唔係餐, 要飯就要+$10但頭先牛柳粒個飯夠多, 兩人share 都夠, 可以慳返哈哈

呢間茶餐廳真係好隱世，係横街窄巷，真係路過都唔會行入去，見到都係地盤工友同埋街坊幫襯多，應該都係抵食足料，$40-$50有個午餐，包湯同飲品，都算幾經濟抵食！🍴例湯 (5/10)一般蘿蔔湯，有幾舊紅蘿蔔，鹹鹹哋，重味精，麻麻😂🍴泰式無骨海南雞飯 $46 (9/10)勁大盒，油飯好多，啲雞仲有成8件，店家真係好大方，真係做街坊生意😱 油飯好香，唔會太油膩，雞件仲有雞翼，雞髀，雞胸好平均分配，啲雞都算滑，雞胸都唔會太乾太難食，呢個價錢真係好高質，份量又足，好良心🤩仲有酸菜，花生，好香口，兩款醬分秘係泰式醬，酸酸哋，同埋薑蓉，鹹鹹哋，好大盒，份量好多，真心食完勁飽🤣☕️熱奶茶 (8/10)香濃茶味，幾滑，少少苦澀，幾好飲！推薦指數: 9/10CP值高，小店用心出品，必食海南雞，真係抵食又好食！

九龍灣海南雞飯 唔多唔少總會有一間要講到好食而且性價比較又要高嘅呢間絕對係榜上有名鋪頭門面唔係咁容易搵到係得寶同細三寶嘅中間入口首先會經過另一間遠近馳名嘅生炸雞髀鋪頭冬天時間都可以下次去試埋入到去 鋪頭 呀姐就會例牌畀個湯你 都飲得落好架然後雞飯就會送上今次疫情關係 就叫住外賣食先雞皮有厚度又脆口 你食開就會知講邊種爽脆肉身軟有彈性配埋香口嘅即炸花生 同酸菜最最最重要係海南雞🍗個靈魂醬汁真係就咁要個汁撈飯食都得呀加上大食嘅我 呢個呀姐真係會裝多d 飯比你 人情味十足🤪👍🏻👍🏻

這間街坊小店已經開咗好多年，地點偏僻，真係唔係街坊都會搵唔到。但係佢真係價廉物美，特別係海南雞飯真的十分驚喜。餐廳11:30才開門，但未到12點已經坐滿客人。大部份都是叫海南雞飯，午餐的價錢比較便宜，大概$39至$46左右，已經包括一個例湯，一個飯，一杯熱飲☕️。大部份客人都是叫海南雞飯，飯真的很大碟，充滿雞油的香味，無骨海南雞飯上有炸花生，鹹菜，薑蓉，自製泰式醬。雞很軟滑，有雞味，點上自製的泰式醬，很香，很可口豬扒炒公仔麵就普普通通，不過不失，但係依然很大一碟。舊式茶餐廳點可以唔叫奶茶，奶茶茶味很濃，奶味較少，但喜歡茶味的很推介始終係舊式茶餐廳，餐廳內位置很逼夾，環境也不算太乾淨，整間餐廳只有一個姐姐落單、執嘢、上菜，仲要包埋外賣。真係非常之忙碌，所以要有心理準備，一定要諗清楚叫什麼，然後快快手手叫阿姐落單。雖然餐廳比較細，客人比較多，而且不停有外賣電話。但係依然有很多人等位，不單止有地盤的真漢子，也有穿着斯文的OL。看來，沒有真材實料，也不能夠吸引這麼多不同類型的客人。總的來說，抵食夾大件，價錢很實惠，海南雞飯真的很推介。

百喜餐廳既海南雞飯，可以話係我食過嘅海南雞飯嘅top 3。需知道， 海南雞飯依樣嘢，同鮮花一樣，需要有綠葉(醬)襯托，才能顯出佢嘅味道。海南雞切嘅大細啱啱好足夠一口一件。雞皮嘅脂肪厚度同埋雞肉嘅嫩滑程度啱啱好， 再講三色醬, 當中嘅酸辣醬最為出色。 甜酸度啱啱好。 d醬一下一下咁樣刺激你舌頭。，然後呢個時候你再擺一件海南雞入去你個口。嘩！啱啱好！ 最出色嘅配料莫過於係酸菜， 佢唔係淨係得酸，仲有甜甜地。 雖然每次都係食外賣，但係都保持到個質數 ！👍最後， 當你覺得口渴嘅時候呢個餐仲送埋個雞湯。 雞湯裏面飲到好濃嘅雞味。不得之了……

過檔fans其實本人一直都係隔離日月星廿年嘅fans，一直都冇食過隔離呢間茶記，咁啱有日收夜未食飯，日月星嗰日收九點半咪去隔離呢間百喜試下，驚為人天好後悔冇早啲嚟翻炒咗幾次，質素平穩，以下為呢幾次嘅食評上圖先雞飯跟例湯凍飲加2蚊，正，啲雞夠滑，隻泰式汁好味上面咗會淋鼓油有少少小菜，本身跟油飯但係有啲硬所以我轉咗白飯，好食到我可以鯨吞，奶茶檸茶茶底正常。食完個餐都算飽肚好推介大家去試下。有次又試咗乾炒牛河，好多食唔哂，正常水平冇特別出色，隔離日月星個獲靚啲。個馬拉咖喱牛坑腩多人食我又試下，味道正常，冇話太鐘意。間餐廳都幾多外賣單，全部都係雞飯，堂食都係，所以嚟呢間食雞飯冇死。

今日2020年2月25號（ 我講我目前為止食嗰兩個月既心得，之前之後我唔知，戴頭盔）小弟因為喺嗰間餐廳附近做嘢（厚德商場），所以逢星期六日都去嗰邊食。 小弟之前食開對面嗰一間（其實唔錯只係多人）。但經同事介紹之後就喺依家百喜食。我去嗰邊食都係為海南雞飯同咖哩（ 如果冇咗我係唔會去嗰邊食），目前為止未試過食到肚屙， 海南雞飯， 佢嘅飯有伴雞油， 配料有花生醃菜，有薑蔥同泰式辣醬， 當然有埋主角嘅無骨海南雞， 雞本身滑嫩， 冇乜可以挑剔嘅地方。咖哩冇記錯係馬來XX咖哩， 一碟咖哩一碟飯。 小弟比我鍾意先食料後食飯（ 因為料多）， 食到最後再將咖哩同飯撈埋一齊，一個字，爽。 本身咖哩唔太辣有啲似葡汁， 又唔會好似啲咖哩磚，味假。 佢本身有咖哩香， 椰香就唔覺有但算滑口。如果唔係要同客講嘢，其實我會食佢多，係唔差 只係唔想睇無線新聞其實都冇乜嘢。（雖然依家係咁播劉德華D片）對於餐廳我會比較注重品質同態度。餸菜目前就係食嗰兩個（ 咖哩，海南雞）態度我一般要求唔高：唔黑面唔串就得（ 之前食某間，好黃店但差態度）

📍百喜茶餐廳🌟九龍灣.🔶 海南雞飯🚦必食🚦💰44👅8.8/10雞肉嫩滑、雞皮油潤肥美、冇雪味.油飯亦都係精粹， 食嘅時候仲聞到陣陣雞油味，最緊要粒粒分明又夠乾身!💡配埋啲酸菜一齊食仲惹味！

第一次去呢間茶餐廳，餐廳位置比較入，係啲橫街窄巷入面，唔太容易發現。入到去覺得整體環境太細，坐得唔舒服，食物同味道冇咩特別，整體價錢偏貴。而且食食吓仲要有曱甴周圍走過，仲要唔止一隻，真係嚇死，感覺上超級邋遢之後聽到其他食客都話呢度係咁，成日都有曱甴周圍爬來爬去，覺得超級恐怖，完全唔明白點解啲食客明知係咁都仲要嚟食最後，先唔好講啲嘢食已經唔係好好食， 十分普通，仲要有曱甴周圍走，真係以後都唔會再幫襯。

過去做開指甲，朋友mamami 話要帶我食好西😍我對於食物質素和環境都很重視，最怕就係地下污糟😑⋯⋯但mamami 再三推介話要帶我去食... 細細間坐位不太多，我就食左朋友介紹的無骨海南雞飯..肉很嫩口..份量都多！真係好好味呀！差不多8:00已經有人喺門口等位和坐滿，好在我早入去咋👏👏

牛頭角地下百喜的海南雞好出名今天看到其特價栗米雞絲飯40$講明用新鮮雞杯奶茶色水上等特登來吃鮮雞肉當然拍照留念⋯⋯加點白胡椒粉，一氣呵成食晒碟雞肉飯怎都吃不完下次再食海南雞可惜這次同一個很不衛生的阿叔同桌胃口大倒希望可以好運氣些

以前很喜愛去這家小店食飯喜歡小店既人情味而且老闆兩夫婦經常出來樓面問客人味道如何但自從約一個多月前食左份叉燒「牙籤」炒蛋而且插傷口腔我就冇再來食到今日再來幫襯叫左個星洲炒米但接近成半個鐘都沒來最火滾既係期間既電話外賣同比我遲來遲叫既食客都已經上晒菜食緊飯我明白有時小店經營手法緊係外賣行先甚至等夠兩三份order先一齊煮但更火滾既係當我埋單離開時同老闆娘呻等左好耐唔要啦點知呢個時候樓面阿姐對廚房大嗌「星洲炒米唔等啦唔好炒」阿姐老實到不得了就算食物再好味都好食到一肚氣就免啦

除非你住係牛頭角嘉和園附近！！否則你應該無食過百喜茶餐廳！！因為佢位於嘅位置都幾偏遠！！差不多去到街尾先見到！！但係百喜嘅香辣鷄扒包你不可不試！！足足有五吋厚！！包整得漲卜卜！！最精彩係塊炸鷄扒！！目测都起碼有吋半厚！！可能仲厚D添！！鷄皮炸得好香脆！！但鷄肉仲係好嫩滑！！辣味陣陣浸出！！咬落去啖啖都係肉！！話咁快成個包食晒！！唉！！聽日要去跑步添！！其實咁厚嘅鷄扒好難會炸得好食㗎！！通常會吾熟或過熟！！一定炸嘅時間要掌握得好好！！最後加埋杯凍檸茶！！今餐完滿結束！！但都只係須要俾$32咋！！小貼示: 下午茶食最抵食！！