百姓人家

Open Now

Now Closed

在元朗有不少小店，間中也會去覓食一番。這次去到大橋街市後面的安寧路，整條街也是食肆。我們去了家吃川菜的，有酸菜魚和小炒吃，晚市剛開始去人流不太太。簡約的環境裝修，座位不會感到擠迫挺舒適的。食物選擇算是多的，還可選擇不同辣度，不用怕太辣吃不下🤣。-酸菜魚 這個是例牌份量，看到份量算是多的。金湯賣相吸引，酸酸辣辣的味道挺開胃，在這個悶熱天氣吃是個不錯的選擇😎。魚肉大片肉質鮮嫰無骨，骨頭不算多的。另有多款配料在裡面，吸收湯汁味道可以欵。-泡椒田雞 爆炒方式做菜鑊氣很可以😌，這款味道會辣一點，用泡椒做菜別有一番風味。田雞做得入味挺香的，肉質鮮嫰質感不會太韌。泡椒會有愈吃愈辣的感覺，拌飯吃很可欵。-糖醋排骨 開胃又吸引的一道菜，顏色賣相教吸引，排骨肉質軟腍，帶點肥肉味道挺香。醬汁濃稠惹味，酸中帶甜味道可以的。裡有三色椒和洋蔥，所以口感較豐富。-飲品吃辣的食物來杯飲品，熱辣辣天氣生津解辣點了蜂蜜柚子茶 ($22) 和凍檸檬茶 ($20)，也是口味清新的飲品。蜂蜜柚子茶香甜開胃，感覺挺滋潤的。檸檬茶味道較香濃，茶味甘香不苦澀。-

今晚來到了元朗尋找美食，這間餐廳以川菜、烤魚和小炒為主打。最吸引我的是價格合理，且不收加一服務費。餐廳的環境簡樸而舒適，也適合與家人或朋友聚餐。服務員友善且細心❤️酸菜魚 $198生魚片的份量充足，沒有少刺，微辣的味道襯托出酸菜與苘筍的豐富口感，還有口感煙韌的寬粉啤酒鴨 $128來一道鍋物暖暖，用了啤酒加上配料來燉製，讓這道啤酒鴨更濃更純，非常暖胃拍青瓜 $38份量十足，青瓜爽口，可以消除口中油膩的感覺四川涼粉 $38滑口爽Q的四川涼粉一入口先是本身的冰涼，再來微微辣度🎈百姓人家🎈元朗安寧路59號裕豐洋樓地下A號舖

【🇭🇰元朗川菜探店｜百姓人家🌶️性價比高！必試酸菜魚】 今日同囡囡去咗元朗安寧路呢間「百姓人家」食川菜，餐廳裝修幾有家常feel，座位闊落，啱晒一家大細開餐！ ✨鐵板魷魚鬚 $128 一上枱「滋滋聲」超治癒！魷魚鬚彈牙得嚟又夠鑊氣，辣度可以自選（我揀咗小辣），仲有洋蔥同青椒提香，送飯一流～ 🌶️酸菜魚 $198（必點！） 份量大到嚇親！魚片嫩滑冇骨，酸菜夠正宗，湯底酸辣平衡，仲有粉絲索晒湯汁！囡囡食到「嘶嘶聲」又停唔到口，抵讚！ 🥬大盆花菜 $78 鑊氣十足！花菜炒得爽脆，加咗少少五花肉片吊味，簡單但好食，素食朋友可以走肉～ 🍚楊州炒飯 $78 炒得粒粒分明，料都幾足（有蝦仁、叉燒粒），不過略嫌油咗少少，下次可能會試白飯配餸。 💬總結：人均$200左右，性價比高！特別推薦酸菜魚同鐵板系列，服務態度OK，會encore！建議weekday去唔使等位～

今日黎左元朗一間正宗食川菜！價錢又好實惠既餐廳 ， 每道菜既辣度都係自己選擇，我地都食到辣🌶️🌶️餸菜揀中辣👍🏻糖醋排骨 $98 排骨煮得非常入味，酸酸甜甜好開胃架，外層酥脆，內裡軟嫩，啖啖肉香！小炒牛肉$98小炒牛肉一上黎就聞到一陣肉香，勁多芫荽菜炒牛肉、好惹味超級香口👍🏻牛肉炒得嫩滑，蔬菜味道清新，好吃！土豆回鍋肉$88真係唔可以錯過佢哋的招牌菜！一睇餐牌 第一眼就想試試呢個土豆回鍋肉，果然冇令我失望！回鍋肉10分香口😋鐵板水晶粉 $78粉絲係我至愛，每次有呢款菜式既餐廳我都會嗌呢一碟，粉絲夠彈牙，粉絲好吸味👍🏻好正架！麻婆豆腐$78爸爸話想試下麻婆豆腐，豆腐滑嫩醬汁香辣，軟綿白滑，呢個係白飯既絕配！炸小酥肉$48呢個真係好抵食，新鮮出爐小酥肉炸得金黃咬落脆口，份量非常多，再點埋香料，好惹味。每道菜都即叫即整，炒野火喉足夠，餸菜入味、川味重，菜式好味，鐘意食辣既話係唔錯既選擇！如果想要平、靚、正，午市仲更抵食添呀，如果你去到1700可以當食個早飯😆也不錯#百姓人家 #元朗川菜 #香港川菜  #正宗四川菜 #元朗美食 #爱吃的娜娜 #香港川菜#元朗吃什么 #元朗好去处 #川菜 #我的美食

今日同媽咪係元朗行完街想食啲辣野，行經呢個位見到有間食川菜既好似好吸引，即刻入去試試先。🟥酸菜魚份量十足，啲魚肉質鮮嫩，辣度方面，佢地話預設係中辣，食得辣既人記得叫大辣或以上喔！🟦干煸四季豆好惹味， 四季豆加埋肉碎同辣椒一齊炒，辣味唔算太濃，好岩送飯，不知不覺清左一碟！🟧泡椒田雞賣相不俗，口感爽口，田雞係碎上，份量好多，夠香+辣，醬汁特別惹味，點埋啲醬一流。🟩炸饅頭超大個，一黎到都呆左🤣🤣好抵食，外表炸到好金黃香脆，點埋煉奶無得輸。

又嚟到元朗國搵食，其實朗屏站附近都有好多好野食㗎！今次就到呢間百姓人家，餐廳主打正宗川菜、烤魚同埋小炒等等！價錢合理，仲要唔收加一添啊～特色水煮魚💰HK$198水煮魚叫咗細份都大大兜！魚片嫩滑，而且冇碎骨！底下仲有芽菜、椰菜同埋寬粉，整體感覺油而不膩～小炒牛肉💰HK$98牛肉肉質柔軟，仲吸收咗辣椒嘅麻辣同埋鮮香味，真係令人越食越過癮～乾拌口水雞💰HK$78雞肉鮮嫩多汁，配搭埋味道與別不同嘅口水汁，麻辣惹味～麻婆豆腐💰HK$78豆腐口感極嫩滑，除咗辣味之外，仲多咗一種豬肉碎嘅鮮甜味，用來撈飯一流～白飯💰HK$12食川菜點可以唔叫返碗口感鬆軟嘅白飯～凍蜂蜜柚子茶💰HK$22味道酸酸甜甜，比人一種好清爽嘅感覺～

這餐廳跟招牌一樣不論食物或價錢方面都十分貼地完全是符合到百姓人家的牌匾，其大部分菜式都是貼地家鄉菜。雖然餐廳主打冒菜，川菜但菜式全都可以選擇辣度的👍🏻。另外值得一讚的是餐廳下午時段11：00-17：00午市套餐都係$60或以下已經可以有交易，仲可以無限添飯🍚。以下是跟友人點選的食物：🐷四川扣肉飯（走辣）層次分明的扣肉底部再放滿梅菜面層加上蔥花只睇賣相已經流哂口水😋。扣肉肉質冇想像中肥膩反而有少少‘’鞋“”口味道適中唔太咸，反而梅菜較咸但如果配白飯的話會覺得剛剛好，仲會另到您胃口大開食哂整碗飯都不足為其。🐮水煮牛飯 （小辣）紅油滿佈的水煮牛正是菜式靈魂所在，因為小辣程度的關係紅油邪惡程度唔高😂。但惹味程度是相當夠的配白飯真是一流，小煮牛碗內除了大量牛肉外還拌除了芽菜及娃娃菜兩款也是吸湯的菜，如果鐘意食麻辣的朋友真係唔好錯過。牛肉方面肉質偏林身唔會韌但牛味唔太濃。🐟水煮魚飯（BB辣）唔食麻辣的朋友仔建議可以試下BB辣因為這有助提昇魚的鮮味辟走魚的腥味，魚片的份量相當足起碼有十片或以上仲要塊塊都好厚身😀碗內還拌除了芽菜，娃娃菜和寬粉其吸湯指數極高再碗白飯一齊食真係好難抗拒。

最近成日都好想食飯⋯今日lunch time , 行過見到呢間餐廳～ 因為想食飯就入左去佢既lunch set 係客飯🌟沙薑雞飯 我本身麻麻地～ 見我老公食～偷左一兩件～ 有d 咸, 但送飯又啱啱好 🌟酸豆角肉沫飯一見到黎到 真係肉沫⋯ 肉好少⋯都有d 失望～ 不過佢既酸豆角偏偏又好啱我最近既胃口⋯⋯我竟然因為酸豆角⋯ 食下食下⋯ 成碗飯食晒～食左兩款濃味lunch ~唔爭在飲埋可樂 & 凍檸茶 🤣真係一日杯凍檸茶既香港人黎⋯Lunch $50-70黎講～ 不過不失啦以前既我未必鍾意食濃味中式飯～不過最近真係成日心思思又想再食佢 😅😅

個花椒雞每一嚿都係雞骨，完全冇肉。收人百二蚊。 店員話係咁架喎， 轉過第二種雞都係一樣。 冇下次🤬 其實野一樣性價比好差， 大盆花菜得個盤係大。 麻辣牛肉冇味唔辣又好硬。 全部牛肉都好似啲頭頭尾尾咁。 人地唔要既廚餘整成， 但就收你$68。 剩係得個紅色油喺度浸住啲牛肉。2個人食3個餸， 完全唔飽。 可以出去再食第2餐。 講真依家嗰個星期六日返大陸食唔係冇原因。香港啲舖頭咁嘅價錢比啲咁嘅質素服務態度又要差。 都唔知點解要黎受氣。

外賣自取既，口水雞小到痴線，狗都唔飽，全部都雞比關節雞亦，好失望，好激氣不如唔好咁做壞自己招牌啦，一係就唔好做平餐，一係就貴d，好失望真系，會不會太過分🤧🤧🤧

環境：乾淨、光線充足、坐位寬敞服務：大部分員工有禮貌，只係其中一位高高地嘅阿姐黑面食物：午餐全部跟一碗飯及飲品，鹽焗雞飯好食，但切得略為細件，感覺有啲碎；水煮魚好味，魚肉好大片又滑，仲有啲薯粉墊底；酸菜炒肥腸，野味好送飯價錢：以$55價錢嚟講，食物質素及份量合格餘

今日落大雨見樓下新開左間川菜餐廳，决定午餐試下百勝人家。叫左酸菜魚午餐，酸菜魚份量夠同好味，加埋杯凍O茶都係$60,如果酸菜魚可以選擇加大就好，下次一定會再試下其他午餐。

收工唔知食乜好，周圍行下突然見到呢間新開張既百姓人家，望一望餐牌係食辣為主，即刻請示老婆，然後買外賣返屋企慢慢食。入去落單，見餐廳都幾闊落光猛，堂食應該都坐得幾舒服，就算有幾枱食烤魚都唔會好大陣味。落完單就係鋪頭外面坐低等扲餐，估唔到佢出餐幾快，幾個字就扲得，之後就所返屋企開餐。今次點左兩味小食，分別係泡椒魚皮絲同幹拌口水雞。平時魚皮都係一大塊，呢間切到一條條，相當費功夫，口感Q彈，泡椒味又麻又香。口水雞又係切到細細粒，沾上紅油食，一口一舊啱啱好。小菜就叫左幹鍋肥腸，肥腸相當肥美，係辣椒既加持唔會有腥味，又辣又香。我哋仲叫左個細既酸菜魚，估唔到細份都幾大份，魚肉無骨滑嫩，配上酸菜食，相當惹味。百姓人家既價錢同份量都相當宜人，相信我哋會好快再來食過。

啲小菜咸到癲 *水煮牛啲味道似沙嗲牛咁（成兜就食左幾塊）又鞋又唔知有啲咩味道 一言難盡*口水雞啲雞鞋到口感勁差*啲四季豆2個人都唔夠食辣椒多過四季豆*個魚皮得個咸同勁明顯既味精味*仲話正宗川菜 一啲同川菜關係都冇*平時食開川菜既朋友一試就知道跟本唔係個回事 主要真係連味道都難食*本身睇過之前人地食評評到咁差都唔信 今次真信了 好差好差 都什少寫食評 岩岩新開啲質素都差到咁大家千其唔好中伏唔信既勇士可以試完再留個言

經過見到新開一間川菜，試一試先，我點左小炒牛肉飯餐，飲左一杯酸梅湯，呢度凍飲係加5蚊，講下味道先：小炒牛肉係芫茜炒，我都幾中意食芫茜，牛肉大大塊，有鑊氣，我無要求辣度見到應該係中辣，對於我口味黎講都係辣左d，還好有杯酸梅湯解辣見到米飯任添，食左兩大碗飯，真係滿足曬我呢d大食既人～買單總數60蚊總體黎講都算平又抵食，下次會再來～