皇后餃子 (Closed)

鐘意食煎餃既我見到呢個 即刻走埋去排隊買之前食個fd話佢個辣菜甫好正係真架叫左粟米芝士煎餃 未食睇到佢個餃樣已經流曬口水咬落薄薄既皮裡面有甜粟米既清甜配上多汁既豬肉 真係好滿足本身都無諗住搞個菜甫 因爲平時都唔多食菜甫既菜式 覺得會過鹹 我諗住就咁食個餃 咩都唔加但食完兩隻 雖然好好食但油膩幾重個fd話夾埋辣菜甫食會開胃啲又真係喎估唔到呢個辣菜甫令呢味煎餃再昇華不過就食唔到有咩特別既芝士味所以如果你係芝士控可能會失望但如果你係一個鐘意食餃子同菜甫就會好鐘意佢個餃喇

佢地餃子係好食嘅，我都成日買。今日有事夜左回家，10:30pm 先去買，買左餃子同一碗佢地新出嘅魯肉飯，點知個飯出事!!每一啖都係飯焦!!硬到食唔到!!!如果你賣晒，我咪買你炒麵囉，何必要畢d 黐住飯煲底嘅飯焦俾人呢？？？倒自己米???!!!!

晚上7點半，openrice見到宣傳單寫著可外賣生餃，預早致電，訂1盒生餃$35 12隻，可選兩種味道，我選鮮肉香菇芹菜+鮮肉芝士栗米餃。1小時後到店，一打生餃即時由雪櫃攞出，包餃師傅太好原來一早已為我包裝妥當比錢走得返屋企，好靚紙盒，一打開大大隻新鮮餃子我一半用焗爐烤，一半用湯煮。煮好咬開試食餃子足料，皮薄餡靚，材料仲好新鮮，食落依然有肉汁哩個價錢，哩個服務，直情食到師傅個份心意，真是體貼好耐無遇過咁有heart 既食店啦讚

超好吃既餃子吃過己經唔止一次了餃子肉超多 我叫既係白菜餃 好好吃牙超足料 煎得都好好吃！15蚊4儲大大隻好底而且餃子款式味道都有好多下次等我試下湯餃！一個字 底吃正！ 有下次不得不提個菜誧！

因為加班而夜左放工，雖然好肚餓，但太夜又唔想食太多，始終驚太難消化訓唔著。 好彩老公去左藍田剪髮，經過呢間餃子店食左後話好掂決定外賣生餃回家煮俾我食😍😍雙拼12隻 ($35)價錢個人認為非常抵，原因係餃子非常大隻，內涵爆棚，十分抵食粟米豬肉餃未食已經見到皮非常薄，一啖咬落去內涵更加係跌出來，非常多，咬一口就充滿肉香粟米既甜味，比例合適，完完全全做到皮薄涵靚真係好正京蔥牛肉餃同樣地涵料爆棚，京蔥為牛肉增添香味同順滑，牛肉完全唔會。非常推薦呢間水餃舖，因為每一隻餃都食得出誠意同認真，唔會因價就貨，超級抵食。 其實食半打已經要投降了，好飽推介指數:

#皇后餃子 (藍田)藍田啓田道50號啟田商場地下-----湯餃子雙拼（$30-8粒）🤤藍田ge啟田商場底層裝修完之後 成層都變左小食店 呢間長期好多人排隊ge皇后餃子就係其中一間 佢地ge餃子有三種製法 分別湯 蒸 同埋煎 而B仔今次就叫左泡菜豬肉餃同椰菜豬肉餃 兩種餃子都非常皮薄又大粒😍餡料超級豐富又新鮮 而且各有特色 泡菜爽口 辣得好惹味 椰菜就清新 令人食得好舒服 係非常出色ge餃子 多人排係有原因ge 唯一要扣些少分ge係 由於皮太薄 餡太多 所以用湯煮底下 餃子好容易爆開 下次會試下蒸或者煎🤤🤤🤤-----👶🏻B仔整體評價：9/10個👍🏻👶🏻B仔抵食程度：8.5/10個👍🏻👶🏻B仔環境評分：外賣yo👶🏻B仔味道評分：9/10個👍🏻(爆皮扣左少少分哦😝)👶🏻B仔回頭機會：10/10個👍🏻-----跟住我一齊吞食香港啦！🤤#swallowlamtin

初開舖試過「白菜餃子🥟」，但係覺得味道淡淡的。 但自從家姐請我食佢哋嘅「粟米芝士餃子」及「香菇芹菜餃子🥟」之後，就對佢哋完全改觀。「粟米芝士餃子」有好多粟米，食到有芝士味，但芝士如果可以再濃啲就更好。 「香菇芹菜餃子」好多芹菜，咬落好脆口，好香芹菜味。「京蔥牛肉餃子」同樣好多餡料，京蔥味適當，放湯及煎煮都同樣好味。$20有6隻餃子🥟，所有餃子🥟都免費送招牌辣辣菜脯，放湯及配煎餃都好好味，但係菜脯真係幾辣的。 早餐仲有炒米粉/麵+豆漿套餐，只係$20。 即叫即煮嘅炒麵，夠晒熱，加少少甜醬，好。大部分食物都係即叫即煮，煎餃煎到皮脆，饀飽滿，湯餃嘅湯非常熱，外賣返屋企食都仲係熱呼呼的。 雖然等候時間約5-10分鐘，不過，都係值得嘅。 最多等嘅時候走去附近睇吓其它嘢囉！

見藍田開咗一排既掃街今日去朝聖啦食咗個白菜餃子🥟10蚊有3隻見到有人係舖頭包緊 見到佢啲料唔洗錢咁擺入去即刻買咗一份食 原本想試韮菜餃但賣完了買了白菜的加了醋和豉油 重點是加了辣菜譜❤️❤️❤️菜譜跟餃子非常夾值得嘗試🥟❤️

個個嚟親呢間皇后餃子 一定係試佢嗰啲煎餃同埋湯餃 但係肥雞唔同 肥雞覺得佢嘅餃子都唔夠佢嘅椒鹽燒賣好食佢既椒鹽燒賣有咩咁特別 就係佢一定係即叫即炸嘅每次肥雞一落完order先會見到嗰啲店員姐姐將啲燒賣放入個炸爐到咋 雖然要等一陣但係肥雞覺得咁樣先係最好味因為現場太多人 所以呢計就拎返屋企食但係返到屋企仲係熱辣辣牛落口同出面嗰啲成陣膠味嘅唔同 你食得出佢係有魚肉喺入面 再配埋佢配畀你嗰隻甜辣醬 又係冇得輸所以肥雞成日食

之前得知啟田商場新開了很多小食店，今日偶然經過，看到這間店，發現好多人幫襯，而且竟然有我最愛的芫茜及芹菜做餡的餃子（很多餃子專門店都未必有呢）沒想到質素及份量都令人驚喜！！我叫左3隻芫茜，3隻香菇芹菜湯，共$20。原本以為會係細細隻，點知又大隻又足料，六隻就裝滿一個大碗(圖中我已忍唔住食左兩隻半😛) 味道岩岩好，菜肉比例係我喜歡的多菜少肉!! 湯都幾好味唔係好hea既清湯，好似有少少魚味。我一定會繼續支持呢間餃子店，希望可以保持水準😋

皇后餃子位於啟田街市外的食街，雖然衛生程度可以接受，但油煙味重，而且食街的空氣比較侷促。食街範圍有提供少量座位，但據當日所見，座位早被區內長者坐滿，所以如果不買外賣，就只能在附近「立食」，隨隨便便填飽肚子再說。店裡供應煎餃、湯餃和蒸餃，餃子可以選擇幾種口味：韭菜、芫茜、白菜、泡菜、芝士玉米、香菇芹菜、翡翠素餃、京蔥牛肉餃（+$5）。當日試了芝士玉米和泡菜餃子，店員會問需不需要加豉油、菜脯和醋，重口味的我當然要：「落晒呀！唔該！」不過加的菜脯沒其他人的多，感覺要看店員手勢。煎餃子皮脆不會過厚，有點像半煎炸，香口，食完估計會喉嚨痛。餃子餡料爆多，啖啖都食到餡料。泡菜煎餃裡面加入不少泡菜，切的比較大粒，真材實料。個人還是偏推薦芝士玉米餃，雖然叫芝士玉米餃，但食不出芝士味，幸而豬肉餡加入大量粟米粒，口感十足，甜甜地，爽口！要挑剔的是，本身加的豉油和醋等調味料太多，食到最底的時候，餘下的變成重口味的油浸餃子了。

改個名叫皇后餃子，講到明招牌菜係食餃子啦。有煎餃、炸餃同湯餃。我通常食煎餃。餃子口味多，呢日我食左芝士玉米、同白菜豬肉。玉米即係粟米啦，加左少少芝士既粟米特別香甜，好正。而且餃子皮薄煎到極其香脆，好好食呀 😋😋😋白菜豬肉就更正，因為一咬落去會爆汁，非常好食。而最重要而不可或缺既係店秘製既酸甜醋汁同菜寶，係食皇后餃子必要汁料，一定要沾食。椰菜豬肉、韭菜豬肉一樣會爆汁，即叫即煎，超正。京蔥牛、芫茜餃亦都香口。除左泡菜仲未食過之外，所有口味食過晒，好味。驚餃子唔夠飽肚，仲可以食炒米、炒麵或狗仔粉。狗仔粉餸料少，味道較清淡，鐘意食濃味既人就未必喜歡，但我okay. 份量幾多，抵食 👍🏻

這店由開張起，都見到不少人幫襯。我也光顧了兩次﹗雖說是手作餃子，價錢也不太貴，排隊期間，看見店員正在努力包餃子。鮮肉韮菜煎餃，十元三隻韮菜煎餃很香口，肉汁豐富﹗鮮肉芝士玉米煎餃，十元三隻芝士玉米煎餃，雖然食唔出芝士味，但味道唔錯。買煎餃時，店員還會問你要不要醋、辣油及菜葡。加了這三樣，十分美味。第二次幫襯買了韮菜煎餃和椒鹽燒賣。餃子中間的便是辣菜葡，很美味﹗椒鹽燒賣看見這邊十元有七粒很化算，便買來試試。味道也不差，雖然不太有椒鹽味，剛好剩下餃子的醬汁點來吃也不錯﹗總括來說會繼續幫襯﹗

週末懶懶地，又唔想去咁遠諗起啟田街市既食街，同老婆去掃下街。今次試咗餃子皇后嘅煎餃子~煎餃子口味都有好多，有韭菜、芫茜、椰菜、白菜、泡菜、芝士玉米、香菇芹菜、翡翠素餃都係$10/3隻，而京蔥牛肉餃$15/3。我哋先試香菇芹菜餃子，係即點即煎既，買完之後買下其他小食其實都唔算等好耐！餃子煎得好香，乾身皮薄又大隻，入面滿滿嘅餡料， 真係好足料，以$10/3隻嚟講，真係好抵食！配埋自家製既辣菜脯特別惹味！！

聽聞藍田新開的街市有很多美食！近水樓台，當然即刻去試下有什麼好東西！其中一間相當多人排隊，而且非常吸引的要數皇后餃子，我亦忍不住光顧了數次，回頭率高。皇后餃子有煎餃，亦有湯餃。識食一定係食湯餃，除了怕熱氣，湯餃的湯底和辣菜莆都是湯餃的重點。湯餃售價20元六隻，可以選兩款不同的，不過我最愛都是鮮肉芫茜餃。餃子很大隻，十分足料，皮薄餡靚，咬開餃子，芫茜佔了三分一，鮮肉佔了三分一，菜多肉少，所以吃得多也不覺膩，芫茜吃落十分香，瘦肉也煮得剛好，湯底就沒有多特別，但菜莆做得算出色，提升整體味道！其他口味如香菇芹菜和椰菜一樣美味，但肉的比例較多，不怕吃芫茜的朋友，首推芫茜口味！Menu