Video
Read full review
2017-06-01
299 views
每個月都會喺呢邊剪頭髮，因為怕人多，通常我就選擇12點零鐘呢度時間剪，咁要我食個晏又驚太飽，如果洗頭會飽得滯唔舒服。所以我一般喺呢間小食店食少少野先過去。店面幾大架，小食種類都幾多，腸粉、魚蛋、燒賣、撈麵、雞脾等等都有，正常價錢。魚肉燒賣 $10/8粒；辣魚蛋 $8/7粒佢地嘅辣醬都ok，幾好食，魚蛋係舊式果種，細細粒，唔會淋哂，仲有少少彈牙。燒賣我都覺得算幾好食，唔會蒸到出哂水或者皮好硬。炸墨魚丸 $9/3粒即時炸需時等候，好食呀，唔會太厚粉，而且墨丸都幾彈牙啦。如果配少少泰式辣醬正。炸燒賣 $11/6粒燒賣就冇炸墨丸咁脆口，合格，冇乜調味，可以自行加醬。呀姐好好禮貌架，所以我成日都幫襯！門口有張高枱，雖然冇櫈，但都方便我呢啲即食嘅客人。餐牌：
所以我一般喺呢間小食店食少少野先過去。
店面幾大架，小食種類都幾多，腸粉、魚蛋、燒賣、撈麵、雞脾等等都有，正常價錢。
魚肉燒賣 $10/8粒；辣魚蛋 $8/7粒
佢地嘅辣醬都ok，幾好食，魚蛋係舊式果種，細細粒，唔會淋哂，仲有少少彈牙。
燒賣我都覺得算幾好食，唔會蒸到出哂水或者皮好硬。
炸墨魚丸 $9/3粒
即時炸需時等候，好食呀，唔會太厚粉，而且墨丸都幾彈牙啦。如果配少少泰式辣醬正。
炸燒賣 $11/6粒
燒賣就冇炸墨丸咁脆口，合格，冇乜調味，可以自行加醬。
呀姐好好禮貌架，所以我成日都幫襯！門口有張高枱，雖然冇櫈，但都方便我呢啲即食嘅客人。
餐牌：
Post
