真‧章魚無雙

Open Now

Now Closed

夜晚8點幾黎到葵廣搵食一定要掃下街既😋好耐冇行葵廣 好多舖都唔同左.我一早上網做晒research諗住有機會黎掃街一定要食既小店未食正餐 就諗住搵啲小食食下先🤣.當中包括2樓既真。章魚無雙佢出名在章魚燒好食 多味道揀 又多木魚碎唔知多唔多人同我一樣 食章魚燒係為左啲木魚碎🤣🤣🤣.我就揀左明太子章魚燒明太子醬唔會太咸 反而好香口感creamy 同章魚燒勁match!!!!!!.食章魚燒 重點係木魚碎 痴住每粒章魚燒睇佢擺動幾下識食一定成粒啪入口(不過要小心熱🤣🤣🤣🤣🤣)粉漿係口內流出 又香又滑每粒章魚燒都有至少兩粒章魚粒勁大粒 有咬口 無敵👍🏻

🐙唔知有冇人同我一樣都好中意食章魚燒！！蜜糖芥末章魚燒 8粒（$37）章魚燒最重要嘅係入面彈牙嘅章魚，其次就係個汁，呢隻味甜甜地同章魚小丸子好夾啊，我超中意食，d小丸子外皮都幾焦脆，每粒入面都咬到有章魚，口感十足，木魚絲都比得幾足，有時食完都仲有。明太子章魚燒 8粒 （$38）鹹鹹地，我個人唔係特別中意呢隻味，明太子醬比左好多，雖然唔係我中意嘅味，但我依然覺得好好食😂另外原味同蟹膏味都試過，都好好食，我希望可以試混曬全部味🥰加$2可以雙拼架真·章魚無雙📍葵涌廣場2樓C07B號舖🚇葵芳地鐵站D出口（步行約2分鐘）📍旺角中心1期2樓SB02號舖🚇旺角地鐵站B1出口（步行約1分鐘）#葵涌廣場 #葵廣美食 #真章魚無雙 #章魚燒🐙 #章魚小丸子

🔸真·明太子章魚燒 $38 / 8粒章魚小丸子雖然比出面貴但係佢好大粒，好足料！😋每一粒入面都有章魚木魚碎俾超級多！好大方！章魚小丸子同木魚碎絕配即叫即燒，熱辣辣🔹環境：沒有座位，要企喺度食 落咗單之後要等一陣 大概行咗葵廣一個圈之後返嚟就有得拎現場等嘅人數都幾多-時段及等候時間：星期二 晚 ～15分鐘-味道：10/10性價比：8/10回頭率：5/5-#真·章魚無雙📍 葵芳葵富路7號葵涌廣場2樓C07B號舖

呢間嘅章魚無雙都係數一數二喺葵廣人頭湧湧嘅舖頭😮 雖然只係接受現金付款 但係都無阻大家對佢嘅熱情 俾完錢都要等返15至20分鐘先攞到章魚燒上手呀😂章魚燒嘅口味有好多款 真係花多眼亂 樣樣都想食🤣 不過因為排隊嘅人龍實在太長啦 所以其實都唔係好睇到餐牌就要揀啦 所以就食返上次食過嘅蟹膏章魚燒🫢 真蟹糕章魚燒一拎上手真係好熱辣辣㗎 果然係即叫即做 舖頭流轉咁快真係保證新鮮熱辣 賣相雖然唔係特別IG-able (利申上次食賣相好好多🥲) 我諗係因為實在太忙碌 所以就整得求其左 不過食物最重要就係味道吖嘛😬 章魚燒上面有橙色同綠色嘅蟹籽 外層烤到好香脆 入面就食到粉漿包住一粒章魚 都食到章魚嘅鮮味 再配埋面頭嘅蟹膏同埋蟹籽 真係口感好豐富呀🥰 最重要係面頭仲有木魚碎 個人覺得木魚碎配章魚燒真係一個好適合嘅配搭😆無論你食乜嘢味都好啦都要預大概15分鐘先有 可以買咗飛 再去睇吓其他嘢食 再返轉頭拎頭啱啱好啦😎

係葵廣行街成日見到好多人排隊，搞到好想一試，因為自己都好鐘意食章魚🐙燒～❤️今次試嘅係最原始嘅大阪風味，即叫即整，都係10分鐘內就有☺️食落係外脆內裏熱辣辣👍🏻😉

見冇咩人排隊就買黎食多數叫8粒雙併我就當一餐lunch食完岩岩好夠飽架喇不過熱辣辣即食係最好味次次拎琴返去淋哂已經差d平日冇咩人我都會企埋一邊食左先👍🏻大阪風味拼多蔥味 $38

帶親小朋友黎掃葵涌廣場次次都一定要食章魚小丸三樓有食但係章魚無雙，真係好食，次次都水準一樣原味，黑松露，明太子，蟹糕都食勻食黎食去都係翻兜明太子併蟹膏8粒＄44外面薄漿脆皮，入便料多，八爪魚粒都多，章魚粒係中size有咬口

個人認為係葵廣最好食嘅章魚小丸子  經常大排長龍 醬料份量十足  首先 每粒小丸子都包裹住2-3個嘅章魚粒  然後 表面上滿佈哂柴魚片同爆多醬（睇相就知）  最後 一定要一啖食左佢 嘩 ！各種 味道 香氣 口感 都衝擊著味覺 你話 能不愛上這店嗎 ？太喜歡了 ！我地食佢頻率高達8成 推薦：明太子 同 黑松露 （註意*gas味好重下🤤🤤）

一直都想去葵廣試吓章魚無雙 講咗咁耐都系冇去到 之前見觀塘裕民坊近近地開咗間 就即刻去咗 明太子鹹到阿媽都唔認得😖即刻blacklist咗佢 但見網上好多人推介呢間小丸子 冇理由會系咁嘅🤨所以睇下其他分店系點嘅今次嚟到葵廣決定再試一次!本身想食蟹膏但佢話冇貨😔最後食咗芝士味 佢唔單止冇令我失望 仲有驚喜添😳♥️ 芝士同沙律醬份量適中 唔會太漏又唔會太鹹 味道啱啱好😋每粒小丸子都有兩粒章魚粒🐙 個漿唔會太厚 真心好食!!🤤*雖然唔系食返明太子比較系有啲唔公平嘅🤣但我諗應該系觀塘分店個staff落醬落重手得滯 唯有想食都系去葵廣食啦😛*

一行葵涌廣場就會忍唔住想食野，見到真章魚無雙排哂隊真係忍唔住排埋一份真大阪風章魚燒真蜜糖芥末章魚燒6粒 ~ 雙拼加兩蚊 $33自備器皿減$1即叫即製等左接近20分鐘，一拎上手真係熱到爆大阪風章魚燒醬汁分量岩岩好，舖滿木魚碎，沙律醬紫菜好足，每一粒章魚小丸子的外皮係脆脆，入口唔會係一口麵粉漿，入面有粒大大粒章魚粒，好彈牙，唔係求其之作。蜜糖芥末章魚燒相比原味就濃味少少，蜜糖芥辣味食落好惹味，可以再encore.

本身由細到大都麻麻地章魚燒但之從食過一次呢間就愛上了💓每次去葵廣都想食🤣個人就比較鐘意葵廣店多啲🥰🔸真•黑松露雙拼明太子章魚燒(8粒)🐙$43 黑松露味小丸子上面淋上黑松露沙律醬再加點黑松露,黑松露味超夠🤩而明太子相對比較鹹,明太子醬加沙律醬💫個人覺得明太子醬可以再濃少少😙章魚燒個皮好脆,粉都唔會厚💦章魚嘅份量都好足🫶🏻大家一定要試吓❤️‍🔥提提大家雙拼要加兩蚊~~🔸真•芝士章魚燒(6粒)🧀$33一黎度已經聞到好香,芝士係用火槍燒過仲可以拉燒🤤芝士夾埋小丸子食好正🤭而章魚燒同樣外皮好脆,章魚量好足🫦但葵廣嘅芝士就比旺角多😳

真。明太子 x 真。激蔥風 章魚燒 雙併 ($40)今次係夜晚七點幾去買🫣排隊條龍長到後面兩三間舖，由排隊落單到整好食到好似都要等左20mins左右。即叫即製真係好正！！！一拎上手熱到辣手！一定要喺現場即刻食！每一粒章魚燒都係外皮脆脆的，入面有滿滿的章魚粒🥹再淋上勁多醬😍食落去真係滿滿嘅幸福感🫶🏻次次黎買都想食好多個味🥹但明太子真係必嗌🤎蔥真係爆多都好正❣️食過幾次其他無雙分店但都係始終鐘意食葵廣分店🫣！

真.好好味章魚燒！知道有日要去葵廣，特登帶定食物盒去買外賣，自備外賣盒可以減一蚊，既環保，又慳錢，雙贏！平日大概六點幾去到，落咗單即刻就有得拎。呢度仲有好多款唔同嘅味道，買幾款同朋友share就最好啦！真.明太子章魚燒(6粒)$32- 章魚燒大大粒，粉漿有口感唔會太軟。店員大方地淋上明太子醬汁同埋灑上木魚碎。每一啖章魚燒都食到明太子卜卜脆嘅口感，而且味道鹹香，食完一粒會想繼續食落去，一啲都唔覺得油膩，大力推介！

知道今日會去葵涌廣場，一早上網book mark定一啲必食推薦，依間除咗評價不錯，連屋企人都有食過話好食😋 十分期待第一次食 一於試吓大阪風先醬汁分量剛剛好，唔會太咸，上面鋪滿木魚絲😋 而且每一粒小丸子都燒到入邊都熟埋，唔怕入口成Pat粉。可惜因為舖頭貼咗告示，供應唔到原隻章魚，改為用章魚粒代替，失去左一啲佢嘅特色😟 但係章魚粒嘅份量一啲都唔小氣，粗略估計每一粒小丸子入邊都有三粒章魚粒🐙 期待下一次章魚供應穩定嘅時候再試其他口味🥹

小店位於葵廣其中一條巷中間, 門口長期都有超過20人排隊落order同等拎嘢食. 離遠都可以睇到長長嘅人龍, 完全感受到佢幾高人氣成個menu有十幾款, 有選擇困難症嘅我就揀咗明太子配蟹子嘅雙拼口味😋小丸子外表大大粒脹卜卜, 明太子醬同蟹子多到幾乎滿瀉. 一食落去除咗感受到滿滿嘅醬汁同木魚碎, 亦都食到內裏非常大粒又彈牙嘅章魚粒. 坊間好多章魚燒店為咗慳錢, 都係象徵式咁放一小粒章魚就算, 呢度就反其道而行, 好似唔使錢咁塞爆粒小丸子😂兩隻味道都好出色, 不過個人私心鍾意明太子多啲, 下次嚟又試下其他味先