Video
Above information is for reference only. Please check details with the restaurant.
天水圍呢間章魚燒舖頭都開咗一段時間，但係有好幾次都夾唔到時間食唔到，今次咁啱見到佢開咗門就去買吓啦。之前幫襯過佢其他分店都唔錯，所以今次都繼續食佢嘅明太子章魚燒。佢哋嘅章魚燒係即整嘅，所以都等咗差唔多10分鐘先有。佢哋嘅明太子醬都留得幾足，每一啖都食到明太子醬嘅味道，加上章魚燒係即整嘅，所以食落去個皮好脆同埋個心好熱。佢嘅章魚燒唔會好粉狀，而且每粒都有兩三粒章魚粒，感覺都幾足了！其實呢一區都冇乜章魚燒嘅選擇，所以只要keep住水準都應該繼續有Market
continue reading
叫咗蜜糖芥末同黑松露味。超級推介蜜糖芥末，好開胃。醬料同木魚都俾得好多，入面嘅章魚都幾大粒添。黑松露味其實幾濃欲，入口有啲震驚，如果本身好愛黑松露嘅人應該會好愛！
continue reading
之前想食無雙小丸子都要出葵芳，現在終於在家附近就食到！ 這是我一直以來食過最有誠意的小丸子，希望開愈來愈多分店🥳🥳畢竟之前在我家附近開了十幾年的舊式小丸子鋪賣嘅都係冇章魚的小丸子，但只有生菜的小丸子，其實都唔平。既然價錢一樣貴，當然要簡「對得起價錢」的無雙😍講到上次食嘅兩款小丸子叫明太子和櫻花蝦（辣），除咗櫻花蝦的辣味在我的意料之外，味道、醬料以及食料都一流！我好記得當時食到原隻章魚仔嘅激動心情！推推推🥹🥹繼續加油！只要我一日食得起就會繼續支持你哋🤣🤣
continue reading
新開左2個半月的章魚燒專門店，上次星期五到訪原來休息，今日終於試到啦，章魚燒即叫即整，餡料好足，真材實料，食完好滿足🥰。等大約5-10分鐘就有得拎🫶🏽。餡料選擇好多元化，有14款口味，全部都好惹味同吸引🤩。仲可以揀雙拼（+$2），一次食齊兩款口味，可以揀小份6粒，或大份8粒。除左章魚燒仲有冷烏冬供應。今次試左雙拼8粒章魚燒（$42），分別係蟹子同明太子口味🤤。每粒章魚燒入面有2粒大大的章魚肉，粉漿唔會厚同實👍🏽。🐙蟹子章魚燒面頭鋪左滿滿的蟹子，有橙有綠色，好新鮮脆口，份量都好多，食落口感多個層次😋。🐙明太子章魚燒面頭吱滿厚厚的明太子醬，再加上木魚碎，微微辣香，口感豐富滿足🤤。
continue reading