石記餐廳 (Closed)

如果要一百蚊以下又想有叫送食飯石記叫唔錯晚餐四十蚊有湯, 有餐飲個小菜都好食個白飯就細左d..不過睇哂天后茶老餐石記既小菜叫好野黎架喇

路過是但搵間餐廳食set dinnner.e, 都幾多熟客喎,入親黎都同老闆娘有傾有講既??!我地二人叫左中式晚餐-茄子班腩及西式晚餐-羅馬焗雞.$40@, 有湯有餐飲, 晚餐材料仲好新鮮添(魚同雞都掂!)超值喎!!不過散叫的小菜睇落都唔平, em...如果有水準的話, 我都會接受.

上星期到天后區下午茶,貪泊車可泊街.諗住搵間茶記食d大路野.落車隨便入左呢區石記.叫兩個茶餐1:豬扖薯條加非2:雞炒面檸茶豬扖得半塊,跟塊吾知幾時的火腿(!)似食生粉,不似在食肉,恐布! 炒面好似小朋友吾識炒,一pat野,浮在油中?! 加非似妢水,檸荼是荼色的水.全間得一個人serve, 食兩啖即走,埋單約$55, yes, 兩個set $55!!! 好似比人搶,唉,點解咁簡單的食物都要攪成咁

今朝同朋友仔食早餐…諗住貪新鮮試新野…點知出事…我地一人叫左個雙拼粉麵…我食xo醬雞絲蛋通，朋友仔食沙o爹牛五香肉丁麵。個xo醬完全冇xo醬，淨係得d炸菜同蝦米，又完全冇辣味，懷疑佢扮自家製xo醬…但一d都唔好味，個雞絲又雞皮多過肉。唔掂唔掂!!!!!!!反而朋友仔果個還好，不過麵質好一般。p.s. 見到對面阿叔食鮑魚火腿麵好似幾好味，真係有鮑片架喎.. 唔知係咪真係好食呢？

十多年來再游返水, 未游前先來個早餐.ABCDE餐等任均選擇, 有麵米線通粉三文治等.熱咖啡細細杯, 少奶較澀.雙蛋方包, 雙蛋較多油, 蛋黃適中; 方包內有牛油, 又搽得幾平均, 邊緣都沾上薄薄的牛油.鮑魚火腿通粉, 鮑魚是罐頭鮑, 都有三四塊, 算係咁, 份量也足.$18, 一般茶記水準, 但地方執得靚少少, 一試無妨.後記:唔知係咪飽過頭, 好多胃氣, 游得唔舒服又太耐冇游水, 好似唔識游咁.

上個星期日因為去維園花市, 所以係天后附近醫肚本來想去有傳媒介紹過既上海鋪仔, 但搵唔到,行行下行過呢間, 記得都係雜誌有介紹過有海南雞飯食,見到佢個招牌都係介紹自己係馳名海南雞飯,所以姑且入去試下啦~海南雞飯($55) 例牌有湯,有油飯同油菜個湯一o黎到就知唔係正宗海南雞飯啦~ 碗湯係清紅蘿蔔煲豬骨, 跟住碟雞o黎啦, 睇下碟醬料,就知今次中招啦~沾既醬係泰式雞醬同薑蔥油碗飯好細碗呀, 男仔一定唔夠飽, 係酒樓例牌既白飯size~ 碟雞就唔知點就比其他食肆既海南雞飯大碟喎~一食碗飯都ok 啦, 起碼唔會太硬,但無特別點知一食d雞就唔掂啦, d雞好韌呀, 唔夠滑, 好彩唔太肥咋~ 友人因為見到好多都食午餐, 而且碟頭好大, 於是叫了紅酒炆牛尾, 我亦試了一件牛尾,居然幾好味喎, 而且個午餐唔貴喎係$28蚊, 有3款揀, 亦可以轉意粉,包埋餐湯同茶, 當然凍飲要加2蚊啦~環顧四周都無人叫海南雞飯, 個個都叫午餐, 我見有人點了午餐另一款係洋蔥豬扒腸仔意粉, 豬扒好大塊呀~即係心裏呻笨呀>_<都唔明果d食肆賣海南雞飯都要參考下原本既做法先得架~ 如果唔係自己係屋企用罐清雞湯