Video
Read full review
2005-02-09
11 views
上個星期日因為去維園花市, 所以係天后附近醫肚本來想去有傳媒介紹過既上海鋪仔, 但搵唔到,行行下行過呢間, 記得都係雜誌有介紹過有海南雞飯食,見到佢個招牌都係介紹自己係馳名海南雞飯,所以姑且入去試下啦~海南雞飯($55) 例牌有湯,有油飯同油菜個湯一o黎到就知唔係正宗海南雞飯啦~ 碗湯係清紅蘿蔔煲豬骨, 跟住碟雞o黎啦, 睇下碟醬料,就知今次中招啦~沾既醬係泰式雞醬同薑蔥油碗飯好細碗呀, 男仔一定唔夠飽, 係酒樓例牌既白飯size~ 碟雞就唔知點就比其他食肆既海南雞飯大碟喎~一食碗飯都ok 啦, 起碼唔會太硬,但無特別點知一食d雞就唔掂啦, d雞好韌呀, 唔夠滑, 好彩唔太肥咋~ 友人因為見到好多都食午餐, 而且碟頭好大, 於是叫了紅酒炆牛尾, 我亦試了一件牛尾,居然幾好味喎, 而且個午餐唔貴喎係$28蚊, 有3款揀, 亦可以轉意粉,包埋餐湯同茶, 當然凍飲要加2蚊啦~環顧四周都無人叫海南雞飯, 個個都叫午餐, 我見有人點了午餐另一款係洋蔥豬扒腸仔意粉, 豬扒好大塊呀~即係心裏呻笨呀>_<都唔明果d食肆賣海南雞飯都要參考下原本既做法先得架~ 如果唔係自己係屋企用罐清雞湯
本來想去有傳媒介紹過既上海鋪仔, 但搵唔到,
行行下行過呢間, 記得都係雜誌有介紹過有海南雞飯食,
見到佢個招牌都係介紹自己係馳名海南雞飯,所以姑且入去試下啦~
海南雞飯($55) 例牌有湯,有油飯同油菜
個湯一o黎到就知唔係正宗海南雞飯啦~ 碗湯係清紅蘿蔔煲豬骨, 跟住碟雞o黎啦, 睇下碟醬料,就知今次中招啦~
沾既醬係泰式雞醬同薑蔥油
碗飯好細碗呀, 男仔一定唔夠飽, 係酒樓例牌既白飯size~ 碟雞就唔知點就比其他食肆既海南雞飯大碟喎~
一食碗飯都ok 啦, 起碼唔會太硬,但無特別
點知一食d雞就唔掂啦, d雞好韌呀, 唔夠滑, 好彩唔太肥咋~
友人因為見到好多都食午餐, 而且碟頭好大, 於是叫了紅酒炆牛尾, 我亦試了一件牛尾,居然幾好味喎, 而且個午餐唔貴喎係$28蚊, 有3款揀, 亦可以轉意粉,包埋餐湯同茶, 當然凍飲要加2蚊啦~
環顧四周都無人叫海南雞飯, 個個都叫午餐, 我見有人點了午餐另一款係洋蔥豬扒腸仔意粉, 豬扒好大塊呀~
即係心裏呻笨呀>_<
都唔明果d食肆賣海南雞飯都要參考下原本既做法先得
架~ 如果唔係自己係屋企用罐清雞湯煲一煲飯, 跟住走去燒臘檔買隻白切雞, 再走去超市買支泰式雞醬,就可以夠成家食啦, 同你賣個d一樣, 駛鬼幫襯你o羊~ 最慘重要將呢d行貨當係招牌貨先攪笑呀o麻~
而且呢間餐廳起菜真係好慢, 成15分鐘以上先出到個午餐, 其實個紅酒牛尾都係炆定架啦, 一上碟就係唔知點解咁耐~ 隔離個女仔仲攪笑, 佢個fd 又係叫牛尾飯食哂,佢個常餐先o黎(公仔麵+ 奄烈)
彈左咁耐, 問心個句, 個午餐真係唔錯o羅
以茶餐廳o黎講, 呢個真係用心煮, 值得一讚, 所以如果日後去開天后而要醫肚, 我都會再考慮o黎呢度, 不過一定唔會再食海南雞飯架啦~
講埋環境, 呢間野都好細間
如果唔係坐卡位而坐園, 就好迫啦~
Post