祥正飯店

Open Now

Now Closed

突然好想食大排檔就約個兄弟放工去食，第一次黎祥正，見門口海鮮咁新鮮就入去試。叫左3個餸，有辣酒花螺、椒鹽茄子拼鮮魷、避風塘炒蟹。蟹真心推介!新鮮又炒得好食!下次會帶埋女朋友黎試埋其他海鮮。

唔記得帶銀包，又比班同事迫請食飯，就即刻諗起可以去祥正(因為佢收支付寶)! 去到叫左幾個炒野包括豉油皇炒麵，避風塘炒蟹，雞，菜，仲有最正係鹵水。我班同事話無介紹錯

幾個朋友黎左香港，帶左佢地去大排檔食飯。上次去過祥正覺得唔錯，所以想帶佢地去試!我地食左好幾個餸，包括豉椒蟶子、炸大腸、蝦、炒菜、椒鹽蝦蝦、雞等等。佢地讚不絕口，話我無介紹錯呀!埋單仲可以揀用支付寶/微信比錢，勁方便呀!

突然好想食蟹呀!呢幾日凍冰冰，唔想煮飯，放左工約埋朋友去食飯。行過祥正飯店門口，見到有蟹食就沖左入去，岩岩好有位，即刻叫左我今日主打-蟹!上次食過避風塘，今次決定試薑蔥炒! 果然係好好食呀!!佢D汁好好味，個蟹又新鮮多肉，好值得食呀!推介! 另外我仲叫左手揸骨、鹵水鵝片、韭菜豬紅、牛柳粒。樣樣都咁好食!100分

難得去香港旅遊當然要試一下特色大排檔, 在銅鑼灣地鐵站時代廣場A出口，經過天橋便到達祥正, 門口已經寫了可以用微信付款呢！這個真的超讚非常方便！剛到達店外經已被不同款式的菜色所吸引著呢。原來這間店經常有TVB的演員來拍戲，好運氣的話可能會看到他們的演技呢！ “避風塘炒蟹”是這裡的招牌 菜色呢，絕對有香港風味！蟹非常鮮活，肉質甜美，蒜蓉金沙炒的特別香！ “粉絲蒸蟶子”，蟶子的鮮甜味道完全覆蓋了整道菜色，很難抗拒呢！ “豉椒炒蜆”很入味, 跟白飯吃一流！推薦這間店！這間店小菜海鮮價格相宜，值得一試再試！

表妹回港，帶佢去食最掛住嘅粵菜。對於我地呢啲土生土長嘅港人，真係唔知叫咩食。於是叫表妹自己揀食咩。五個人叫左魚香茄子煲、椒絲腐乳通菜、椒鹽魷魚、咕嚕肉同蠔油豆卜。講真，冇一樣菜式會令我嘩一聲或者覺得驚豔。唯一一樣係咁食嘅係魚香茄子煲囉，屋企好難整到呢個味。其實啲野食好普通，唔使特登去灣仔食，是但一間酒樓大排擋都有。

今日我和木先生想去食一D平價又抵食嘅嘢，因為我地去完銅鑼灣做按摩，做完按摩之後，木先生就帶左我去灣仔街市下面的地鋪食小菜，因為木先生講想食墨魚餅wor。去到灣仔街市下面的地鋪，個度原來都有幾間小菜，我地就去左最尾尾個間，貪佢小D人。我和木先生只係叫左兩碟小菜食，因為驚叫得太多食唔曬。我地叫左一碟墨魚餅拼豬脛肉，88蚊；另外一碟油墨菜，48蚊。先講墨魚餅，剛剛炸好，夠晒熱，而且外層仲要卜卜脆，好香口。豬脛肉又係一樣好脆口，兩者都無油係面，唔會油淋淋，呢點抵比個like。雖然等咗差不多四十分鐘先有得食，但服務都不錯。另外碟油麥菜都幾好食，木先生仲講好食過屋企整既菜。 埋單都係138，性價比ok。呢條街其實仲有另外幾間食小菜，下次會再同木先生一齊去試。

I've bookmarked this place years ago after watching May Food Keep Us together and I finally went there during my visit to HK in April 2017. I didn't see the lady owner or any of the workers that was on tv. The big giveaway was all the pictures of the celebrities that were posted up were all gone so I'm pretty positive there's been a change in ownership. The food is only ok and I wouldn't call it fresh seafood from the dishes we ordered even though they have live seafood on display up front. I

嗌咗三個餸，頭兩個已經等左起碼二十分鐘，之後後加一個，起碼等左30分鐘以上，追頭一次單，應完無反應，15分鐘後再追，仲話炸野要等，係咪低能架，唔怪得間間都無位，係佢有，服務態度又差，d食物又差!!

幾個去完海洋公園之後就去吃宵夜小菜，朋友推介一間在灣仔內街的大排檔，裏面冷氣夠凍。椒鹽魷魚夠爽口，而且鹹香十足，雖然沒有什麼魷魚味但口感很不錯。牛柳粒黑椒西蘭花裏面的牛肉比較鬆化，有點鬆肉粉的味道，不過黑椒仍是很香的，西蘭花也很爽。金菇沙嗲肥牛味道很香辣，如果唔食得辣千祈不要點。裏面粉絲比較多，金菇比較細條牛肉也OK。就是可樂貴了點， ＄10@1罐。

星期五放左工當然要約朋友出去輕鬆一下啦, 一大班人飲酒傾計去大排檔就最好不過! 門口擺左勁多生猛海鮮, 太吸引啦, 好多都想食, 最後我地簡左蟶子,花螺同蟹. 講左佢個招牌菜避風塘炒蟹先, 好有風味蟹肉都算多, 幾好食! 另一碟係粉絲蒸蟶子, 蟶子好大條大啖肉, 粉絲就索哂D鮮味, 呢個好正! 朋友話食花螺送酒一流, 所以叫左碟白灼花螺黎食, 無其他調味又唔會蓋過本身既味道, 唔錯! 最後仲有一碟木桶雞, 雞肉夠滑好好味! 又過左一個愉快既晚上! 

聽朋友講呢間野既海鮮唔錯, 所以跟埋朋友黎開餐啦！好多海鮮選擇 諗左好耐最後簡左招牌菜避風塘炒蟹同瀨尿蝦, 兩款都係用炸蒜炒, 好香好入味, 而且夠大隻好多肉, 而肉質就唔錯, 都幾抵食! 另一款海鮮就叫左蒸扇貝, 一人一隻剛剛好, 粉絲入哂味好鮮. 另外我地仲叫左個鵝頸頭黎試下, 朋友話打冷黎講呢碟野都幾出色, 平時好小會食頸位, 好似無咩肉咁, 但食落又幾特別, 好入味. 總體黎講呢度既海鮮都好新鮮, 不過下次可以試多D唔同既潮州打冷先!

話說今晚去了灣仔街市附近的（曾經有好多明星去食）的祥x食晚飯，估唔到現在比隔離間駒x收購埋，其實兩間都食過好幾次，所以都照坐底食，唔講出品差左，最使人討厭是服務差，正所謂無咁大個頭，就唔好戴咁大朵帽，一間廚房煮4個鋪嘅餸小弟叫了兩個炒菜和一個蒸𧎚，結果三吹四請下，一個小時後都欠一個炒通菜，唔喺得我唔老嚟，同場仲有四五張枱都欠菜送上而走人（有一對情人一味都無食過）事關他們招呼強人緊要（他們事關點埋刺生，海鮮之類，所以無理大家奌的小炒），所以如果你們曾經是這兩間店的食客，建議你們一喺點D貴嘢食，一喺你們唔肚餓就去吧😡😡😡

Happy Friday! 辛苦左五日終於有假放, 當然要食返D好野慰勞一下自己啦! 同事好耐無食過大排檔, 咁我地就搵左一間係銅鑼灣南洋酒店附近去試一試佢, 我地六點放工就去食, 行過去都係十分鐘, 而且因為早o既關係仲未有好多人食, 服務同招呼都非常好.首先一定要介紹下招牌菜色避風塘炒蟹, 炒得好香好惹味. D炸蒜都好送得飯. 另一樣我地大家都覺得去大排檔要食嘅就係椒鹽瀨尿蝦啦！, 有好多膏又多肉, 瀨尿蝦用椒鹽煮真是最佳配搭. 真係得大排檔可以咁有鑊氣.粉絲蒸蟶子, 蟶子好新鮮(如果唔係會好腥好難入口的), 而且蟶子每條都好長好肥美，又係好快清碟既一款海鮮. 最後一款就係沙嗲金菇肥牛煲, 勁多汁令到D肥牛都Juicy! 超入味, 白飯都食多左, 今餐真係好滿足呀!

有位朋友剛剛係英國返黎香港, 當然要陪佢食返d地道港式菜啦! 所以我地就選擇去食有本土特色o既大排檔啦! 雖然星期六比較多人, 但我地都只係等左二十分鐘左右就有位啦! 值得一讚伙記態度幾好, 安排入座好有效率! 我地今餐主要都係食海鮮避風塘炒蟹 - 好有風味, 蟹又多肉又夠鮮味, 無得輸粉絲蒸蟶子 - 大隻又多肉, 粉絲夠哂入味, 呢個價錢真係超值蒸魚 - 因為唔係好識食魚, 所以就叫左老闆介紹比我地, 魚質夠滑又唔多骨