祥發茶餐小廚

Open Now

Now Closed

❤️‍🔥超推薦茶記 ❤️‍🔥 向➡️拉睇menu幾十款主食甜品隨意配搭 😍🐭 米奇老豬Vol. 212 🐷［祥發茶餐小廚］話說呢間喺七姊妹道嘅茶記當年老豬同大學同學們喺超短嘅lunch hour都堅持由HKU搭到去北角食（然後要跑🏃🏿‍♀️🏃返HKU上堂😅）就知道呢間茶餐廳唔簡單😏.➡️ 餐牌指南基本上9成食客都係會叫「不可不試瑞士餐」同埋絕大部分都係會叫瑞士雞髀然後加多個主食（即係C/E/F/H/M)最後加埋個小食/甜品 （即係B/Q）仲包一杯熱飲添 ☕️不過就算係紅豆冰都係加$2 其他特飲都係多幾蚊 唔叫就真係對唔住自己啦😏.➡️ 等位攻略⚠️ 平日lunch hour會有好多上班一族，不過由於伙計服務迅速，所以就算見到人龍都唔洗驚，通常等20分鐘都入到 🤪⚠️ 建議懶等位人士星期六去（星期日❌開㗎），個場只係得幾台客添.🐖🐖《瑞士雞髀》🐖🐖🛑 9/10 🛑落單之後幾分鐘就會熱辣辣上台瑞士汁滲透左隻雞脾 🍗重口味人士可以一路食一路點碟上嘅汁不過我覺得就會偏鹹 就咁食都好夠味或者可以將d extra嘅汁淋落個飯到就正正子啦🤪.🐖🐖《沙嗲牛肉包》🐖🐖🛑 7.6/10 🛑 呢個就正常茶記水平雖然個包烘熱左

接近兩年冇食，仍然保持到質素。主打瑞士雞髀專門店，瑞士雞髀當然入味，肉質好冧，應該浸煮左好耐。豬扒包，採用法包，烘熱了，保持到彈性，豬扒去了骨，似豬柳多啲，配上秘製沙律醬，質素屬中上，溫馨提示，份量唔係好大。黑椒蘑菇雞絲飯，味道有啲似KFC既蘑菇飯，但佢加左雞絲。成個餐轉埋凍飲都係$50，價錢同疫情前差不多，冇乜點加價，我幾欣賞呢間鋪頭唔用加價去彌補疫情帶來的生意損失，而係用「加少少錢就多樣小食」既概念去增加生意。#祥發茶餐小廚 #瑞士雞脾 #豬扒包 #黑椒蘑菇雞飯 #北角 #北角美食 #午餐 #米之蓮 #疫情下的日常

北角名物瑞士雞髀小店，經常座無虛席，套餐總類多到數吾曬，總有一款岩你口味，小今次叫左兩個餐，一個係瑞士雞髀+魚柳包，另一個瑞士雞髀+沙爹牛肉包，套餐連飲品，好味又抵食。

今日晏晝去北角做嘢, 做完已經到下午茶時間, 超級肚餓打開OpenRice搵吓附近有啲乜嘢食, 突然見到好耐冇食過嘅祥發茶餐祥發茶餐嘅嘢食唔算好特別, 但係有好多唔同嘅配搭, 最啱鍾意乜都食啲嘅大食妹大食妹同上次一樣嗌左份瑞士餐<瑞士雞翼>雞翼唔算好大隻, 但非常入味, 味道甜甜地<豬扒包>麵包非常鬆軟, 裏面夾左預先調好味嘅豬扒同沙律醬, 可以過下口癮, 又唔會太飽<炭燒豬頸肉+餐肉炒蛋飯>最飽肚嘅莫過於呢碗迷你炭燒豬頸肉+餐肉炒蛋飯炭燒豬頸肉非常厚切, 食落啖啖肉而且爽口, 下面嘅餐肉炒蛋仲加入左XO醬, 送飯一流<凍利賓納>最後飲番杯好耐冇飲過嘅經典凍利賓納, 就解決咗今日嘅early dinner啦

今次試佢嗰早餐，可惜未有瑞士汁雞髀，就試住雞翼先啦，早餐種類係比其他茶餐廳多，有蘿蔔糕同煎餅，出品速度都好快，中午市份都好多人排隊，所以都好受歡迎，中午要等位。

呢間係會令你花多眼亂嘅餐廳，成個set只需要幾十蚊，但係就包咗好多野，而我叫四樣嘢只需52蚊。呢度最出名係滷水雞髀，但係我就覺得出面色味都夠，但可能醃得唔耐，入面冇乜味。仲叫左豬頸肉餐肉炒蛋飯個，餐肉炒蛋係分開，唔係蛋炒飯，但係佢嘅豬頸肉都整得好入味，所以整體嚟講都唔錯，而且仲加咗條菜；雖然佢話係細碗，但係我都已經食到曬⋯⋯茶走亦都係茶餐廳中上，仲叫埋抹茶布丁，不過就食唔曬打包走左。整體嚟講係非常之抵食，而且每一次你都可以唔同選擇，只係呢度嘅嘢食我都幾好重口味，下次真係要試下其他嘅菜式。

去開北角專程來到一間以瑞士雞脾馳名既小店-祥發茶餐小廚。個名後面寫到明瑞士雞脾專門店，當然要試下瑞士雞脾啦🍗🍗未到LUNCH時間去到門口已經見到唔少人等緊。不過唔使擔心，佢有好大個MENU好多選擇比你慢慢睇，N咁多個配搭包你諗下諗下時間好快過。第一樣當然要試下個瑞士雞脾啦，🍗一咬落去瑞士汁既味充滿口腔，就好似飲左一啖薑醋，薑醋既靈魂困係雞脾肉裏面，非常好食。麻麻地薑醋味既亦有好多小食可以選擇，就好似我地叫左特濃芝士雞扒天使麵同沙爹牛肉包🥩🥖店家亦好貼心套餐配迷你版麵飯，滿足貪心既我地。天使麵味道唔錯，不過唔係我地想像既幼身而係偏粗（即係唔係天使麵🤣）；沙爹牛包烘完之後變得外脆軟，配搭沙爹牛肉另有一番風味。最後仲唔知點解亂咁叫左個朱古力煉奶吐司當貼品，完成左豐富既一餐。

📍祥發 - 北角-祥發係返工放飯時間既最愛食堂之一 選擇超多任人配搭 價錢都好合理 滿足到唔同人既需要😛佢個餐牌好得意 有A-M咁多欄 然後大家可以按自己喜好揀2-3款 再跟杯野飲 價錢大概係$4x-$5x一個餐佢啲選擇種類都幾多 有小食有飯有麵有甜品有包佢仲會定時出啲期間限定既野食俾你揀 所以成日食都唔會覺得悶！-🔸瑞士雞髀 (招牌✨)坦白講 雖然瑞士汁系列係佢既招牌菜 但其實呢隻雞髀唔係好係我杯茶 🐓雖然佢個汁甜甜地又好入味 但肉質稍為有啲老同嚡 缺乏肉汁 😣我都係鐘意食又滑又juicy既雞髀多啲！如果大家想試瑞士汁系列 會建議大家揀雞翼 肉質會滑啲～-🔸龍蝦汁鯖魚燒豬頸肉飯 呢個飯純粹係個人口味喜好 唔知點解佢有種魔力 令我十次有七次都會order佢 🤣雖然個組合聽落好奇怪咁 但意外地食落又幾夾架☺️龍蝦汁其實冇龍蝦味 🦞但佢個味甜甜地既味好啱撈飯食 又好夾到鯖魚個肉質 而個豬頸肉我覺得佢真心燒到好香口 非常惹味 拍得住出面啲即燒豬頸肉串燒！店家仲好貼心咁搭左一條菜心仔 突然覺得碗飯好健康呢😛

獨自到北角，食個快餐。之前來過多次買外賣，家人都喜歡食。今次是第一次堂食，個阿姐好熱情招待，這間小店似是一家人經營，因為店員都幾似様。$54食咗瑞士汁雞脾、豬扒包、鯖魚豬頸肉飯再加一杯凍飲，仲要好好味，你哋話抵唔抵。招牌瑞士汁雞髀唔使點講，好味。豬扒包都好大個，同雞髀差唔多長度，包軟淋好食，豬扒即煎有肉汁。鯖魚豬頸肉飯舊豬頸肉好爽脆。呢個套餐，份量好大，食到好飽，杯奶茶亦夠茶味，咁嘅價錢，物超所值。

The renowned sweet sauce chicken legs came to big disappointment. No offense to the Cafe and all the positive reviews, I think many home made version of the Sweet chicken legs are way better. To start with, the chicken legs came unappealing, and the meat is gummy, I literally suffered from indigestion after the meal. The three treasures in curry sauce was just mediocre. It wasn't bad, but seriously, nothing special about it.I also ordered Japanese style octopus balls. Presentation was okay, tast

點了餐肉芝士三文治加華田，餐肉有點乾，麵包正常大小，但烘底唔夠熱，溶唔到芝士，但都是正常茶餐廳味道，但店內好像北極一樣，無論天氣是冷是熱，冷氣全部開到最凍，可能唔想d人坐咁耐，坐耐d都會冷親!

瑞士雞髀呢間茶餐廳嘅瑞士雞髀😆❤️真係唔使講，非常出名！係佢嘅招牌菜，一樣係好入味，又好大件真係一試難忘😆啖啖肉咁食真係好爽😊朱古力醬窩夫嗰日唔係好肚餓，所以就食咗啲比較輕盈啲嘅嘢，唔係食麵嗰種 出奇地呢個幾好食 窩夫做得幾鬆軟，朱古力醬俾得好大方😆👍🏻非常多！所以食到滿滿嘅朱古力味，不過我唔係趁熱食所以就有少少凍咗🥲🥲下次食一定要趁熱食嘅話應該好正不過佢晏晝時段真係好多人，要預番少少時間，如果唔係就食下午茶時段就應該小人啲😮‍💨

呢度嘅滷水雞髀同雞翼非常之出名，我有細細個已經開始食😆！咁啱今日行街行過北角，所以就入嚟食咗個dinner。🤪佢嘅瑞士雞翼套餐，可以配搭唔同嘅小食、粉麵或者飯，款式非常之多，真係花多眼亂！🤯🤯首先講吓佢嘅瑞士雞翼同雞髀，佢嘅瑞士汁好甜，雞髀同雞翼都煮得好入味，肉質嫩滑。咁多年嘅味道都係咁高水準😋至於小食方面，佢嘅西多士炸得好香，中間夾咗花生醬，配上牛油同糖漿，新鮮熱辣咁食真係食到停唔到口。🤤佢嘅咖喱拼盤都係必食之選，咖喱汁有炒香左嘅蒜頭，加上唔同香料，加埋魚蛋豬紅蘿蔔嚟食，喺出面食唔到嘅風味小食！😇仲有其他小食都好出色，真係要食多幾次試勻晒所有款式。飲品方面，佢嘅香芋紅豆冰都好特別，紅豆起沙又夠甜，香芋味香，加$4真係好抵飲！🥤💕

每次去親北角 一定要過黎食祥發 因為佢個不可不試的瑞士雞翼真係好好味 同埋下午茶選擇好多 有唔同組合 完全滿足到想食下午茶既胃口 另外叫左窩夫 都係一個唔錯既選擇 窩夫脆口 朱古力醬唔會好甜 有朱古力味 正❤️

🍗祥發茶餐小廚在北角⋄ A+E (瑞士雞髀加豬頸肉雜菌飯) $42✍︎ 聽說這裡的瑞士雞髀遠近馳名，餐牌有超級多組合ABCDEFGH可供任意配搭選，有選擇困難症的人肯定超級糾結！雞脾很好吃，但我覺得豬頸肉更加出色，燒得很香(꒪ͦᴗ̵̍꒪ͦ) 在附近上班沒什麼好吃，雞脾大多是我和同事在happy friday的選擇了(≖ᴗ≖)✍︎ 4#852fatboy茶記#852fatboy在北角