祥發車仔麵小食 (Closed)

當日日食碟頭飯 搵一日食車仔麵住左係附近咁耐都未試過食呢間竟然係住九龍既同事搵到叫左個蘿蔔 牛腩 生菜 牛柏葉 米線$47之前食個d車仔檔 叫蘿蔔都係得3舊呢到有5舊 會唔會太正 仲要既軟身又有咬口牛柏葉洗得好乾淨 冇臭味牛腩正正常常如果一間粉麵檔煮牛腩都難食 係可以執笠

今日晏晝同女女嚟到屋企附近嘅車仔麵檔，其實佢已經開咗好多年㗎啦！平日都有嚟呢度食開 ，佢嘅麵份量都好大碗 ，而且十分平價。呢間車仔麵檔絕對係時代咁重人情味濃嘅店舖 佢哋嘅麵一直都係大大碗份量足我哋兩個叫咗一碗三餸麵，再加一碗生菜魚肉加一餸， 再加多杯凍檸茶都只係需要54蚊價錢，絕對係平民街坊價大大碗餸多麵又多， 我就食咗碗三送油面有豬紅豬大腸咖哩魚蛋，啲餸多到分咗三粒魚蛋畀阿女食 抵食好味道，不枉我做咗咁多年街坊都來幫襯。

小妹因為住係屯門，所以今日為住係市區既大家介紹一下呢一間開左好多年幾隱世小店佢係好有時代感既舊式車仔麵店，價格比平民更平民，份量都比較大份。店舖可以選擇坐係舖內或舖外既幾張小桌。時代感重，人情味濃係屯門小社區內有呢間冇跟住漲價既小店，學生外賣仲免收加一，平日下午都會有好多學生客，呢間小店老少咸宜今日小妹同媽媽食晏，兩個人一碗三餸油麵一碗生菜魚肉加一餸，再加杯凍檸茶，加埋晒都只係需要54蚊炸因為星期六所以人比較多，我地要坐出面，不過都因為小妹既媽媽係吸煙既，所以吸煙者都可以方便自己坐係出面，其實除左呢點坐外面係而家呢個天氣都幾舒適既大大碗，媽媽個碗三餸麵仲分左啲魚蛋比我，係回憶入面既味道，生菜係剪碎既，十分細心，魚肉都好滑，而且仲勁大碗呀，加一餸係勁飽，我呢度生菜魚肉加一餸加埋凍檸茶都只係26蚊媽媽個碗三餸都只需要28蚊，都係十分大碗，係值得推介既隱世小店。