Video
10-min walk from Exit A3, Tsuen Wan MTR Station
continue reading
Telephone
24172370
Opening Hours
Today
08:00 - 15:00
Mon - Sat
08:00 - 15:00
Sun
Closed
Above information is for reference only. Please check details with the restaurant.
今日係附近做野，揾到呢間燒味店姐姐好熱情叫大家坐幾多人食，同一層都有三四間選擇佢呢間都幾多人下，一於試下有燒味有蒸餸（魚、肉餅、排骨）（張相好似無乜人XD 其實好多）揀左燒鴨燒肉飯 $48（好多菜😍）油雞幾香 有啲玫瑰酒味？可樂+$8湯自己畢 （隨便添）老闆娘仲問夠唔夠菜，我添左次🤭重點黎！埋賣只收我 $50我話仲有可樂喎，佢話無所謂🤣🤣🫰🏻
continue reading
趁星期六，同老婆晌荃灣搞銀行嘢，之後就打算行一轉「元荃古道」，咁都要食咗晏先。老婆曾有段時間晌「福來村」呢邊做兼職，所以，今次佢話事，帶我嚟到「香車街街市」搵食，上到平台層有好多餐廳，不過日頭做生意嘅唔多，得間賣車仔麵、茶記，以及打算試吓嘅「祥記燒臘飯店」。 環境一眼睇晒，夠地道嘅真真正正大牌檔風，摺枱膠椅，嚟親大多數都喺晌附近嘅街坊或打工仔。依家天氣涼快都OK，如果夏天嚟真喺搞唔掂。嚟到梗喺零服務，自己招呼自己，有啲熟客直情自己過去裝湯、裝飯。 雖然話零服務，但啲阿姐都好醒目，見我哋兩個，就俾杯熱水我哋浸筷子，而且，佢哋都幾好禮貌。 店名喺燒臘飯店，但我哋就打算試佢哋蒸餸。不過，無論燒味飯，抑或蒸餸飯，都喺賣$44，非常經濟，送例湯，雖然都喺大路嘢，如青紅蘿蔔煲豬骨之類，但勝在老火，仲喺任飲添。 如果唔喺老婆晌度，就一定叫梅菜扣肉，哈哈！咁佢晌度就減低啲邪惡度改要咗鹹魚蒸肉餅啦，而佢就揀榨菜蒸黃花魚，店家好大方，仲送多碟灼菜心，兩個人真喺食到飽飽。白灼菜心灼菜心唔喺話有咩特別，但唔喺得幾炷，喺一整碟，絕對喺誠意嚟，鹹魚蒸肉餅 $44有時食煲仔飯，啲鹹魚少得可憐，但眼前呢碟就真喺俾足料。件鹹魚好香，鹹香味滲落啲肉餅度，更加正，而且，啲肉餅打得鬆化，肥肉又唔多，連老婆都話OK，因為佢好怕肥肉，喺肥肉篩查專員。 榨菜蒸黃花魚 $44雖然牆上嘅餐牌喺寫豉汁蒸，但原來佢哋好隨意，所以你唔好諗住泥鯭會喺果皮蒸，鯇魚會喺梅菜蒸。但點都好，榨菜蒸一樣惹味，最緊要喺條黃花夠晒鮮甜，肉質非常之滑，喺樓下街市相熟檔口嘅新鮮貨，而且，咁大條，真喺幫襯佢哋好過自己整啦。「祥記」呢一類老店，真喺為基層服務，大件夾好食，雖然只喺賣幾款嘢，唔會似茶記包羅萬有，但每樣餸菜都有誠意，富人情味，值得再撐。
continue reading
荃灣香車街市，樓上天台都有多間食肆，今日就來到這間燒臘飯店食午餐。要了個蒸倉魚套餐，例湯任裝，例湯有紅蘿蔔、蓮藕、豬骨及粟米等都不錯。倉魚可能蒸待耐了點，魚肉比較鞋，豉油味道調較得都比較好。蒸餸套餐及燒味套餐$39，都算抵食，不過現在的天氣炎熱，餐廳雖然搭建了帳篷，雖然有多部的大風扇，但仍然食到一身的汗，大熱天都是少來為妙。
continue reading
香車行行市，上二樓，有一間祥記燒味飯店，燒味是老板自己燒的。燒肉最正，燒腩肉，皮脆，常常是一層薄薄的肥，一層肉，吃落肥美咁香义燒也好味，很少会鞋的，常常鬆软甜美！！你可以叫燒味飯，単或兩種燒味飯也是$37,也可選擇蒸魚，有鯇魚，烏頭，黄花，石班仔，倉魚等，也有蒸肉餅，若你選蒸餸，可加一款燒味，只需加$8, 白飯不夠可添，也有潮洲粥可吃，有一大煲湯仼装，菜也是仼取！！咁健康咁平靚正的午餐，能在那兒找到呢！！
continue reading
其實好想寫呢間咁好味又抵食的小店好耐, 可惜一直等到現在! 因在附近工作, 所以已成為"熟客"!舊街市的檔口, 是沒冷氣, 夏天有點熱, 不過OK的! 乾淨有大風扇!全店2個選擇, 蒸餸及燒味! 不過味道很好!我多揀蒸魚, 夠新鮮; 有時蒸餸賣光, 或老闆娘沒時間準備, 就吃祥哥自己燒的燒味, 我覺得好食過好多名店的! 好有水準, 仲要夠大碟, 老闆不吝嗇的, 好多餸!還有, 米飯/粥, 湯水, 青菜食任吃的! 在呢個百物騰貴的時代, 一個有餸, 有湯, 有菜, 有大碗飯, $27!> 蒸餸: 多款時冷蒸魚(e.g. 鮠魚, 倉魚, 黃花, 烏頭, 大眼), 蒸肉餅, 蒸排骨等> 燒味: 講得出都有...燒肉和叉燒最最歡迎, 好快賣哂!>老火湯: 真沒味精, 飲了2大碗也一直不口乾, 可能加埋燒骨, 格外香甜, 有時老闆娘加冬菇!> 時菜: 新鮮, 甜, 因為就係下面街市買上來, 任食, 大大碟, 好啱!>汽水啤酒: 當然另計, 不過吃燒味, 加支$6大可樂, 真係享受!老闆/老闆娘都很有人情味, 來多幾次, 已經熟了, 有次忘了帶銀包, 沒問題, 下次付, 當然我是有信用的客人呀!希望大家支持下小店, 我不想再去大商場吃租的餐廳了!
continue reading