祥雄冰室 (Under Renovation)

落單個陣講清楚要走蔥韭菜韭黃。炒到出黎都係有。 同老闆講，佢叫自己夾出黎。我同佢講好難夾，所以我落單先同你地講清楚。之後老闆就好晦氣咁同廚師講咩都同佢走嗮佢，連蛋都唔好俾佢，芽菜都唔好俾。於是我聽到就同佢講我要，我只係唔要韭黃韭菜蔥。結果芽菜係有。不過xo醬同蛋都冇左。我想問咁我錢可唔可以俾少D其實開餐廳係咪真係唔知有人係唔食呢d 蔥 啊 韭菜啊。你唔可以走你咪叫我唔好叫你自己話ok。轉頭錯左又黎發我脾氣係咩玩法？

▶️平安夜唔想出去同人逼🙈喺屋企附近搵咗間冰室食，估你唔到有啲驚喜🤣餐湯：菜乾湯雖然鋸扒配中湯有啲奇怪，但係姐姐強烈推薦冇落味精，話好多客為呢碗湯而黎🏃，飲落好夠味👍黑椒牛柳配薯菜🍴🥩🥕🥦🍅🌽🥔呢個真係驚喜，冇諗過幾十蚊嚟到賣相靚不特止，大塊厚切，食落有肉味同埋軟淋，當然冇得同幾百蚊嗰啲牛扒比，但性價比非常高👍個黑椒汁甜甜地少少辣，唔會乸喉👍配菜食落正常，唔會好似白烚冇味，粟米應該用牛油煎香，好香好食似食串燒粟米😋薯條做到外脆內軟👍🌟各樣嘢都做到正常水準，牛🥩就水準之上，全部加埋一齊性價比高👍

今日嚟到祥華街市呢間冰室食早餐，點咗個歐陸早餐 - 吉列豬扒配粟米牛油火腿粒併腸仔煎雙蛋、丹麥多士。吉列豬扒啱啱炸起，上到枱時塊吉列豬扒仲不斷起水泡，夠晒香脆，仲要大大塊，唔錯，麵係$38 。其他就正正常常，丹麥到時都幾香幾脆，唔錯。早餐除咗沙嗲牛肉麵之外，歐陸早餐都係一個唔錯嘅選擇。

回粉嶺娘家，睇下有咩新店見食評唔錯，去試下$30炸脾椰汁紅豆冰紅豆冰唔錯，紅豆冧。如是透明杯更靚有沙律菜，正喎環境窄，好食就得偷聽隔離枱的阿叔話呢間炒飯好味見多人打電話叫外賣

Menu上 生炸雞髀配椰汁紅豆冰好吸引 來一份吧～～我好鍾意食紅豆冰 但目前未有一間真係好足料又好飲嘅紅豆冰所以紅豆冰 對我來講都係主菜🤭說好的椰汁呢 只有面嗰浸有椰汁味成杯野 1/10 椰汁 1/10冰 1/10紅豆7/10 水加糖水 (看圖二)紅豆唔係冧身嗰隻 偏甜茶餐見佢加$8就有Le個雞髀紅豆冰餐就唔使加錢如果要加錢 我覺得好唔抵大x樂同大x活 嘅紅豆冰有質素過佢雞髀還好 唔會炸到乾爭爭部份位置都Juicy 但有d位就乾咗d但係唔係生炸雞髀 我有啲保留因為約5分鐘後便上菜係咪快到咁呢重申：千祈唔好叫紅豆冰 唔好飲

Lunch同老公撐枱腳下午一點前入到去 都唔使等位肉燥香酥豬扒飯 $48我叫嘅肉操飯係冇寫到有例湯佢都會問你飲唔飲 梗係飲啦😆😆青蘿蔔老黃瓜豬骨湯都幾足料煲 冇落味精肉燥就咁食嘅話 對我來講個味就會濃咗d如果肉燥再多啲 我應該會食多啲飯香酥豬扒唔會炸到乾 但唔係Juicy可以一試午餐 豉汁蒸盲曹 $50 連例湯其實佢哋啲午餐幾抵食蒸條魚 整個靚仔 有埋個湯二人家庭 有時落街食 仲化算燈油火蠟 又唔使自己洗碗🙃🙂🙃會再encore

平時成日去街市，好少行呢一邊門口，所以一直都無留意原來開左間新餐廳。直到有日睇Openrice先發現佢😯，自己果區開新餐廳，無理由唔試。閒日LUNCH時間黎到，好彩只係9成滿，唔駛大熱天時係門外等位，直接入座。餐廳除左日常餐外，仲有是日精選，包餐湯同熱飲，當日在場有唔少人食緊是日蒸魚餐，望落蒸魚大大件，應該唔差。我同友人都點左芝士焗咖哩雞球飯$46餐湯係菜乾豬骨湯，友人第一次飲菜乾湯，表示好好味。至於個焗飯，可謂色、香、味齊全🤤。咖哩好香、唔辣；雞球應該係雞扒肉，份量唔少；最估唔到嘅係炒飯底，炒到粒粒分明，誠意之作。食物味道唔錯，只係座位比較迫夾D，如果我屋企樓下都開一間咁樣質素嘅茶餐廳就好啦😏。

見佢5個都係好評 就試試佢正正係祥華街市隔離見餐牌有 金沙骨煎脆蛋飯就俾佢隻太陽蛋深深吸引落單之後 待應就問你飲唔飲湯Sure~羅宋湯一上枱 唔係平時見開嘅顏色都足料同埋帶微辣話說 有段小插曲一開始上枱嘅時候 唔係太陽蛋當然失望啦 我就問應待 點解唔係太陽蛋嘅？佢話你要太陽蛋 要落單前講我話你餐牌上面 個樣係太陽蛋我無諗過黎到唔係🙂🙃之後 待應話幫我換咗佢真心有啲擔心 廚房會唔會加料因為個飯攞返入廚房之後我聽到廚房嗰個話 之前又唔講🙃🙂希望 個位廚師高抬貴手 唔好加料比我😆我食到中段嘅時候隔離枱位客人都係叫呢一個飯個待應醒咗 佢問位客人要太陽蛋定熟蛋客人都係話要太陽蛋😆其實廚房跟返張圖去整應該唔會有問題出現正常人見到太陽蛋 如果唔食嘅話就會主動待應要求 比熟蛋佢太陽蛋加埋燶邊 真係好吸引見到心情都開朗咗蛋汁撈飯真係不得了金沙骨我覺得個味道偏甜咗少少但煮得幾好 肉唔會實啲啲容易被咬開的金沙骨個底仲收埋啲薑蔥添我估佢哋自己整因為唔會好似燒味檔嗰啲偏鹹建議大家 睇吓個飯底先我估係薑蔥嗰啲油 溜晒個底度個飯面係唔油 唔鍾意食太油膩嘅話就要小心啦 唔好一下子就撈底老公就點咗 芝士地獄焗雙辣飯咖喱

呢間餐廳位於屋邨街市入面，開咗幾個月，食物質素都OK。早餐必食沙嗲牛肉，這間餐廳嘅沙嗲夠香，味道都ok濃，湯底有埋花生顆粒底加分，牛肉方面份量都ok, 亦夠淋早餐$35，凍飲加$3

話說祥華商場新進駐了家新的餐廳，既然位置那麼近，當然要試試基本的選擇都是飯粉麵餐，除此以外還有扒類，下午茶的三文治，暫時未有小食環境：以茶餐廳來說不錯，相當闊落，光猛而且地下乾淨服務：正常水平，跟街坊有傾有講，頗友善的茶記侍應食物：海南雞飯＄５６已去骨，有雞翼，雞胸，雞髀，份量不少，味道則要靠醬汁有薑蓉，泰式酸辣汁，跟花生？雖然醬汁未齊全，但以５６來說很不錯飯的份量也多，而且雞油味道也夠～黑椒牛柳餐＄８０非常大塊的牛扒！這牛柳超鬆軟，本身已有足夠的味道，再加上帶甜的黑椒汁會更好吃還會送一份意粉，西蘭花，紅蘿蔔，番茄這份量實在很大，吃不完呢！跟餐：羅宋湯帶點辣味，用料十分足，紅蘿蔔 雜菜 牛肉，夠開胃！白妁生菜＄４８份量有夠多！清清地也不錯喔～夠甜

喺新式街市劃咗啲舖位做食肆，其實而家新式街市都好乾淨企理，裝修亦都唔會輸蝕，但內裏Menu價錢就非常平民化！炒粉麵飯、小菜、早餐、西餐都齊，想食咩都可以喺度選擇哂！由於點左晚餐，已經免費跟湯同埋熱飲（凍飲就要加$3）湯味夠濃而且唔覺得有味精，讚！通菜炒牛肉～牛肉嘅口感係冇用鬆肉粉處理過，係自然嘅味道同口感！通菜亦都係青綠色冇變黑仲要食得出龍龍嘅鑊氣魚香茄子～一個非常之惹味嘅菜式，帶有微辣，非常惹味，難得地茄子無完全淋晒，係帶有口感嘅！香蒸倉魚~有D炸米粉墊底，好PRO咁呀！索唒D鼓油又脆口，好味道，而倉魚係少骨厚肉，雖然係油炸，但唔會好油膩，魚肉結實香口，佐飯一流~

感恩準時收工，一於約埋同事食個tea先。經過祥華村街室來到冰室。入到餐廳，環境光亮整齊。坐地望下餐牌，都幾多選擇窩，連加央多士都有。唸起有機會去澳門，所以點了豬扒包，同事點了炸雞腿沙律，然後點多一個花生醬西多士一起分享。不消6分鐘，有得食啦。豬扒包賣相幾靚，竟然有番茄片。連西多士都有番茄片。豬扒包，麵包夾有熱哄哄豬扒，香噴噴，還有沙律菜。豬扒香嫩不乾。食完豬扒，有沙律菜可以減油膩感，好配搭。花生醬西多士多士表層有花生粒粒，咬一口，內裡已搽花生醬，多士部分外脆內軟，有口感。雞腿沙律炸得香，同事話皮脆，肉嫩滑。沙律醬同生果混一齊，味鮮。

祥華商場和市場重新裝修後，除咗連鎖店外，亦開咗好多唔同種類食店，多咗好多選擇。其中一間冰室，地方唔算大，但價錢親民，吸引到好多街坊食客幫襯。今晚收工，我又喺度開餐。我最鍾意食雞😄首選招牌海南雞飯（配油飯）＄54海南雞肉質嫩滑可口，雞皮爽滑😋，連皮食好正👍。用來醮海南雞的有自家製薑蓉、醋蒜辣椒汁兩款醬汁，還有香脆腰果，滋味立時提升😋配搭呈淺黃色油飯更添美味！凍奶茶跟餐只需+$8，有茶香唔苦澀，讚！

嚟到粉嶺探完朋友，附近搵個地方食埋個晚飯！喺祥華邨內的祥華街市有間新開的祥雄冰室，被店鋪正門擺放的獎牌吸引，話係由酒樓大廚主理，好似幾吸引咁 蜜汁金沙骨煎脆蛋飯 ($55)餐牌見到有隻廚師推介的手指公，毫不猶豫叫咗，果然鎮店之寶。燒香的蜜汁金沙骨加上薑蓉、蔥油、醬汁及煎蛋流出的蛋黃汁撈飯一起吃，細味時非常有層次，充滿港式地道風味！這個菜色令我想起暗然銷魂飯，改成以金沙骨代替叉燒同樣出色！招牌海南雞配油飯 ($56) 海南雞肉嫩滑、油飯糯軟中有咬口，甜點醬汁香辣可口，另附上小食脆口腰果。特飲椰汁紅豆冰加$8價錢合理，椰汁濃厚，紅豆煮淋甜甜的，個人覺得值得轉成特飲！附送例湯霸王花煲豬骨湯，話說係第一次食霸王花（屋企好少煲呢類型既湯😂） 原來霸王花係可以食既，仲要清甜好味😋 整體菜色都好味，而且以大眾的價錢，食物質素又唔錯～ 友人話午餐的沙爹牛麵都好好味，下次有機會再嚟試下先～😬