秋田麵包西餅

Open Now

Now Closed

$15大大個法包布甸，真係好抵，個人非常鍾意食甜嘢，呢個法包布甸係好甜，我超鍾意，下午行過嘅話都會買來食，買過佢哋嘅其他麵包同糯米糍都好好食，生意都好好，次次都要排隊。

最近工作頗忙，到下午三點三，忽然想到樓下秋田包餅店想點一些食物做下午茶餐，於是買了一伤番茄雞蛋沙律三文治，再叫了一件芒果切餅🍰。很想分享它的芒果切餅，一共有三層，它的忌廉不會太多，恰道好處，蛋糕好香，再加上粒粒新鲜芒果，最面那層鋪上的不是芒果jelly,而是鲜芒果🥭,真是好好味😋

成日見社交平台(食在元朗)群組讚佢地法包布甸好正，今日突然好想食，去到見到剩返5個，嗱嗱臨買左三個，惊返轉頭賣晒😅佢哋好多面包都好平民貼地，價錢好實惠👍座落係天水圍天瑞村街市，天瑞輕鐵站落車，餅店就在街市門口，極易搵到價錢實惠布甸好滑，法包唔硬😋

今天有時間便來單位附近的地方逛逛，以對這個社區了解多一點點 (給籍口自己逛街)。來到街市，發覺場地也不少，有熟食店也有濕貨店，算是包羅萬有，這區的居民相信亦感到頗為方便，但我還是喜歡自己鰂魚涌區的街市，有街道的街市感覺較有人情味!看到這間小小的麵包店，應有的基本麵包款式都有，還有一些曲奇，蛋撻，十字餅等等，我偏愛這些懷舊款式，今次我選了這款合桃酥，因合桃一直都是我的至愛。合桃酥大大的一塊，拿上手感覺重身，而且微曖，嗅起來有陣陣合桃和芝麻香。一口咬下去，口感十分鬆化，微溫增添了美味，惜甜度稍高，有點蓋過了合桃香，如能減甜一點會更好。

有時朝早返工趕時間，對我黎講最方便就係買個包頂住先💪💪💪對麵包鋪D種街坊小店黎講，除左前鋪後廠，即整即推出，種類多又夠新鮮之外；老土D講，真係驘就驘在人情味D個point。雖然百街又或者xx先生有D鋪位都有即整，但係佢地員工只係打份工，客人買唔買對大集團員工黎講係一件無所謂嘅事，無論係製作或者對待客人方面嘅熱誠自然會比小店底。🤔閒話唔講太多，今朝雖然唔洗番工，但係都約左人趕住出去，買左個茄蛋冶等巴士個時食，💁🏼💁🏼💁🏼我鐘意係D間買嘅另外一個原因就係真料實料，見到兩片夾住D料漲卜卜，打開兩片包中間都會係咁足料，😚 之前我係便利店買過個三文冶伏到喊，打開片兩片包中間原來得1/4料－＿－😰😭😭茄蛋冶入面有烚蛋，火腿，生菜，蕃茄，仲有好多沙律醬，一個好經典嘅清新配搭，麵包新鮮夠鬆軟，口感味道都唔差，份量亦足夠。除左茄蛋冶，我平時都會買下Ｄ間嘅熱狗，雖然只係普通廚師腸，但青瓜蕃茄夠新鮮，唔會軟淋淋。而方包有幾種，原味、核桃同燕麥，個人唔太鐘意燕麥粗糙，原味同核桃都唔錯，三種方包都唔同出面一般個D，咬落有有小小煙韌之餘又帶有一股甜香，唔洗塗果醬夾火腿之類都已經好好食。