米線工房

Open Now

Now Closed

早幾日打風已經見到呢間野好似幾吸引網上見到舊餐牌好似唔錯,,但實體店地方小唔會好多位坐叫左個精選肥腸刀削麵賣相好似唔錯肥腸唔算冧爛唔重滷汁味刀削麵係我中意既軟度幾好食叫左個燜湯底唔覺得有咩特別

落左8號風球後，作為打工狗之一的我就要準備上班了。上班前當然要食個豐富早餐，就吃了「A+B」餐：沙嗲牛肉+生菜麵配凍朱古力$32我覺得性價比好高，而且味道唔差！沙嗲牛肉：吃到牛肉應有的嚼感和肉味，沙嗲醬濃香，加幾滴辣椒油特別醒神！男朋友點了懷舊經典E餐（沙嗲牛肉公仔麵配腸仔炒蛋厚多士跟凍奶茶$34）呢個係佢既必點餐，一個月食幾次！佢話個炒蛋好滑，亦炒得剛剛好熟。有時喺其他茶記peak hour 食炒蛋好易炒得過咗龍，變左老蛋

連續第二日係度買早餐例牌沙嗲牛肉麵 腸仔炒蛋 凍檸檬茶/奶茶沙嗲牛肉麵最高分 呢度咁多間算最好食但有個問題係傳統式無分湯上外賣個面淋晒好采小弟最仲意食淋面介意既朋友可能要問下分湯上另一樣要提既係份炒蛋夠大份足料但第一日就好似就咁打蛋炒蛋無發均勻見到少少蛋白但咁樣先知佢用原隻蛋炒第二日就發勻左就無左個感覺莫非星期六用返蛋漿？不過都係好味既杯茶就不過不失啦如果大杯啲就更好啦茶餐廳啲杯仔加埋冰得返兩啖唔係廣告 只係想幫啲做到野既鋪仔講多兩句

今日去大圍探朋友，趁未夠鐘去食個午餐先。 天氣悶熱口淡淡，真係食唔落飯，我哋就去「米線工房」坐低食個蒜泥白肉米線。我好鍾意佢哋金仔湯底，差唔多成碗飲晒😝淡淡藥材香味， 飲一啖暖身順口，再加埋小辣好惹味。米線軟硬適中 ，嫩滑爽口。蒜泥白肉啱啱好，唔怕韌。食埋個重慶口水雞，肉質幼滑， 鮮辣而不嗆口 ，辣得滋味😬 真係令人愈食愈想食！雞翼真係思思嘅最愛，點左個脆炸雞中翼， 外皮鬆脆香口，內裏肉質嫩滑，又比佢一個人搞掂咗😂

顯徑商場新裝修後，剛開業不久的米線工房，這天剛好有時間試試它的晚餐豬骨湯，魚腐豬潤豬腸米線 (走韭菜)+凍檸茶 ($46+8)個湯底就唔錯喇，米線軟硬適中，終於吃到沒有帶著肥膏的豬腸😂， 豬膶剛熟，火喉控制適中我的份量剛好，男的可能 …希望能保持水準咖哩豬扒飯 +即磨咖啡 ($41+7)豬扒是剛炸的，沒有像其他店放很久冷冰冰的感覺， 咖哩味濃郁🤩 推介他們的下午茶套餐及自取外賣其中有幾個輕盈套餐，下午想墊墊肚子，正是不錯的選擇想吃正常分量的，也有其他選擇新春優惠 11:30 後，自取外賣八折呢個價錢絕對抵食

米線質地算幼滑，偏幼身，如男人食的話份量有可能唔夠🤔。豬軟骨煮得幾淋，入味，唔肥膩，有三件。—————————————————麻辣湯底嘅大辣都唔係好麻，唔夠辣，但就唔太油。（如果鐘意食辣，顯徑舊店百XX嘅麻辣湯底惹味好多）嫌太少配料，應該跟多少少芽菜、蔥同肉碎，反正不值錢，但係客人食落就香口好多。暫時無套餐。試業期間朝七晚七，服務OK，遲啲忙起上黎保唔保持到就唔知喇。😂豬軟骨米線$36 +$1 麻辣湯底