米線撚

Open Now

Now Closed

有食開兩三碗車仔麵同埋兩三碗餃子，本身聽到呢個名已經知道係信心保證，但今次食左兩三碗米線，十分之失望。。。。。。本身最怕食米線叫酸辣湯底會變左麻辣湯底加酸菜，本店正是，食唔到麻嘅我成碗直接掉左，同埋本身兩三碗都會成日俾漏餸，但同佢講返就可以下次攞，今次俾漏左兩隻雞翼就焗住蝕喇，因為都唔會再返轉頭，湯底真係偏鹹，但份量係好足嘅，米線多到食唔晒，糖心蛋keep到車仔麵果邊嘅水準，但配料冇韮菜餃有d失望。。。。。*姐姐服務態度好好，呢個要讚*

米線撚開喺兩三碗車仔麵舊鋪，原來係兩三碗嘅姊妹店，我本身就係兩三碗車仔麵同餃子嘅忠實顧客，所以未食已經好有信心🤣今次第一次幫襯，嗌咗外賣，一碗鮮牛肉片大腸豆卜沙嗲湯米線，一碗鮮魚片芫荽餃腩肉鮮甜蜆麻酸辣米線沙嗲湯唔算好濃稠嗰隻，但有淡淡嘅花生香～ 鮮牛肉片唔算好滑，係有少少筋有啲咬口嗰隻，大腸切得算大舊，豆卜又吸晒啲湯汁，整體幾唔錯！麻酸辣食得好爽，鮮魚片好滑又冇骨，芫荽餃皮薄饀多，鮮甜蜆冇沙，起碼有10隻！重點就係個腩肉，超級大塊！淨係食餸都飽！🤣 外賣都咁足餸真係超級抵讚，一定會回頭！