粉仔檔

Open Now

Now Closed

住屯門區有返咁上下年份的，應該多數都食過依間粉食檔，高峰期附近有差不多4間舖都係賣粉仔的，30年黎一路到依家依然屹立不倒既就絕對係這一間粉仔檔講味道依間粉仔檔肯定好食過近年才冒起既狗仔粉，雖然材料相對簡單，主要都係蝦同葱等，但麵同湯既質感肯定更好，不會像狗仔粉般麵太淋同湯太杰，印像中多年前比依家更好食，但就算依家黎講我覺得比那些名過於實的油渣麵更好味。食粉仔一定配上原味菜脯粒再加少少辣菜脯粒，簡直食極都唔厭，唯一覺得美中不足既粉仔温度略嫌不夠熱。通常食粉仔外都會加一樣小食，我喜歡加兩件粉粿或牛肉球，有時會打包腸粉加燒賣魚蛋返去俾阿媽食難得今時今日仲有依d十零蚊就食到，有歷史又好味平民小食，如果覺得狗仔粉/油渣麵之類已經好食既話，絕對值得一試這間粉仔檔，包你食完隔無耐就會心思思想再食過

與相公在聚福樓食完早午餐後 發現肚子仍舊空虛 路經成日想試既粉仔檔（成日經過都太遲/ 無開）二人相視而笑 馬上下單眼看店子門口的室外座都滿了 本以為要站著完事 誰知店家引領正門右邊還有內舖呢 感恩！裡裡外外都是人 馳名粉仔 $16 粉仔湯底好香 有豬油渣和大蝦米等 而且份量很多 粉仔較平日在元朗好滿美食的幼長 較有咬口 都愛都愛燒賣 $9 可選$9: 8粒或$5: 4粒 為食的我們要左8粒 燒賣脹卜卜彈牙美味 配上其甜豉油 整個滿足小店仲有其他便宜小吃 好像都吸引 會再來嚐新的

只要是屯門街坊，就一定知道有一個置樂花園，而置樂花園最出名的，就係粉仔檔。以前粉仔有兩檔，頂爛市之後得返一檔，當然係淨返較好食果一檔啦。聽聞粉仔檔易過手，呢方面唔多清楚，但我只知易手之後一樣咁好食。以前枱櫈放出路邊，自從食環署喪掃街之後，粉仔檔就租咗後面間鋪，以供堂食。粉仔有大細之分，堂食只有大，16元，外賣大的25元，細的17元。此外仲有腸粉、燒賣、雞翼、生菜魚肉、炒麵、汽水等等，夠食到你飽，所以附近啲中學生會嚟呢到食吓晏或者放學食T，因為食物份量可調大、中、小，吸引唔少女同學嚟幫襯，可以自己調節份量多少。

去了智樂買完野想搵食, 就決定去呢間粉仔檔食個下午茶先~其實我都係有次路過無意中發現呢間粉仔檔都幾多人食, 但係open rice又無咩食評, 所以今次食完想打返兩句入面有間房仔有冷氣, 都舒服的, 肯定好過坐出面曬住太陽食啦講起粉仔, 我由細到大都好仲意食, 以前街市有D鋪仔都有得買, 依家都唔見晒, 真係買少見少~ 仲有D朋友未食過粉仔….咁好食佢地都未食過真係要推薦下我最鐘意食粉仔加菜甫食~特別是加一半唔辣一半辣~ 呢間的粉仔味道不錯, 不過我鐘意食再淋少少的, 另外粉仔入面有些好似是炒過的豬油渣, 難怪會咁香燒賣都唔錯, 夠軟棉棉, 加埋甜鼓油就match~ 口渴叫了一支豆漿, 正正常常, 我之前食過呢間的腸粉都係好好食, 夠晒滑, 不過今日太飽食唔落另外還有其他野食例如糯米雞, 魚肉翅…..., 我見對面座食的車仔麵都好似幾好食, 下次要試下

今天叫了豬油渣狗子粉，因見到海報有介紹，而且還有好多豬油渣，但到上菜竟然無豬油渣，問他們為什麽沒有豬油渣，竟然答我盛唔到，而答我態度惡劣，又話趕收工，叫埋單及吃快點，垃圾店一間

屯門，真係好日都唔黎一次，實在太遠。朋友帶到黎呢間小店，店舖面積比較細，但都好多人食，粉仔之外仲有車仔麵、燒賣、腸粉之類，一於試下招牌。粉仔　$16自己加菜甫湯底好濃，配有蝦米，即使不落調味一樣夠味，食得岀冇味精。食落同十X座狗仔粉差唔多，但呢到既粉仔比較幼同埋軟身，同樣可以無限自己加辣/唔辣菜甫，怕辣既話落少少試下先，因為都幾辣，不過唔落辣就可以食真係湯底，雖然嗜辣，但有時被辣搶走哂啲味，反而失去本身湯底意義。

哩間細細個就食開 但自從搬屋後已經十年無幫襯過 諗住番去懷舊一下印象中以前店員熱情友善 但今次真係食到一肚氣 我叫左要一碗粉仔之後 中年女店員無任何回應 淨係對男店員做出🤷🏻‍♀️動作 佢地交換左幾次眼神之後男店員問我坐邊 咁我就指一指張台話"我坐嗰度"男店員竟然話"所以呢?" 然後佢地露出不屑嘅笑容'切'左一聲！女店員再同男店員講"未俾錢" （點解唔直接同我講 而要同男店員講呢？我企係你面前咋大佬）其實我一早已經揸住啲錢諗住一叫完就俾錢 係女店員乜反應都無俾我 完全無視左我 再透過男店員同我溝通先至會令到落個單都咁困難未試過用客嘅身份被如此無禮對待！哩世都唔會再幫襯！完全唔明點解女店員可以無視客人 食物水準正常 但員工態度極差 完全無專重客人 對客差過對狗 其他食客去前請三思！ 如果真係要去 請搵店中相貌慈祥嘅婆婆落單 佢對客態度比較正常

女人。好無禮貌。欠咗佢咁。食咗背脊骨落。唔會再幫襯。😡😡😡😡😡😡😡😡😡😡食物又唔係特別好食。仲要咁嘅態度。再係咗落去。無人再幫襯都唔會係新聞囉。

早前跟朋友吃了狗仔粉後大失所望，心裡立即想起成長時期跟好友最愛到屯門置樂吃粉仔檔在屯門成長的人多數都知道這家粉仔店，即使長大後搬離屯門，也還是會等先生放假，跟他一起去置樂粉仔檔回味一下青春時的回憶這裡的粉仔湯底好濃，即使不落調味一樣夠味，當然喜歡吃辣的話，加少少辣更正啦地道小食中我最愛的便是燒賣，這裡的燒賣也很合我口味先生還點了糯米雞，第一次吃也覺得不錯辣辣的配料，已溫馨提示別挑戰啊加少少便好也許成長中的回憶味道讓我對置樂粉仔檔加了很多感情分，但我先生不是由細食到大，一樣對這粉仔檔讚不絕口，證明平心而論，還是這裡的粉仔最抵食又最美味

屯門人應該都知邊間 應該都食過 #屯門粉仔檔 $15粉仔 有蝦米 冬菇 加無限refill菜甫/辣菜甫雖然有人話味道吾同左 以前好食d 而家都吾差🤔偽文青由中學時期就幫襯 愛上了粉仔菜甫既味道 呢間粉仔店 可以話係我既童年回憶😂.而腸粉燒賣（$10+$8）都是必點的 如果腸粉多醬就更好啦 而燒賣有甜鼓油 每次經過都會買😁.早餐 午餐 下午茶之選🙆🏼

之前成日都係叫粉仔食, 今次就叫左金牌雜錦車仔麵同咖哩魷魚。金牌雜錦, 有8樣餸, 牛根,蘿白,豬紅,豆卜,豬腸,豬皮,鳯爪,時菜。啱曬我,唔洗諗食乜餸。啲牛根好入味,又淋, 好正。蘿白都甜冇乜渣。其他餸都唔錯, 最重要加埋個咖哩汁,成碗麵即刻加分。另外個咖哩魷魚,重點就係個咖哩汁好香,辣味適中。

由細係置樂食粉仔食到大, 去到宜家仲會周圍搵粉仔食。以前置樂粉仔有兩間成日鬥到你食我活, 我自己其實一向都幫襯宜家已經執左果間, 因為真係好味啲 (生意都好好多), 但至於點解好味啲生意好啲都要執? 咁就唔知啦。 講返宜家呢間“粉仔檔”, 星期日下午超好生意。其實除左粉仔($15)貴啲外, 其他野食都好抵食(例如$8有8粒燒賣)。講返碗粉仔。首先, 置樂粉仔係俾出面食到既幼身, 就好似上海麵咁, 而且湯底只會有蝦米, 你唔會食到其他配料。我個人覺得佢啲粉仔太硬, 因為應該要煲到淋淋地先索到湯汁, 宜家基本上湯同粉係分開。加上粉仔未煲到淋, 個湯都仲太清, 無以前(其實係以前隔離舖)果種咸香惹味。可幸係佢地既辣菜甫幾好味既。總括來說, 雖然呢度有好多回憶, 但不是我回憶的味道。

尋日去咗置樂粉仔檔食tea，係屯門工作嘅朋友介紹嘅。叫咗一個粉仔同一碟滷水雞翼，粉仔口感適中，唔太硬亦唔會硬，配本身湯底味道唔錯（唔係普通清湯）但係加埋辣油同辣菜莆味道就更加香同好食！不過由於佢個辣菜莆係真係好辣，唔太食得辣嘅人落幾粒好喇滷水雞翼就有少少失望，因為味道唔夠濃同埋雞翼煮得太耐無咩咬口。不過粉仔就真係好推薦要試，好食過連鎖店而且自家製菜莆好好味！

以前讀小學放學既時候會和公公，妹妹一起去這間粉仔店吃碗粉仔才回家。印象中，以前d枱和櫈是放在店鋪外面，在天橋底樓下放幾張摺枱就做生意了。那時候好多人食㗎，每張枱都坐滿人，有時食客還會企在側邊等位。這境像不再了，現在所有枱櫈都搬進了鋪內，雖然環境變了，但粉仔既味道仍然保持水準。粉仔份量有分（大）和（小），每碗粉仔都係熱騰騰，簡簡單單唔會有肉碎或者其他材料，最主要既配菜就係「菜脯」喇！菜脯有分原味和辣味。食粉仔記得要落菜脯啊，精髓之一。除了粉仔，還有其他小食㗎，例如燒賣，腸粉之類......平靚正之選！

本人系粉仔檔長期食客，粉仔彈牙爽口，又滑又夠味，加上辣菜莆，簡直正，我落了三大匙，超正，大滿足。另外，腸粉不能不提，夠熱夠滑，花生醬好濃，食完又系垂涎三尺個:。奈何來了一個新伙記，又紋身又無禮貌，對個個客都系甘，好似欠左佢甘，一向知此檔系家族生意，如果系親屬，老細要反思一下。條友成個肥龍格，趕客