粉仔檔

Open Now

Now Closed

只要是屯門街坊，就一定知道有一個置樂花園，而置樂花園最出名的，就係粉仔檔。以前粉仔有兩檔，頂爛市之後得返一檔，當然係淨返較好食果一檔啦。聽聞粉仔檔易過手，呢方面唔多清楚，但我只知易手之後一樣咁好食。以前枱櫈放出路邊，自從食環署喪掃街之後，粉仔檔就租咗後面間鋪，以供堂食。粉仔有大細之分，堂食只有大，16元，外賣大的25元，細的17元。此外仲有腸粉、燒賣、雞翼、生菜魚肉、炒麵、汽水等等，夠食到你飽，所以附近啲中學生會嚟呢到食吓晏或者放學食T，因為食物份量可調大、中、小，吸引唔少女同學嚟幫襯，可以自己調節份量多少。