糖山莊

Open Now

Now Closed

貪方便黎試下呢間開左咁耐未試過的甜品見到綠茶紅豆綿綿冰（類似係呢個名）寫住no.1就叫左呢個黎試下😦甜到難以下嚥綠茶雪糕係廉價的味道 仲有啲鐵味😑然後一個字，甜。綿綿冰得個甜字 食多幾擔即頭冇味 平時我都算食得好甜 但今次真係食幾擔就食唔落😑十分後悔黎呢度！

app叫😂見係屋企附近所以叫下叫左鍋巴芝士餅雜果西米露同埋黑白配個芝士餅個芝士ok 餅男朋友就話麻麻個feel有d似tiramisu黑白配就係oreo雪糕涼粉 涼粉有d多食到後面唔想食😂呢個價錢都ok見係黃店所以支持下

買左兜雞翼尖，拎嘅時候已經覺得奇怪點解咁輕，但係趕住買其他嘢所以冇為意。返到去發現到佢得半兜。$26得咁少有啲不滿好食係好食嘅，但係少咗啲囉之前堂食係成兜滿嘅下面嗰張相係冇食過嘅相

特登來到友愛邨尋良心小店，可惜正餐令人有點失望。起行離開之際，發現有間良心糖水鋪。 疫情關係，大家連外出吃正餐都少了，更加没閒情逸致食糖水。 小店設有外賣限定的糖水，好讓大家在家抗疫也可以甜一甜。 愛槤 $44甜品即叫即整，但也不算等得耐。 認識很多榴槤愛好者都喜歡吃真榴槤，對榴槤製品的興趣都不大。這個愛鏈就剛好得合愛吃榴槤的朋友心水，奶凍上加上榴槤肉、海澡珠，隔著口罩也聞到陣陣榴槤味。 他表示，榴槤肉很香綿、雪凍了像雪糕般滑。奶凍味不太濃，剛好襯托著榴槤之味。 黑白配 $34我不吃榴槤，來個最愛的椰奶組合吧。雪糕＋椰汁，甜甜的，配上甘味的涼粉，甜度剛剛好。而且涼粉超多，根本吃不完XD 如果可以轉大西米/西米，更得我心。一向覺得食糖水是飯後的延續活動，很多糖水鋪都hea做。位於H.A.N.D.S的糖山莊不但是同路人，而且製作用心，絕對值得支持。分散投資，各類黃店都要撐啊～

🖐🏻☝🏻黃金週 支持下黃店都好耐無去過糖水鋪食糖水難得放幾日假 夜晚梗係兩個人去食甜品sweet下由於疫情關係去到餐廳第一時間店員幫我哋探熱再安排張檯比我哋坐幾乎每張檯都有酒精搓手液 好貼心Menu實在太多嘢食 花多眼亂貪心嘅我又想食紫薯 又想食西米露最後膽粗粗問老細可唔可以要個紫醉金迷 加錢加西米（紫醉金迷本身係芋圓+小丸子+紫薯泥+牛奶）點知老細竟然話免費加西米比我 好感動食落覺得好驚喜原來牛奶同西米好夾 個人認為比椰汁更好味感覺無咁膩而個紫薯 我覺得係我食過世上最好食香滑嘅紫薯蓉 中間夾雜住一粒粒紫薯粒兩種質感一齊食 好有口感芋圓好煙靭 嗒真d會食到芋頭香！男朋友叫咗個朱古力甜奶窩夫一上檯個樣已經好吸引雪糕揀左榴槤味 好香 唔會係果種好假一味死甜嘅雪糕窩夫外脆內鬆軟 同個醬 同雪糕非常之夾呢間屯門嘅糖水鋪絕對拍得上出面港島九龍嘅糖水鋪

今日係黃店五一黃金週開始，到夜晚突登走去買糖水番屋企食，等左半個鐘未有，咁算啦，心諗應該多單做唔切！點知見到一對客食完走人，果對客人係我開始等果時入去堂食！人地食完我都未有得拎，老闆明明見到我係出面等緊，佢點會唔知我仲未有，係佢果時收錢！之後終於有果時同我講漏單！以後唔會再食，好好味的話條氣都順d，但味道一般！

難得山長水遠入到屯門搵牛牛🐮緊係唔可以咁快就返屋企，要食多幾餐先夠抵🤣所以就搵咗哩間甜品小店😋不過對於好少嚟屯門嘅我嚟講都要搵咗陣先搵到路😝一打開餐牌就俾佢嘅椰皇吸引住🥥望落好似好好食，仲要有咁多款揀😆但作為一個榴槤控，就決定要試下佢嘅榴槤椰子皇🤪.🐽榴槤椰子皇🐽。💰$66為咗懶係健康養生啲，專登叫咗個熱嘅榴槤椰子皇試下🤣一上枱嘅時候已經聞到濃濃嘅榴槤香味😍佢個底係椰皇燉蛋白，食落好滑溜好易入口😜椰皇上面仲有一大舊新鮮榴槤肉，再加多少少口感爆爆嘅海藻珠🤓配合埋椰汁一齊食好夾🥰.🐽芒果糯米糍🐽。💰$26咁耐冇去長洲都好掛住長洲嘅芒果糯米糍🥺見哩個餐牌張相同長洲嘅糯米糍有幾分相似，同樣係冇椰絲嘅，所以都叫埋嚟試下😇咬落去佢糯米皮覺得好煙韌，加埋入面仲有粒粒好甜嘅芒果🥭好好食!! 😽仲要細細粒咁，一啖就可以食哂😆.總括嚟講幾好，雖然我都好鍾意食佢嘅榴槤椰子皇，但相較之下更加推薦佢嘅芒果糯米糍😻如果唔鍾意食椰絲嘅朋友更加要試下佢嘅芒果糯米糍😼

孩子對蛋敏感，好幾個牌子的雪糕都含蛋不能吃，而大部份甜品店的雪糕都用了有蛋的牌子。終於試到這家店的雪糕🍨無蛋，孩子終於可以大吃特吃雪糕甜品啦😀 ！當中火車🚂賣相的雪糕＋oreo最吸引小朋友👨‍👩‍👧‍👧

呢間甜品鋪款式選擇多價錢亦合理唔似大集團式黎黎去去都係個d款有好多款中式糖水選擇每次黎都係下午茶時段所以每次都唔洗等位而且上菜速度都算快所以我都黎過幾次食😛😛😛👇🏻（熱）腐竹蛋白糖水 $25甜度適中，唔會太甜/太淡有好大舊蛋白👇🏻榴戀天使 $54（榴連肉+小丸子+榴連雪糕+西米）有好多榴連肉😋😋😋成碗好夠榴連味，連西米露食好好味😋我覺得係屯門都少呢類甜品鋪除左大集團式都可以試下幫襯其餘的俾多個選擇自己😁😁😁

糖山莊算喺我食過好多次嘅一間甜品店，價錢親民又好食。今次食夏日船，好似香蕉船。揀咗一個曲奇味一個朱古力味嘅雪糕球，一份量算大嘅。裡邊仲有新鮮生果，生果都夠甜，雪糕球都好冰凍，夠滑甜度都啱啱好。好抵食！

之前走左轉高雄，想食綿綿冰，但揾極都唔到，只係食左幾次刨冰、沙冰。失望而回。返到香港，竟然俾我揾到屋企附近有綿綿冰。尋日趁阿仔返學，自己去試下先。下午四時許去到，應該剛開舖冇耐，所以冇乜人。正呀！大把位任我坐！我點左黃金海岸(芒果綿綿冰+芒果+雪糕+爆爆珠)$48，好快就上檯！個賣相不錯，先試一口綿綿冰，正呀！入口即溶，好耐冇試過呢種感覺啦！加埋雪糕、芒果、爆爆珠，更加一絕！正到冇朋友！可以返兜！下次再試其他口味！

同朋友食完放題，都要搵糖水舖食。成日搭輕鐵都見到依間，今次可以一試。中西式糖水都有，今次主要叫西式。一見到豆腐布甸，就想試下。雪糕球味道可以自由選擇有朱古力，綠茶，榴槤，雲呢拿。。。我選擇左綠茶味，雪糕球雪到好硬，唔會好快就溶。朱古力脆脆，其實係平時食早餐既朱古力脆波。豆腐布甸夠滑，但就唔係特別好重豆腐味。仲淋上少量類似維他奶係布甸面。朋友叫左藍莓綿綿冰，都有雪糕球。第一啖好酸，但冰真係好綿，入口即溶。綠茶綿綿冰應該會好食些。

好耐無食甜品⋯番娘家之前，同老公試下樓下甜品鋪-糖山莊❤️糖山莊甜品種類好多，價錢ok！我揀左簡簡單單水果西米露，水果夠甜⋯西米露好味！老公揀左芒果雪糕椰汁，兩個甜品加埋都唔洗一百蚊，抵食！

今日同男朋友bbq完諗住食碗糖水，屋企附近見到呢間糖水舖就試試啦，點知出事。。。西米露啲西米冇咬感，似係一粒粒面粉團😥嗌左個香芒戀人，身為芒果迷既我真係好失望🙄啲芒果雪糕冇芒果味，仲要雪到成個冰球咁，叫我點食？？？成碗嘢又稀又淡，咁就收我$38😅仲有個蜜糖雞翼😐$30/5件唔期望你有幾大舊，但絕對唔可能大小不一，又鹹又冇蜜糖味。係就係夠熱呀，每隻都出曬煙，但真係太難接受！總而言之唔會再黎食，又唔抵，質素又差！！

他剛剛開張時，去的時候食物還好至從上一次跟朋友去吃完那個榴槤飄香有怪味(一些廉價朱古力吃掉後有的怪味)，懂的就會懂我說的是什麼味我最終跟朋友整碗沒吃就走了，那次也沒有記錄下亦有好久一段時間沒有再去最近跟朋友在附近吃飽飯後，不想走去置樂那麼遠吃甜品唯有再去這裡，高朋滿座，剛好有一張空桌就跟朋友進去了本想著，之前只是榴槤飄香不行，不如試一下榴戀天使？最後還是怕了，叫一些感覺穩陣一點的椰皇也是我平常甜品常點的但沒想到這裡的，已經要46起跳想吃些有芋圓小丸子之類的已經要52！因為獨巿？算了吧我們點了後，旁邊跟後面的桌子比我們更遲入座亦比我們遲點單，但他們的比我們都早上桌我朋友已經不耐煩，跟店員反映結果得來的回覆是：我們跟著單去做的..唷？難道就是我冤枉了你？我們見到的情況確是這樣呀！朋友叫的黃金島，照片看來感覺還好？真實看起來實在差太遠，小丸子也不Q彈芒果汁微酸，感覺有點廉價...我要的是雪白被我朋友取笑說感覺像一碗嘔吐物說的是雲尼拿奶昔，但吃起來像溶掉了的雲尼拿雪糕，的確是有點嘔心...就是附近的沒什麼甜品店，不然就要去m記吃雪糕令店舖一直都會有人在外排隊下次再想吃甜品也不想再去了