糖山莊

Open Now

Now Closed

店內款式很多，有點想學松記，糖百府感覺。今晚星期五，超多人等位，我們等了30分鐘才有坐位。我們分別選了黑白配 ＄34份量比較少，一個曲奇雪糕球，涼粉，椰汁，半塊Oreo. 味道一般沒有驚喜，不算太甜清清地，天氣熱吃雪糕比較適合。相反太太因為不適，要選熱的甜品，因為找不到紅豆沙糖水，有點失望女人是很麻煩，結果研究了15分鐘以上才決定到對了要提大家，它沒有紅豆，綠豆，腐竹 中式糖水最後點了大團圓，薑汁湯圓 ＄34薑汁夠辣，芋圓，地瓜圓，軟綿綿而且有味道，芝麻湯圓正常，整體都很好食。太太非常滿意，這款比較出色，驚喜之作。店內有常見綿綿冰，椰皇燉蛋白，木桶豆腐花可以選擇，款式比較多，屯門來說已經不錯。埋單＄70左右，店鋪坐位不多，比較迫而且可以搭枱的。

之前一直好鐘意食佢個燉椰皇好滑好香，最近兩次食都好奇怪，唔知係出什麼問題，入面好似豆腐花咁比人搞散哂，好核突，見到都冇胃口，於是問店員為什麼個様咁怪，宜且口感很怪，味道也怪，幾個人食完都話好難食，店員回覆蛋白蒸完係咁然後不了了知，因為我地三個人試完都冇左一半，所以都唔係想退錢，只係比D意見希望下次會好D，因為之前一星期至少幫襯兩晚，想跟他們說一下竟然不理會，所以以後不會再去食，今時今日咁既服務，搵鬼食，糖水店周圍都有，等執笠吧！

同朋友係屯門碌完令，搭搭下輕鐵肚餓想食糖水。印象中上次入屯門有間糖水舖都中規中矩，而且我同男朋友都要係安定搭翻車出去，既然都會經過咁就食食佢啦！入到去都幾多位，可能係平日所以無咩人，咁就好啦 可以坐得鬆啲舒服啲。Menu嘅款式好多種類都好普遍，但款式好多 我都揀咗十分鐘先揀得啱心水。最後揀咗芒果雪糕+芒果冰配爆爆珠，因為我唔鍾意爆爆珠問店員可唔可以轉其他料，係可以轉架而且唔洗加錢，所以揀咗小丸子。等咗一陣，就有得食啦。舊芒果雪糕...硬到...我都係攤吓佢先..芒果肉好甜，甜到似浸過糖水，又有可能係面頭加咗芒果醬先咁甜。小丸子好煙un，無乜甜味，純團子味道。芒果冰唔可以話好幼滑，似綿綿冰質地，味道偏人工化似濃縮芒果汁咁。個雪糕係食曬所有嘢最後先食，仲係偏硬，雪糕有啲奶味，無冰粒，稱不上滑，似係啱啱個綿綿冰嘅芒果味加咗啲奶整成嘅雪糕。總括而言，不過不失，都係想搵啲甜嘢過吓口癮，如果要求不高可以一嘗。

難得打風唔洗返工😎，不過10號風球都係冇得四圍走🙊⋯等到落左波先可以出街🙈近近哋落樓下食個甜品先⋯呢間平時好多人，所以唔會特登排隊食，新開張嘅時候食過一次☺️覺得正正常常啦！今日見唔洗等位，入到去得3枱客👍🏻叫左榴連西米露，心太軟😍榴連味超勁😂啱哂我，心太軟真係唔係間間好食⋯呢間就太甜⋯侍應妹妹冇乜笑容😂可能打風後要返工心情麻麻哋啦！🙈整體嚟講都可以嘅⋯$120食左2款！而家度度都係咁上下啦😂

打完風落食埋飯七點幾落去，間舖開左無耐，有幾枱客都入左，街坊都幾棒場。舖外有個menu，可以睇啱先入去綠茶心太軟，$48心太軟綠茶味幾濃，啲醬唔會太稀或太杰，剛剛好可以混外層一齊食，但雪糕就無乜綠茶味，下次會叫另一種味嘅雪糕焦糖布甸伴雪糕，$38焦糖布甸是凍的，如果面層焦糖如果係熱會好啲，相比之下，綠茶心太軟會好食一啲間舖有會員制度，如果俾$20可以join，閒日食有九五折，抵唔抵就見人見智，除非可以成日去啦

很久没有回娘家，竟然比我發現😱😱多左一間糖水店係安定巴士站附近叫🍧《糖山莊》🍧，見到門口有很多人等位，於是碰下運氣等一看看有無位，好彩等左約十分鐘左右，就有位啦。感恩🙏🏻🙏🏻🙏🏻，天氣咁熱入到店裏即時坐下，服務員主動介紹當日限定和特色推介，夏天最好食芒果，於是叫左個芒果糯米糍和綠茶紅豆棉花冰，芒果糯米糍，表皮薄而煙韌香糯，芒果清甜無渣👍🏻👍🏻👍🏻，綠茶雪棉冰幼滑帶綠茶香，加上微甜的紅豆，還有自選大大球的雪糕真係透心涼和好好吃😋😋😋

果日同家人食完飯，嗅到一陣椰皇味，俾佢吸引左入去，住友愛咁耐都係第2次幫襯，叫左2個椰皇湯圓同蜜糖雞翼外賣，味道唔錯，感覺好耐同以前唔同左，一個椰皇叫左少甜，一個就加甜，媽媽嘴刁食左都話好食，雞翼就蜜糖可以再加多d , 下次再試試其他, 另外， 佢好似有推出會員咭，有個男仔話每月有唔同優惠， 但其實作為食客， 都係打折最實際！ 另外，見佢地方好似大左， 唔知係唔係錯覺， 定係傢私換左， 感覺俾以前行得舒服左， 唔係迫住迫住.

叫完糖水個女店員一上個香芋西米露上枱就已經見啲色水唔係好妥，食一啖仔就唔知以為食緊椰奶水，一啲香芋味都冇，問店員有冇香芋粉又話冇，咁出個香芋西托咩！！！張相同實物咁大對比，爛既西米加幾粒芋頭同椰奶水就上枱，仲難食過自己整，啲炸魚仲好煋，而炸薯就似返啲樣，而成碗香芋西米露只係我同朋友各食一啖就冇郁過。。。。。。埋單叫女店員收起仲問佢平時香芋西都係咁佢話係，唔使錢俾我食都唔會食囉，貼錢買難受，死未！！！

野食就不在話 極度難食 態度欠佳 係咁吹我叫野食傳說中嘅豆腐花就不得了 唔知真係以為佢即磨即整 等左35分鐘終於來啦原來傳說中嘅豆腐花同我街邊買係完全冇分別 (唔知係咪轉左老細)

在店鋪剛剛開業的時候，已經跟家人試了～雪糕表面再鋪上不同脆片及脆條，令雪糕看起來色彩繽粉。當雪糕剛剛端上時，是雪藏得非常硬，加上碗不是大，一不小心有機會推走雪糕！所以我們先等雪糕融化一陣子才開始吃用，雪糕的雲呢拿味、朱古力味比較突出，可以吃到濃郁的雪糕口味～不過雪糕不夠幼滑及軟綿，這點就比較遜色了。

與好友吃完生日晚飯後再來吃個飯後甜品, 自從安定友愛商場重新裝修後變成了H.A.N.D.S就多了很多食店, 原來也有一間甜品小店在附近, 不過不在商場內, 是在等巴士那邊的街舖, 雖然地方不大, 但環境幾精緻同舒服, 有半卡位, 同椅子幾特別, 因為時間尚早所以唔多人, 看看MENU都有幾多選擇, 價錢也相宜, 又出現選擇困難症了~~~夏日船 ($38)~~~朋友選的, 即係香蕉船的改版, 首先講雪糕全部都可以自選, 都有好多款唔同, 如: 雲呢拿、朱古力、草莓、曲奇、薄荷曲奇、藍莓同榴槤等, 而且都係蠻凍的, 唔會一上就好易溶的感覺, 好味又清涼, 生果都多同新鮮, 吃到底仲有好多脆米粒增加咬感……藍莓窩夫伴雪糕 ($38)~~~既然有榴槤當然要吃一個啦, 所以選了榴槤味雪糕, 幾香濃啊, 味道都足, 因為即叫即整, 所以窩夫都要等一陣, 雪糕面淋了些藍莓醬, 然後有吉士, 再來是窩夫, 兩塊窩夫內有吉士及好多藍莓粒, 吃入口原來窩夫唔係平時吃的鬆脆口感, 係好似學生時吃的夾餅類, 所以係粉d同幾飽肚, 仲有少少煙靭感, 最好兩三個人share, 咪會好飽!!!吃完真係幾滿足, 我覺

今晚放工之後有d 肚餓，就黎呢度食宵夜。椰皇鮮奶燉蛋白$40 - 蛋白唔會燉到好死實，係軟綿綿的，入口好滑溜，加上有d 椰汁浸住，可以連埋一齊食，好好味，仲有d 椰皇絲添！蜜糖雞翼$28-呢個係意想不到既好食，好出色，蜜糖味好夠，好入味，雞翼d 肉好嫩滑！楊枝小丸子雪糕球$36-即係楊枝甘露做底，加左d小丸子同埋㨂一款雪糕球，楊枝甘露落左幾多的花奶，芒果好熟好甜，小丸子煙靭幾好咬口，唔會好粉感，雪糕球揀左曲奇味，超級硬身，好耐都唔溶，哈！

寒風冷風❄❄，入冬喇⛄又去特式甜品店食吓糖水，坐低睇下Menu有咩食先，唉…有特式~椰皇新推出👍，咁就座低試下喇，好快椰皇湯丸甜品奉上，第一啖简直暖在身暖在心，甜度適中，清熱又潤肺都係未夠喉😁再來一個海底椰木瓜雪耳，味道清潤，適合這個乾燥天氣來潤吓皮膚喇💁最後叫多一個(熱）法式焦糖布甸🍮，焦糖厚度適中又脆口，布甸又香又滑，食完甜品，這冬天不冷，又滋潤👍

屯門唔容易揾甜品屋又泊到車，終於揾到間新開嘅H.A.N.D.S商場地下嘅糖山莊，車入安定邨泊係後街，行兩步就到，勁方便！估唔到星期日晚10點幾都仲要排，好彩都好快有位，即刻點佢地最岀名嘅芒果拿破崙😍😍…… 點知已經賣哂，佢地5點開門咋，咁快就冇😭😭😭咁只好食返我的最愛，楊枝甘露，個底好好味，只係覺得芒果可以放多啲(因為我太鐘意食芒果)😁😁另一款係朱古力甜奶窩夫加雪糕，賣相好靚，味道都好好！下次一定要試到個拿破崙先得❤❤

早就發現呢間店，難得今晚早收工，一於去試下先打開menu，哇！都有太多選擇喇，店主見我咁煩惱，就推介以下食品俾我:朱古力心太軟～好好味呀！好流心呀！好香朱古力味呀！(嚟之前都有睇過食評，ｄ食客話好難食，所以店主推介時都係一般)，不過…好彩最後決定要佢啫，都無其他食客講得咁差啫我覺得食呢款甜品必須趁熱食，先可以品嘗到最美味嘅感覺。聽店主另一推介，就係芝麻糊啦，果然又係無介紹錯，又滑又香，甜而不膩，好！店主話係每日經人手炒過先去磨，然後再隔幾次先會有咁滑嘅效果，好用心制作啊經過今晚一試，我一定會再去，仲要帶朋友嚟添。值得一讚，店主笑容可掬，招呼又好笑又幽默，而且能用心介紹食品俾食客，真是做得好好(ps: 挂住食，又唔記得影相俾大家睇啦)