紅村自家湯

Open Now

Now Closed

外賣左－份蒸肉餅。D肉都未熟，都仲係好紅，有部份直情好生。同佢哋溝通。佢哋堅持肉餅係熟嘅。完全無問題。就算比埋相佢都唔認。無言..................

好耐冇飲湯又費事自己煲，唯有叫外賣，紅磡巷仔有一間自家煲嘅湯，未試過，所以今次想試吓。叫咗碗海底野百合玉竹豬骨湯，但好冇味，只可以肯定一樣嘢，完全冇味精，個人認為落得太多水，或者唔夠了，又或者煲嘅時間唔夠。作為一間主打賣湯嘅餐廳，我覺得唔合格。因為嗌外賣最低消費要$80，所以我仲叫咗個鮑汁豬手，豬手位置並唔係最靚嗰個位，$31，3隻豬手，比兩個唔靚個位我，相信冇顧客會開心。豬手夠淋嘅，但個鮑汁可以更濃更甜，真係有待改善。總結：試過一次我唔會再試。

平時係紅磡覓食都唔會特別走到呢條隱世既巷仔🤣 見到好多人買佢既雙送飯🍚覺得都係走平民路線😅 但係原來試一試佢既老火湯真係好足料🔥 真材實料既味道 最重要無乜味精‼️值得試一試⭐️ 黑豆栗子燉烏雞湯🐔平時好少食到烏雞湯👍🏻感覺好滋補💕雞味好濃好溫暖但唔會過油😚煲完既雞肉都唔柴🪵 黑豆同栗子既味道比較踏實🌰 仲有養顏烏髮既功效💆🏻‍♀️ 飲完感覺即刻靚咗😍⭐️ 淮山杞子螺頭燉雞湯 🐚相比之下螺頭湯多了一份鮮甜🌊但同時十分清潤 唔會過鹹 淡淡的回甘 仲有滋補肌膚既效果🥰⭐️ 金銀花菊花羅漢果茶 🍵值得一讚係佢既涼茶同樣好足料👍🏻 菊花茶帶淡淡的回甘🌻同時唔會太苦易入口 不另加糖水就感覺更健康💪🏻

朋友經常介紹紅村，但成日冇時間去試。前兩日經過鍾意買黎試。試咗麻辣皮蛋，味道剛剛好不會太辣，內有青瓜都好入味。同時又買斑斕糕，味道不太甜，口感煙韌，而且價錢相宜，值得推薦

一兩年前ot完經過見到有湯水咁正就幫襯過，飲烏雞湯配白飯加十蚊有個菜，當時已經覺得係有營健康之選，已經冇做果份工所以都冇機會再幫襯，最近路經再回去幫襯，價錢同之前大致差不多，我覺得佢熟真材實料既湯水，而家仲有每日三款選擇幾好，尤其是而家六點後抗疫反正外賣就岩晒!! 湯水有湯料，我好鐘意食湯料架!!! 配白飯真係一流!!! 佢仲有其他小菜可以加錢配，講緊都係十幾廿蚊就有住家風味既餸，一個人外賣岩晒😍😍😍😍下次再試其他

與其說非一般，不如講係多一款既家鄉腐皮卷。收工夜咗，買少少野食，黎到呢間小店。將近11點，一直有人黎買糖水，而我買既係茄子豆腐青椒以外既煎釀三寶，而係專程黎買腐皮卷。老闆娘即吃即煎，好好味，腐皮卷住豬肉，冬菇，仲有爽爽既應該係馬碲,算足料！15蚊5件，下次要買埋滑滑豆腐花，咁就滿足哂喇！