紅磡雞蛋仔

Open Now

Now Closed

朋友介绍这网红店给我很久，今天才第一次有机会试食。因为店在小巷裏，原先还怕找不到他。但一转到大路口，便看见长长的人龙。我猜.....就是你了。人龙裏有不同的年纪，但大都是来打卡的。老板也很好玩，虽然忙到头晕，每次看见人家拍照，他都做反应去配合。很想了解为何在很短的時间內便变成网红，所以点了两个招牌食物-鸡蛋仔和格仔饼。这种食物是从小吃大，东西一到手便知龙与凤。他的脆格仔饼是暖暖和软软的，酱料混得很配合，入口鬆化绝对没有一坨面粉在口中的感觉。他便鸡蛋仔烤完后便放凉一下，外皮变得非常鬆脆蛋味很浓，真是难得的体验。

◽️今次要介紹嘅係位於紅磡嘅紅磡雞蛋仔，唔好睇少佢店面唔大，短短幾分鐘嘅時間入面已經好多食客光顧。◾️芒果班戟 $18班戟即叫即製，所以送到客人手中依然熱辣辣同時又唔會因為擺得耐而變軟。班戟底相比一般嘅煙韌，芒果用作咗呂宋芒而且好新鮮，配落班戟到好鮮甜可口，令到班戟極之開胃，係一個又好食又抵食嘅小食。◽️朱古力雞蛋仔 $18叫得紅磡雞蛋仔當然要試下雞蛋仔，朱古力味都尚算突出，但係濃度唔係好足夠，而且可能煮得耐咗所以有部分嘅雞蛋仔有少少苦味。除了有少少失誤之外，都係一款值得食嘅小食，但我哋嘅首選都係芒果班戟。◾️紅磡雞蛋仔📍紅磡大沽街寶利閣2號舖

黃埔寶其利街附近唔少小食店，雞蛋仔都兩三間，不過我覺得紅磡雞蛋仔最夾我口味同選擇❤就算好多等緊，嚟到呢間一定要試到沙律淨芒pancake，唔信望下人地會嗌啲咩😆出名唔係冇原因，你會見老闆即場將芒果切粒同烤一底pancake，幫你加翻啲汁最後先比客人，係原汁原味嘅芒果黎！

雞蛋仔係代表香港既本土小食，呢一句我相信大家都會同意。周街好易搵到雞蛋仔食，不過係咪間間都係咁好食呢？呢個答案個個香港人都知道。對於我黎講，只有兩間雞蛋仔舖頭我會推介，其中一間就係呢間喇!!呢間小店，小本經營，沒有分店，完完全全代表左香港本土文化。沒有華而不實既裝潢，只有真材實料，以及濃濃人情味，呢一樣就係多年紮根香港既味道，無可取代，大家一定要支持呢類小店呀！今次我揀左朱古力抹茶雞蛋仔，門口有唔少人等候，所以件件都係即叫即整。食落外面脆口，內裡厚實有咬口，仲有少少流心效果，就好似係脆皮流心蛋糕，製作起來難度高好多，味道亦都比起某d得個外層脆口，內裡空洞既雞蛋仔，層次感豐富，好食得多！呢間舖頭既雞蛋仔、格仔餅以及班戟，質素一樣咁高，特登去食都值呀！

紅磡雞蛋仔算是區內名店，很多街坊已食多年，其實不需要作特別多的評價了。但特別想一提的是，這個mango pancake，落料十分滿，整個pancake裡面都是芒果粒。雖然芒果粒不算甜，而且帶微酸，但夾在稍有甜品的pancake裡面反而酸甜兩種味道配合得很好，至於是有意還是無意，就不得而知了。

芒果班戟✨✨✨班戟皮好軟熟🤤芒果粒粒好多 足料🤓芒果粒粒夠甜 完全唔酸☺️多汁💦加埋秘製沙律醬 酸酸甜甜既配搭 幾好食😍呢間紅磡雞蛋仔好出名，好多人慕名而來😋大家行街經過就一定要試下啦😆

雞蛋仔舖位一啲都唔起眼，但每次經過要雞蛋仔都要排隊等，你就可想而知佢係幾受歡迎👏🏻。鍾情於佢嘅雞蛋仔，已經試晒原味雞蛋仔、朱古力味雞蛋仔，同埋抹茶味雞蛋仔。最愛都係原味雞蛋仔，每次都係整到外脆內軟，而且每一粒都充滿濃濃的蛋香；由於我本身不太鍾意朱古力同抹茶味果種微微苦澀味，所以都係覺得原味最正！舖頭價錢每底雞蛋仔都係新鮮即叫即整製作。

講起紅磡好多人都應該會諗起紅磡雞蛋仔，實不相瞞小編細細個已經有食開😂，今次就試下新野榴槤班戟。----------😋貓山王榴槤班戟 $25身為榴槤迷就覺得榴槤蓉唔夠多，不過榴槤味幾足又夠甜，食落仲有榴槤絲，榴槤蓉冇溝左其他野。😋芒果班戟 $18小編都係推薦最原始嘅芒果班戟，芒果同班戟味道夾，芒果夠大粒又夠甜。而班戟因為係即整，所以夠軟又有彈性，唔會太乾/太硬。----------🔎紅磡雞蛋仔🚩紅磡大沽街寶利閣2號舖

本身對花生醬同煉已經零抵抗力好似見到奶醬多或者格仔餅都忍唔住會買返底過下口癮👅👅👅但每次食完格仔餅都會覺得好飽好濟🤢🤢🤢所以呢間紅磡雞蛋仔就成為咗我嘅首選。因為唔多格仔餅舖提供奶醬pancake，奶醬pancake冇咁漏之餘，價格仲平好多，性價比絕對比格仔餅高好多🤭熱辣辣又軟身的Pancake加埋花生醬同煉奶，真係冇得輸🤘🏻🤘🏻🤘🏻🤘🏻而且伯伯非常之親民，每次行過買格仔餅嘅時候都會同我哋傾吓計，所以絕對會再幫襯👍🏻👍🏻👍🏻👍🏻

叫格仔餅食好啦，唔好叫雞蛋仔呀。呢間鋪頭咁出名，黎到紅磡我就試吓啦，但係第一次我叫嘅係雞蛋仔，佢可能擺得耐左，拎上手已經唔熱亦都唔暖，中間本來凸起嘅雞蛋仔仲有啲凹埋添，食落口又唔脆，又唔熱，好普通完全唔值呢個價錢。不過我之後再試食多一次，呢次叫嘅係格仔餅，心諗可能佢出名嘅係格仔餅呢，結果又真係幾好食喎，試過幾次質素都保持到水準，即叫即整，或者比一份係整完冇幾耐嘅格仔餅我，茶上滿嘅醬，都幾滋味！！！😀

屹立咗喺紅磡好多年既紅磡雞蛋仔已經養咗一班街坊熟客喇！雖然我唔係住附近，但每次經過都忍唔住幫襯☺️要試清楚個班戟，我就揀咗最唔花巧既原味——花生醬、奶醬、牛油同糖。不過逢親食港式班戟/格仔餅，我都會走牛油，因為我無見過有一間舖係用真牛油，而係用一大罐既margarine，對健康唔好亦唔會令到個pancake有牛油香味，所以唔加好過！pancake好厚實，配埋甜甜既醬，簡單又滿足🤤仲要都係$9，好抵食！

週末行過見到太吸引了！有少少人排隊但都唔會等太耐。好味又抵食既班戟😍非常足料! 滿滿又熟又甜既芒果，鹹味推介呢個堆滿肉鬆既班戟，內裏有少少既花生醬吊味，新鮮做起熱辣辣，滿滿既幸福！Highly recommend this great for value HK-style pancake! They are all freshly made and served hot with loads of filling! You will be melted when you take a bite😍there might be a queue over there but it usually won’t take too long! #otteriseating 沙津芒果班戟 Mango pancake $19 蛋白肉鬆鹹班戟 Savoury pancake filled with pork floss $12個人比較喜歡班戟多過雞蛋仔呢～

這檔名為「紅磡雞蛋仔」除了雞蛋仔多人光顧外，店內另一主打-厚班戟也十分不錯。這次跟朋友來掃街，點了一份雜果班戟來嚐嚐。即叫即整的厚班戟放涼後，隨即加上與沙律醬混合的雜果，雜果是罐頭的，吃的是港式茶餐廳的雜果沙律味道，班戟鬆軟，甜甜的，雜果沙律的份量給得多，班戟吃到尾還有雜果呢，用料絕不吝嗇，吃得很滿足的一個下午茶。

次次黎開紅磡，經過寶石戲院附近，總會行黎睇下紅磡雞蛋仔有無開舖，然後再食返個芒果pancake,次次都係食呢個，因為真係好好味！！芒果pancake即叫即整，蛋漿溝得好，整出黎既pancake又香又彈又夠鬆軟，仲有淡淡既鹹味，更有啲鮮味～拎上手仲熱辣辣，誠意十足！芒果份量都絕唔少，滿滿既芒果肉，又甜又新鮮，食落真係有幸福既味道～～Pancake塗左啲煉奶，甜甜地同芒果好夾，一個perfect既小食！難怪咁多年黎一直人氣不減～

一去到前面已經有幾個人排隊，發現多數人都係叫普通雞蛋仔同埋格仔餅。但今次係為左芒果班戟而去，唯有下次再試。好多芒果，都幾甜，個皮係好食嘅。唯有係覺得尼隻沙律醬不太match。整體可以一試。