紅磡雞蛋仔

Open Now

Now Closed

雞蛋仔係代表香港既本土小食，呢一句我相信大家都會同意。周街好易搵到雞蛋仔食，不過係咪間間都係咁好食呢？呢個答案個個香港人都知道。對於我黎講，只有兩間雞蛋仔舖頭我會推介，其中一間就係呢間喇!!呢間小店，小本經營，沒有分店，完完全全代表左香港本土文化。沒有華而不實既裝潢，只有真材實料，以及濃濃人情味，呢一樣就係多年紮根香港既味道，無可取代，大家一定要支持呢類小店呀！今次我揀左朱古力抹茶雞蛋仔，門口有唔少人等候，所以件件都係即叫即整。食落外面脆口，內裡厚實有咬口，仲有少少流心效果，就好似係脆皮流心蛋糕，製作起來難度高好多，味道亦都比起某d得個外層脆口，內裡空洞既雞蛋仔，層次感豐富，好食得多！呢間舖頭既雞蛋仔、格仔餅以及班戟，質素一樣咁高，特登去食都值呀！