紫荊大酒樓 (Closed)

14個人打邊爐, 都係叫個D 野食, 都對佢D 食物無咩期望, 不過最大問題係上菜慢.最後一round 成十點先叫兩碟肥牛, 一碟羊肉, 一碟雞肉同一碟芝士腸, 成個字都未黎, 重要吹佢先有, 都唔知佢地係度做咩, 行行企企就最叻.

過年前幾日係到食晚飯,有:1. 四人用套餐,包括: -白灼生海蝦一斤:蝦太細隻,不太鮮甜. -鴻運乳豬拼盆:乳豬夠脆,好味,其他如叉燒,燒鵝,海蜇都一般味道,無甚特別. -花膠瑤柱羮:不值一提,實在太差,好似豆粉溝水一樣,oh no way! -富貴鳳片龍牙蚌:即(西蘭花雞塊象拔蚌),這個象拔蚌等如放橡皮膠入口一樣實在無法咬開,都唔知係甚麼東西,完全不像象拔蚌,完全没有味道可言. -清蒸游水斑:約10-11兩重啦,不太鮮味,又"鞋". -甜品:紅荳沙加湯丸,味道ok,無甚特別.另加幾個小菜: -中式牛柳:極之可怕的一道小菜,牛柳先無牛肉味,又"un",跟本難於咬開,非常唔掂. -蒜蓉豆苗:味道ok,不太油. -果皮蒸鮮鮑魚仔:每隻鮑魚連殼都不超過1.5吋,真正的"鮑魚仔"細隻得要命,仲話係合時海鮮,一碟有8隻.仲要係無鮮味又"un"個隻,真難頂. -腊味糯米飯:飯較濕,味帶甜夠味,夠料,都ok.都唔知係唔係過年前食物都比較差d,又無抵食皇牌供應(即特價每款$22.8),價錢又貴,以這個價錢去其他地方食仲好(埋數$750),以後都唔會再係到食啦,因

中秋節晚做節，因人數眾多故主事人話事要選在這裡，起碼是屋企數下及地方夠闊落；當然若比我選當然會另覓地方，但奈何地位低微，唯有從命！二十多人要兩張大檯才能安置好，而亦因空間足夠而不會覺得擠迫。點菜都是以素材及非油賸為主，幾個菜式都不能算合格，金銀蛋莧菜裡居然有條茶心，咕嚕肉只是以酸甜汁將早早炸好的麵粉肉輕輕的占上，什麼花枝象拔蚌像吃橡根，蒸海班小得可鄰，中式牛柳是化學產品…. 算了吧！服務反而可以，尤以有兩個後生世仔，理應是節日兼職的，招呼得體，禮禮貌貌；如題所曰好彩唔係成日幫襯。

今晚又ot，老婆本身話佢先返屋企煮，但係我又好餓，加上返去煮已經好遲，所以叫老婆係沙田行街等我，我一放工就join佢。之前已經去過紫荊食晚餐，覺得好平味道又ok，之前食片皮鴨都係$20度，一於今次去食條蒸班。一去到，一如既往，唔係好多人，女侍應安排左個電視位，坐得都幾舒服。本身打算叫蒸班，但見到有半隻乳豬$22.8，我地咁少食乳豬，就改叫乳豬。之後老婆見到有印度咖哩雞&印度薄餅想叫，我覺得酒樓的印度咖哩雞($38)&印度薄餅($8)都唔會太驚喜，但見老婆想食，就試下啦。另叫特價馬拉盞炒通菜($18)。半隻乳豬- 都好多肥肉，但炸得都好味，以呢個價就已經唔可以彈，都幾大份，不欺場。印度咖哩雞- 出奇好味，汁香，用鐵板上，唔錯。印度薄餅- 都係出奇好味，$8份量算多，佢已切成幾小塊，方便食。馬拉盞炒通菜- 味道不錯，抵。本身打算食糖水，因為紅綠豆沙都係$2.8，但太飽，食唔到了。我地下次先再來食蒸班啦!

今天2pm我和阿媽,姑媽,爺爺,婆婆食下午茶(獨立房)香煎長餃子-皮很脆軟,肉ok四寶燒肉飯-飯+咸蛋吃得好味肇慶咸肉棕-很唔好味,吃得好像棕皮黏著棕肉><千層紅豆馬拉糕-我第一次吃,之前我吃千層奶皇馬拉糕多次,吃得很不錯,有鬆軟也香印度烤餅-很唔好味,因為有多炭><豬潤粉腸豬粥-很唔好味,因為冇味精,我想要用鹽和胡椒粉><鼓汁美味鳳爪-鳳爪吃得ok芋頭排骨蒸腸粉-排骨和腸粉吃得很麻麻北菰龍鳳燒賣-吃得很麻麻我食飽~~

昨日原本想上去樓上飲下午茶，但見人太多，改了在樓下地廳食燒味粉，叫了兩碗粉。這兒要排隊自取。事情就發生了，排到我的時侯，我俾了飛給女侍應，她即丟到面，就即接後面幾張飛。原以為佢咁神通，可以攪得掂，點知是漏單漏到離譜，到問翻佢時，佢竟說你要火肉飯嗎? oh! my god! 我叫的是火肉可同鵝米線，她即說我冇收過妳張單?難道我張飛俾了一個女鬼，短暫失憶的冒失鬼?

上星期六(即2月18日), 剛巧這天晚上很冷, 所以同家人到沙田禾軬紫荊酒樓打邊爐, 成人$48, 須然未計茶,湯底,小食,加一, 但都好抵食, 因為食物都好新鮮, 任叫, 還有青擰冰都係$5/杯, 可樂也是$5/罐, 甜品$3.8 都有交易, 所以我覺得好抵啦!!

團年飯安排這裡最主要是靠近屋企，老人家不需跑來跑去，另外最主要是可回家拜神。其實這裡純街坊格局及收費，食物質數一般，反而打邊爐較好，因不能作假嗎？另坐位狹窄，吸煙與非吸煙區分野不清，要留待明年一月一日才可改善。是晚食肆業務相當好，大部份都是團年飯局，食物質數及服務預計不會好到那裡。沒有點套餐，散點如並盤、蟹肉豆苗、鮮魷....都不可以，想話穩陣點的白切雞居然仍有很重雪味，而認為會認真處理的紅燒元啼居然似煲湯豬肉....。

炸子雞- 雪藏雞味道不需評, 以此處之烹調功夫, 那層外皮又炸得出奇地香脆, 提議改名為"出奇雞"印度烤餅- 全檯最像樣又好味的就只有此款, 烤餅是即場師傅製, 一上檯巳聞到一陣陣之蒜茸香味, 質感內鬆外帶脆, 總數點了三客才滿腹。印度辣雞- 是用鐵板盛上, 不太辣也帶點香料味道, 不過不失。賽磅蟹- 吃了一口, 立時想一隻雞蛋要多少錢呢. 毫不懷疑地吃得出是混了粉的！是否有點過份？！(不是有點..., 是很過份)扒豆腐- 因為咸得冇道理, 所以是"無話可說" 栗米石班塊~ 顏色帶深, 齋看並不討好, 吃下一口, 淋淋的又只帶咸, 又係沒話可說的一味。再講服務, 當日的女侍應是遊魂般似的, 翻點的烤餅落單時,開口問我們食品編號是什麼？那張菜單紙正正放在檯上, 為何不自己拿來看呢？我們投訴豆腐減得吃不下, 跟她說完......就去如黃鶴..........最後都是要自行找個經理來處理！跑到這裡來前, 巳有心理準備食品之質素可去到那裡, 但是由老爸要求來這裡的, 我這個做女的也不敢啍半句。是明知不好吃, 但也要硬吃！

昨日十一時半，去到門口登記早茶兼午膳，要非吸煙區，公關在接聽電話，等了好久才俾倒ticket 入座，但上到去樓上，才知是吸煙區border 位，咁有非吸煙區小圓走哂，咁我就坐下，問題就發生啦，有位個子高大的女公關幾無禮貌地、高聲問我幾多位，我答三位，佢就即時答你唔坐得，妳張飛是搭的，指我去吸煙區邊界位，我見d咁樣的服務態度，我就回應說: 我喜愛坐在這將，有什麼問題? 那位公關姐姐就好不滿地用一d極不友善的眼神望實我。

今日下午茶，三個人原先坐了一張四人，但高高的公姐姐話妳們三人不可以坐，我另有四個客現在要坐，我們立刻起身，見佢咁巴閉，咁兇，俾佢坐。食物一般，但d service 真是九流。d 碟就非常污漕，仲話已經高消毒，叫人放心食用!翻水要等30分鐘已上。冷氣不足。

昨日同呀媽去下午茶，首先是d香片茶冇茶味，難飲。跟住是冇人翻水。d侍應是講是非多，幾個幾個在耳語。叫了個黑椒爽肚，好難吃，有好濃尿味。馬蹄糕比一般差。咸水角冇吃，因見收哂身，凍冰冰的。山竹牛肉四小粒，無汁。燒餐飽就ok，但要眼快手快有，只是少量供應。

今期d下午茶幾平喎，3.8元可以吃倒牛肉腸，超值呀!仲有2.8元一碟的干蒸牛肉，又是好扺呀!8元的印度烤餅，多了幾款口味，不妨一試呀!整體表現都唔錯。樓下的地廳還有大大碗的燒味粉，只售9元，超值!

此中式茶樓環境裝飾新淨, 但檯布巳有數個被補過之痕跡, 碗筷尚算乾淨, 食物種類選擇頗多, 除一貫中式小炒外, 還加插了京滬, 印度小吃, 泰式糕點等... 總計埋單價錢$470, 又當然要例說一句, 一分錢一分貨, 但那隻$38 的貴妃雞還可吃得出點點雞味也不錯, 其中的薄餅是較似中式多過印度, 與naan的質地相比當然是截然不同, 鱔是較腍身的, 不太討好, 較為欣賞的是包類, 質感頗軟熟及熱辣辣, 五塊錢都不用就有個甜品, 雖說便宜, 但也只來一碗先作測試, , 明明是有個凍字, 偏偏來個不冷不熱的, 椰果只得一口, 抱歉, 此款甜品不合格。貴妃雞龍蝦加伊麵一份梅子蒸鱔生煎飽腐乳通菜蒜香薄餅松子奶皇包東瓜盅海底椰凍南瓜露

其實對呢d屋邨酒樓真係唔多寄望，但係去過打邊爐之後又覺得好正，d野食都幾多款同新鮮，肥牛好新鮮，手打墨丸勁彈牙，鴛鴦湯底好味，甜品又平，楊枝甘露正，地方夠大，唯一美中不足係野飲要錢，不過都係一楂6蚊，同埋d單比較亂，所以最好等左4,5個字都未到就再入單，尼到俾多ge唔認就ok，地方乾淨，侍應服務ok，比以前好左d，話就話有時限，但係我同fd次次食成兩粒幾中都冇人趕你走，埋單連加一、甜品同野飲都係每人70幾，抵爆！佢ge小菜都唔錯！各位沙田友想夜晚飯局打邊爐，與其去皇都逼餐死，不妨行多兩步尼呢度食仲過癮！