綠怡島餐廳 (Closed)

新正頭來到元朗，一心以為這個香港美食重鎮之一的地區怎麼也會有東西吃吧！誰不知自己實在太過低估農曆新年的力量了，各間食肆有吸引力的都沒有開，有開門的又沒有甚麼吸引力 。因為已經肚餓，又不想捐窿捐罅的找吃，便就近在這間其貌不揚的「綠怡島餐廳」吃個下午茶代替晚餐，然後才回家。這餐廳的環境十分一般，衛生程度更是甚低 ，地上多的是垃圾，侍應都無暇清理，飯碗拿來的時候是濕立立的，要顧客自行把它們抹乾，實在難以令人感到滿意 。簡陋的洗手間開在後巷，名義上是分為男女兩格的，但其實只要關上洗手間的鋼門，男女廁根本上沒有分別，無論男女均可入內方便，但裡面的衛生環境可真是令人不敢恭維，要非自己有急需，真想掉頭而走呢 ！下午茶餐是十分多的，簡直是多得嚇人 ，要是每日來吃一款的話，應該可以吃兩個月吧！但這次叫來，都是最經典的港式炒飯和米粉，說到這裡，聰明的你相信應該猜到是甚麼了吧 ！不錯！就是與「乾炒牛河」與「肉絲炒麵」，齊名的「星州炒米」與「楊州炒飯」了。想當年小時候，與家人一起上茶樓飲茶的日子，家人最常叫的炒粉麵飯，就是這四大經典了，到現在這記憶仍深印在我的腦海呢 ！雖然這餐廳的

啱啱响附近買完嘢, 又未食晏, 尤其搵間茶餐廳食個茶餐, 見呢間N年前食過都OK, 所以入去食................叫咗2個茶餐, 唔夠2分鐘已經上飲品, 非常快手, 但食物就要等耐少少, 可能係即叫即整關係掛?? 洋蔥豬扒包用硬豬仔包, 但由於熱辣辣, 唔硬不特止, 個皮仲好脆, 正!! 豬扒煎得好香, 而且好林, 但仲有少少咬口, 唔會乸到冇哂質感同肉味, 再夾埋煮到林哂的洋蔥, 將洋蔥的甜味溶入豬扒當中, GOOD~~ 炸雞脾配薯條雞脾應該係生炸的, 而且响炸之前先界開d肉, 咁就唔驚炸到皮變黑d肉都未熟啦~~ 不過隻脾醃得鹹咗少少................薯條當然係肥嘟嘟, 有波浪形果種啦~~ 又熱辣辣, 脆卜卜, 再點埋响雪柜拎出嚟的茄汁, 好正!! 凍奶茶幾香幾滑 熱檸茶有5塊切得超薄的檸檬, 師傅果然好手勢!!!

平時返工，早餐一般都會在家搞掂，說起來也很久沒出外食早餐了。趁假期，在茶記吃一頓豐富的早點，為假期作一個醒神的開始。揀的是，焗豆太陽蛋雞扒煙肉，這一直是我的心水。雞扒是對辦的，皮微脆，亦夠熱，還有些洋蔥夾著吃；太陽蛋在我的心目中一向比煎蛋優勝，就是因為其蛋黃；煙肉是差了一點，原因是不夠香脆；最敗北的，就是焗豆，凍冰冰的，為何不能把它翻熱?熱奶茶的奶和茶份量失衡，不是我期望的。食完早餐，時間仍很早，當然不能浪費難得的假期啦。

吃了串燒, 但又沒飽肚 吃甜品又未到時候所以還是hea hea地吃個午餐.家人的蝦粒蜆肉炒飯,感覺求其, 炒飯白白的, 不乾, 不熱, 沒色, 沒香, 也沒味只是一顆顆飯,蝦,蜆 有緣相聚的, 一同走到同一碟上而已常餐$32 亦是中上價錢, 同民華的價錢一樣, 但quality 卻要低得多了反而我的叉燒咸雞飯挺不錯,叉燒有肥有瘦, 不太乾, 不太膩,雞亦有雞翼, 微帶咸味, 不錯服務態度甚差, 以後盡量不來環境: 狹小

在這個突然轉冷的十二月晚上, 晚飯時很自然想起令人暖泣泣的煲仔飯, 還記得去年的時候, 曾經幫趁過綠怡島的煲仔飯, 覺得尚算可以, 於是天氣一轉冷就決定即刻去食, 但想唔到一年之後質素竟然差了這麼多.叫了臘腸排骨煲仔飯, 光是等候的時間已經超過半個鐘了, 等不是問題, 如果是好食的話, 但這煲飯卻不是. 一開蓋已經覺得唔夠香, 一食落口果然唔得, 啲飯一啲香味都無, 最差是啲排骨, 完全無肉味, 又鞋又乾, 有些似煲湯後豬肉的質感. 啲豉油又唔得, 除了得個喊字之外. 成煲飯最似樣的是臘腸, 唔太瘦又唔太肥, 但其他太差, 沒有用.煲飯要44元, 但一啲都唔好食, 以後都唔會再來吃.

今朝叫綠怡島外賣的經歷：7：02 叫早餐7：50 打去追，話就到（大佬呀，我地8：05要出門口返工架！）8：02 送左果兩兜已發脹嘅麵同兩湯匙份量嘅湯，另加夾到扁哂的牛油餐包來8：02 - 8:06 倒左半兜落肚，餘下半兜去左馬桶不論送外賣定係聽電話個阿姐，一句唔好意思都無，好似老馮等佢一粒鐘咁初三想叫外賣仲話每個餐加三蚊，心裡真係忍唔住問一句：「你憑咩呀？」