美味坊

Open Now

Now Closed

政府成日話要推動夜晚繽紛， 其實真正香港夜繽紛就在民間！放工要到深水埗買旅行用嘅電話卡，畀緊錢嗰陣已經聞到好大陣炸大腸嘅香氣！買完之後梗係忍唔住行返過去整返串😋姐姐好畀心機緊張炸大腸外皮炸到好脆（之前試過喺旺角食，求其炸幾秒畀你就算🤷🏻‍♀️）佢有分17蚊同20蚊，我心諗橫掂都肥梗係要廿蚊啦🐷好彩咋!炸大腸我鍾意乜嘢醬都唔落，淨係滴幾滴佢哋自製嘅豉油，咁先食到原汁原味炸大腸味道，有返以前食街邊車仔檔嘅feel！

魚肉燒賣～正正正正正正！👍🏻味道好，應該係金龍！👍🏻好夠熱！溫度剛剛好！👍🏻$10一杯，大概8粒左右，價錢合理。👍🏻豉油辣椒油任落，一啲都唔孤寒。

今日因爲有野做，遲左返屋企，又未食野，連麥當勞都閂埋，附近得番7-11。想食飽肚既野都無。好彩經過見到間車仔面，3個餸$30蚊，算可以接受。可能因為我太夜去，好多食物都賣哂。不過我都可以叫到我想食既野，算唔錯。我叫左一大碗烏冬，加魚肉，加貢丸，加生菜。佢即場即整，超好，深夜食熱野，最正！本來仲想買少少另外既炸野，但佢賣得7788，無咩剩。建議如果下次去，要早少少去，唔係既話，好多野都賣哂，無野好揀。😢

行經深水埗又有少少肚餓，於是乎就去呢間小食店諗住買小食填下肚，點知就係一個被騙錢嘅開始😣我點左豬紅、豬皮、豬腸三樣，明明係小碗，個大嬸話收我$30（ 明明寫住$25🤨我都費都算，費事出聲）後來負責「𢳂」食物果個阿姐話送少少韭菜同埋蘿蔔俾我，配埋好食啲，頭先收錢個大嬸諗住話叫我俾多$10要大碗，我話唔使！最後「𢳂」食物果個阿姐淥咗好大札韭菜俾我，我先發現原來係一個伏！因為佢用最低成本嘅韭菜填滿咗大半個碗，然後就得返勁少位，雖然我已經極力叫個阿姐拎返走啲韭菜，但比佢哋聲大夾惡話淥咗冇得唔要（實情係佢逼我要）極力要求之下係有拎返走少少，但$30俾得五粒朱紅、四塊豬皮同埋幾舊好似橡筋咁硬既豬腸😳個阿姐仲聲大夾惡.....覺得佢益左我.......！所以決定真係要寫上黎提醒下大家！完！

花自飄零水自流 一種相思 兩處閒愁收工無野做 總掛住依檔嘅姐姐 唔好諗錯隔離 係掛住食野咋 串燒黎講 檔口唔細 仲有好多遊客支拎最鐘意食依檔嘅腸 燒到個皮好脆口 係我鐘意嘅味道呀 ！

#MJ深水埗#MJ小食🍡冬菇豬肉燒米（$9）（🤤4/10）呢個燒賣見佢咁平 就買黎食下啦 諗住都唔會點好食嫁啦，但係又真係咁麻麻既 因為成隻食落去既感覺就係啲餡好散 同埋好粉，粉既比例太多 冬菇同豬肉都無咩 所以成個粉既感覺 唔太掂。如果個餡既比例改一改會好好多。📍美味坊📍深水埗桂林街127號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#深水埗美食#食好西#美味坊

深水埗呢個地方其實有好多好平又好好食又有特色嘅嘢 身為土生土長嘅香港人 當然鍾情於香港嘅街頭小食啦 有時肚餓又未到食正餐嘅時候 最好就係去呢啲小食檔食番串野炸大腸外皮香脆內裏有咬口 加上甜醬芥辣醬 呢個組合簡直天衣無縫牛雜炆得好林 好香嘅柱侯醬味 係我每次必食之選

住深水埗嘅我久唔久都會突登行過去醫肚。食物 : 原條炸大腸，無得輸!酸辣粉足料夠味，豬皮爽口彈牙串燒又香又野味食到上癮，尤其係韮菜、腎、豬頸肉及雞軟骨，真係無得彈!!!價錢 :算係深水埗最抵食嘅3寶檔了翻兜指數 :🌟🌟🌟🌟🌟

放工口痕又系食野既時候今日叫左個生菜魚肉呢到既生菜魚肉好足料！魚肉好厚肉量又多咬落口好彈牙，5系碎濕濕成舊都系粉甘，20蚊就已經系大碗，好抵食！湯既味道都好正，有d鮮味，5錯阿

作為平時成日影相拍片的我，假期成日當然要黎鴨記(鴨寮街)尋寶啦！行到街道中段十字路口，發現一間小食店竟然仲係原條咁炸豬大腸，而唔係普遍舖頭咁切好串好曬落去炸，真係好少有，而其實炸大腸係原條炸先好味！一串炸大腸10蚊雞，有五塊，厚度不算厚，算一般，外皮脆卜卜，入面的「肉」因為無直接被油炸，所以仲系白色，軟綿綿，又容易咬開(串好炸嗰d咬到嘴抽筋都未咬得開)，真正外脆內軟！正！

牛雜+魚旦真係好難食，先講下個牛雜先啦牛雜聞落好似變壞左，有d酸宿味，所有野都煮到過曬火，無牙既都食到，食落係有香料味，不過真係彌補唔到佢既難食！魚旦腥臭，淋berber，唔掂，幸好無買埋其他野，如果唔係有排dum.....失敗既小食店

平時好小黎深水涉, 今日經過近地鐵站出口呢間小食店,見到幾多人幫襯, 口引引又想買番d小食, 呢個檔口都有好多野食買, 另外仲有珍珠奶茶同鮮柞果汁~揀黎揀去因為怕熱氣所以要左燒賣, 有分$7同$10, Vi買左$7, 一拎上手, 心諗係味比錯左$10果碗我,一碗有9粒咁多都係$7真係好抵食, 最重要係燒賣熱辣辣又彈牙, 味道好食過連鎖店果d, 性價比高呀!