美味煮意

Open Now

Now Closed

今日買兩份粉果同燒賣，收錢就收多一蚊，我問點解收多一蚊，佢答我分兩份，所以額外收多一蚊，真冇道理，兩份早餐居然要俾多一蚊，我便同佢理論，最後佢俾番一蚊我，以後唔會幫襯。

之次前幫襯過價錢平都ok, 又係買腿蛋治烘底，今日再幫襯，同我講，呢個時間冇烘底，塊包都係放機烘，同埋係10點幾，客又唔多，烘底都拒絕？你餐牌仲寫明可以烘底，唔烘係不如唔好寫啦，即刻唔幫襯，寧願食隔離皇冠，都痴線，永不幫襯，都唔知點做生意！

以前成日黎幫襯嫁因為個陣office冇咁遠之後office搬後兩條街就少黎左上年29蚊 今年31蚊 都仲好抵不過就質量好似退步左之前啲料再多啲好有驚喜依家都還可以 不過相對少左可能環境唔好 都明既

依間食早餐超級抵食之選！暫時喺荔枝角區食過最平嘅一間！不過店鋪位置就唔太中心位，位於億利工業中心到，DBS隔離條馬路位側邊.所以我會預多少少時間，免得返工遲到！佢係一間外賣店，睇落似有幾個好朋友咁經營.原來仲有午市套餐，價錢都好實惠！仲有車仔麵出賣.腸粉先$6一份，粉果/牛肉球都係$8/2.之前試過牛肉球大大粒！仲要唔會硬賓賓！腸粉唔超滑嗰款，但都算滑.腸粉較為彈牙！好有口感！好Q彈！咁嘅價物超所值！

美味煮意係荔枝角區嚟講算係好抵食嘅一間外賣店, 基本上我每個月都會幫襯好幾次, 除咗抵食之外, 其實佢車仔麵有啲餸係幾好食, 佢嘅哋餸我都試過9成, 今日我就係叫咗3餸車仔麵走面, 所以變相係4個淨餸都係收29蚊。冬菇 - 佢哋嘅冬菇係炆得好入味, 同淋身, 我覺得佢咁多個餸裡面最好食係佢, 有3粒牛腩 - 柱侯牛腩嚟, 炆得淋身, 入味, 帶甜, 唔黏牙牛肉片- 白烚牛肉, 應該有落鬆肉粉, 吸湯汁同食都OK嘅魷魚 - 烚得太老, 老咗無咁好食, 都份量好少腩汁 - 都係味精水, 但都叫做有啲味佢29蚊包一杯凍飲, 同都叫食得過, 有的餸係幾有承意嘅, 係時間同功夫錢, 都係收29蚊, 性價比嬴晒。

返工搭巴士喺呢頭落車， 之前試過兩三次呢間餐廳嘅早餐， 今日就試下午餐啦😁早餐有一般茶餐廳野，例如三文治，奶油多，兩餸米粉果啲(全部即整)午餐就變左有車仔麵(尋日買過三餸$28)，或者每日會轉款既四至五款午餐($31)今日就試左個午餐，豆卜茄子魚鬆飯，一打開，好大盒😮😮😮飯同餸既份量都好足，個餸帶有好輕微既辣，送飯都唔錯，豆卜比平時食開既硬，茄子切到勁大舊，魚鬆有兩三舊有少少骨😂😂但呢個價錢呢個味道外賣黎講都可接受既😀