美味食家-中華廚藝 (Closed)

之前已經想寫呢間店既食評，但0係MAP居然搵唔到其實就0係TONY WONG附近之嘛當日叫左蘿蔔糕 燒賣 叉燒腸 至愛茶樓三寶三樣都幾好，當然叉燒腸一定唔夠大埔陳漢記好食，不過料好足不過都好唔錯喇，不枉我食完TONY WONG MANGO NAPOLEON再留肚食點心我記得佢地D茶叫少女十八春，唔飲茶既我都飲左好多杯

母親節一定要與媽媽飲下茶吃下點心, 不想到酒樓飲茶咁無新意, 於是想到這間點心店一試.第一次來店, 一次過點了11樣食品, 完全失控. 最后有東西食剩, 真浪費!1. 燒賣 – 普通2. 鳳爪 – 普通3. 及第粥 – 差, 淡而無味4. 皮旦瘦肉粥 – 差, 很難想像這款粥會是生滾粥, 與及第粥一樣淡而無味 5. 粉果 – 普通6. 咸水角 – 差, 完全唔熟, 個皮好粉7. 春卷 – 普通8. 叉燒腸 - 普通9. 鮮竹卷 – 好味, 整餐最值得吃就是這舍點心10. 雞扎 – 普通11. 牛柏葉 – 普通

之前去過旺角米芝蓮點心食過，呢日行過又見到一間好似好幾得嘅食點心地方，於是就入去試吓，但唔係要作比較。時間上午11點，閒日，唔算多人叫了蘿蔔糕，牛柏葉，蝦餃，燒賣，蒜茸蝦春卷，鳳抓排骨飯。蘿蔔糕:煎得唔夠燶，成件蘿蔔糕白雪雪，同埋太多粉，唔係好得！牛柏葉:一般，無乜評價。蝦餃:皮嫌厚了少少，可接受，但入口鬆散。燒賣:居然係等得最耐的一樣點心，夠大隻，抵食！蒜茸蝦春卷:好好食，即叫即整，上檯還熱騰騰，蒜茸夠香，蝦夠彈牙，春卷皮夠脆，正！唔似酒樓般凍冰冰，冧之之。鳳抓排骨飯:飯粒濕度剛剛好，鳳抓同排骨都好味！整體上感覺唔錯的，價錢唔算貴，還欣賞佢仲有粥食，不過我無叫，兩人去食以上，$80齊頭，ok抵啦！

自己先後到過兩次這家算是新開的點心小店吃東西 ---- 第一次是正正剛開業時早上到來吃一盅兩件；第二次則是一個意外，原因乃在於原本欲偕小友們到文叔那裡吃沙嗲牛麵及奶茶的，但因不知何事文叔那天鳴金收兵，故在誤打誤撞下，最後又來這兒開茶吃點心了.....記得首次來時，可能因剛開張關係，只感到一切運作仍不很暢順 ---- 當天早上人客只得小貓三隻，但等一小碟點心，竟費了大半個時辰才吃得到。雖說是即做即吃，也應不需花如此多的時間吧....那碟金菇牛肉腸端來之時已被攤凉，原因乃在於那些侍應們不知在討論什麼，竟連人客吃的東西已出爐的時間亦忘掉了真讓人氣結，真想自己走入廚房拿便算了....肚子餓了，不理三七二十一也就將腸粉放入肚裡。腸粉的粉漿開得不夠實淨，夾起來有些黏着筷子的，豉油也調得太甜了；唯一的好處是餡料頗足，勝在夠飽肚....要了多籠鮮蝦荳苗餃，這味反而造得甚不俗 ---- 皮不過濕及黏口，可用筷子一夾即起；蝦隻及切碎荳苗皆夠新鮮且碧綠，很有高檔酒家的水準....一個人能吃的當然有限，但四個人的可就不同了。梅開二度重臨，一起過叫了七八味，盡情吃到夠便好了 ----馬拉糕 --- 很鬆軟的te

到九龍城揾食, 看見呢間小店門口有很多人, 又試一下. 点了兩碗粥(艇仔粥和薑葱魚腩粥), 蝦餃, 籮蔔糕, 菜一碟. 魚腩粥幾好, 艇仔粥就一般. 最正的是蝦餃, 比起酒樓的出色, 籮蔔糕也不錯. 它們的碗筷和茶杯也是消毒得很熱的拿過來, 我見到很多人叫流沙包和蒸飯, 下次可以再試. 價錢實惠, 每人也是三十多元而巳!

有次睇雜誌見到介紹呢間新開的點心專門店。趁有假於是去試下，本來諗住公眾假期會好多人，但我地一去到就有位。有卡位坐，可以唔駛同人搭枱。一坐下來，侍應放下2set碗筷同茶壺，全都是有雞公圖案，都幾別緻架。叉燒腸粉：皮唔算薄，但係好滑，而且餡料又多。蝦蛟王：名副其實皮薄餡靘，皮薄得黎又彈牙，蝦肉爽口。豉汁蒸鳳爪：鳳爪炆得好淋身，可惜個汁唔夠味，較淡。燒買，蒜香蒸排骨：味道一般，唔係太特出。流沙奶黃包：一撕開個包，啲奶黃係咁湧出黎，而且奶黃中又有啲咸蛋黃，每一淡都有起沙的感覺。最值得推薦大家去試!!!食物大致上都好食，比起大酒樓好好多，而且又便宜。茶位每位只係$2，蝦蛟王$16，奶黃包$10......相信以後食點心又有一個新選擇啦

點心有酒樓的水準, 可以講係價廉物美.在店內用膳約45分鐘, 已看見買出了超過15碗 "鳳爪排骨飯", 以價錢 $16 來說屬於非常抵食, 唯一的缺點就係蒸飯及腸粉用豉油不夠香, 希望店主可改良一下.

小弟居九龍城附近，日出晚歸，無家庭飯食，唯有出九龍城醫肚。幫襯此小館已一兩個月了，所有點心都是即叫即蒸，食物水準穩定；有幾款食物值得推介：1. 流砂包：內含碎咸蛋，透明蛋油流出來，食時候小心爆汁出來2. 腸粉：無錯，係純腸粉；好鬼滑3. 所有蒸飯：即叫即蒸（又係呢句），飯濕度剛好，餸無蒸過龍；飯香4. 蝦餃，菜肉餃：蝦香新鮮，但皮有待改善5. 雞扎：因為即叫即蒸，所以上枱時腐皮好新鮮，無出現變深色情況6. 粥：主打生滾，不可不試講住咁多，下次再談

九龍城近月多了一間點心專門店,在福佬村道的"中華廚藝",同Tony Wong,曲奇四重奏做鄰居.早上與女友,家弟來飲早茶,周日的早上茶客甚多,但不及隔離的曲奇四重奏.人龍井然有序地在門外排著.為了曲奇,就算冒住雨排隊也在所不計.此點心店的主廚,聽聞是來自澳門金莎,自從上年添好運爆到石破天驚之後,後繼者甚多,而這間中華廚藝,有沒有能耐成為另一間添好運呢?三人行可以試多一點,點心紙上的選擇,盡是大路之貨色,如果想吃懷舊點心,好像鵪春蛋,豬潤燒賣,糯米包之類,對不起.沒有.先來個皮蛋瘦肉粥,粥底比較杰,火喉差一點,未算入味.蝦餃的澄皮太散,一夾就爆.內裏的蝦肉尚可.另一個香茜餃,也是犯下同一毛病.當用筷子一夾,外皮黐到筷子實一實,一甩,外皮即刻裂開.見到都搖頭一聲:唉!牛柏葉係就幾爽口,但味道很淡,金黃流沙包就金玉其外,外層飽身鬆軟香甜,包著的奶油,雖然夠熱,但是一點流沙的感覺也沒有.好像流水多一點.古法馬拉糕吃落鬆軟,蔗糖味不突出.燒賣不錯,蝦肉同豬肉均等,爽口帶肉香.腸粉要叉燒同蝦腸,腸粉皮的風格偏向厚身一點,入口滑溜不糊口.即叫即拉的腸粉,差極都有個譜.排骨飯水準普通,飯粒有點過硬,而

家住九龍城....日日經過都有留意這間新開的點心店從裝修, 價錢等...都找唔到理由給自己一試, 深怕一試就後悔難得今日有機會, 心血來潮, 點了蝦餃, 牛肉球各一籠作外賣.味道真的出乎意料之好....."拍得住"坊間不少的酒樓蝦餃($16)..皮薄, 舊蝦肉夠實, 好食牛肉($10).......真係唔識點形容....都係好味雖然未算十分出色...但咁既價錢有咁既水準都真係唔錯....唯一有點微言的就是...因為家庭式經營...服務比較散慢...不過我係外賣的....無所謂la..

難得九龍城有新店，點心即叫即蒸，係附近緊要試試…中午時份，人頭湧湧，今次只叫了鳳爪排骨飯同蝦餃試下…排骨飯大大盅，好食！蝦餃皮薄餡靚，果真好食過好多酒家…而且環境同餐具又清潔！抵贊！見佢有唔記得係16定18蚊嘅早餐，可配2樣野，例如：糯米雞，粥等，好多樣你揀。好抵食！下次一定要試下！！

夜晚九點幾仲未食飯，正當頭痛緊同阿哥家姐食咩嘅時候，想起附近開了一間新的點心店，但咁夜仲有無開呢？去到見裡面有人食緊，店員又親切招待，就坐底試下。呢間店提供左好多受歡迎嘅點心，又有蒸飯同粥。見價錢十分大衆化（仲無收加一），本來無太高期望，點知呢道嘅點心咁夜仲即點即蒸，新鮮熱辣，已見誠意。食落仲有啲出乎意料之外！當中我們點了：瑤柱蝦餃皇：外表精緻，內裡蝦肉爽甜，正！奶皇流沙包：當日姪仔BB嘅至愛。一開個飽即見出緊煙嘅流沙想流出黎，奶皇香滑香甜，混和細細粒嘅蛋黃粒，好味，我鐘意！潮州粉果：外表精瑩可愛，家姐話有潮州人嘅水準潮州糯米卷：又一誠意之作。糯米卷上鋪有粒粒芝麻，內裡糯米香軟，下次一定要再點！雜果沙拉卷：用料雖簡單，但幾好味喎，香脆可口，大件爽抵食！鳳爪排骨飯：老實講，好食過好多出名的酒樓！我地仲點左靚豬潤粥，家姐話係九龍城好少有咁靚嘅粥食。我地4個人，每人平均只係食左30蚊，覺得啲點心仲好食過好多酒樓，真係好抵。走嘅時候望到外面有張海報寫住由澳門金沙酒店名廚主理。可惜今次試唔到腸粉，下次一定要試下！食到十點仲見到好多人經過叫外賣，又一宵夜好選擇！