美景茶餐廳

Open Now

Now Closed

好鍾意叫哩間茶餐廳既外賣佢地送外賣速度真係極快 次次都係10分鐘內送到就等我介紹下我最常叫既幾樣食物啦首先係早餐！可以有好多配搭架我最鍾意叫火腿蛋奄列配沙爹牛肉意粉或者五香肉丁意粉通常奄列都會放起意粉個兜度所以外賣一到我就會首先將奄列分番出黎先廢事索太多水沙爹牛肉幾滑 唔會太un 意粉都幾幾索味 不過意粉份量真係好多 食完哩個早餐會到3/4點先餓 好正五香肉丁都好正架 辣辣地又惹味跟住就係澎湃既蛋牛治真係好足料 入面仲有芝士架咁高水準都唔洗20蚊次次食完都覺得好幸福仲有只須10蚊既奶醬多/奶油多奶醬多我多數會揀花生醬奶油同奶醬都好好味麵包香脆程度岩岩好

努力打掃，迎接新年。無閒煮食一於簡簡單單外賣又－餐。老公指定外賣店－美景， 價廉物美， 經濟實惠！午餐$34 連熱飲，外賣加$1點了洋蔥汁豬扒火腿飯大大片猪扒， 醃得入味，肉質不會死實及沒有雪氣味洋蔥汁惹味送飯一流！

識人好過識字, 多"為食"朋友的其中一個好處，就係好多平時你成日經過，講緊既係，十幾二三十年都不斷經過，但正常十幾二三十年都唔會入去既餐廳，透過朋友在 whatsapp 圖文並茂既分享，你係會連日心思思躍躍欲試，無心向學，開會無靈魂，過馬唔唔睇燈，最後係一個開心大發現，驚嘆點解會錯失左呢間呢？早兩日見有為食朋友分享，心中暗喜，糧頭糧中糧尾都均屬佳品之作 $33，沙爹牛肉福麵 + 超大塊吉列炸豬扒 + 凍奶茶 食完都唔知到抵我係食緊 Brunch，定係一餐當三餐食（早+午+茶），塊吉列豬扒真係大塊到嚇你一跳。 係2017呢個年代，呢 $33 你又有無其他更佳選擇呢？歡迎提供 *塊豬扒幅相，我專登擺個一蚊係放上去俾大家做個比例參考的。 **門口仲有個大公眾停車場，就算無位可以係門口短暫泊車，睇住來食

明明不肚餓，只是有點兒口渴，但由於吾等都不喜愛台式飲品、又或者太甜的飲料，於是走到元朗雞地一帶，看看有沒有特色的餐廳。一步出商場，又下起大雨，經已連續下了十天八天的雨，令人身心俱疲，沒精打采。結果看見對面這間舊式港式茶餐廳，之前在元朗上班時已想試試，奈何距離太遠，沒法試到。今天在肚子不餓的情況下，順道吃個下午茶吧。沙嗲牛肉蛋麵，麵條不太爽彈，看來是傳統福麵🤔。牛肉不算太老，薄薄的，顏色較深，當然有不要奢望有濃郁的牛肉味，沙嗲味混入湯內，味道較佳。鮮油多，薄薄的牛油，夾在兩塊多士之間，多士不算烤得非常脆，如果可以再熱少許，定會更上一層樓。本人最喜歡坐在舊式茶餐廳，喝喝茶，又或者咖啡，聊聊天，等到外邊的大雨停了，才離開，休閑的生活，愉快。

黎到元朗食平民野, 首選一定係美景今次我就嗌左個豬扒炒烏冬口感真係一流, 首先豬扒好嫩滑炒完之後又爽口又彈牙而烏冬係索哂豬扒d香味食落又唔會太油好多其他餐廳都食油到食唔落份量就一般啦不過都夠食既加上價錢公道值得一試

呢個範圍的食店早餐,食到呢間我功課應該做完.首先說價錢不算最平.但份量很大.凍飲也是加一元.相當合理.服務貫徹茶記作風.十分冷淡.但不會罵人,環境很舊,有2個舖位.主舖位相當迫.地下濕滑.有垃圾.轉移去呢間放食物的貸倉.環境衛生好得多,只是見到2個裝末洗的碗的膠筒,也有點倒胃.幸好枱也相當乾淨.23元火腿通粉.腸仔,雙蛋,凍華田..凍華田:完全唔掂.奶味又怪.華田味又淡.只有很濃的甜味.腸仔雖則不是廚師腸.只要不會吃一啖後感到鹹度驚人已收貸.雙蛋.2個蛋黃.膽固醇爆燈.但相當好食.反蛋,拮一下蛋.黃流出.蛋香味濃厚是味覺最佳享受.火腿通粉.也夠熱.湯不鹹,通粉是吸湯加仍有彈力的坑紋通粉.火腿份量也放得慷慨.清淡得來.也很好食.雖則環境舊.在呢個範圍不是最便宜.但份量足以夠飽,也值得一試.

上個月 22 號o既 10:45a.m，屋企得我一個人，於是就落o左樓下間美景茶餐廳買份早餐返上去食。依份就係『紅腸湯通粉配火腿煎雙蛋 + 熱杏仁霜 $26』，味道真係好好，唔會太多油同味精，而且價錢比附近食肆平。加上店員服務極親切。餐廳環境都 ok o既。交通方便，鄰近巴士站、西鐵站、輕鐵站，旁邊仲有個停車場添！！

最近YOHO的一間食店!水準不錯~價錢平!次次早餐都叫吉猪真係肥死但好脆連埋碗粉都係$21唔要吉猪可以要炒蛋腸仔等等...另外想唔食咁多可試煙肉蛋冶烘底(相遲d上)重有佢杯涷檸茶好清好好味