入內係普通茶餐廳！光管燈顯得地方較殘舊及污糟！
叫左2隻鮑魚仔，真係好仔。放係隻碟度浪黎浪去，好危險。上碟仲會俾埋刀叉你切，我仲諗住用筷子拮住黎食TIM，好似豪放左啲。 佢係用果皮蒸，我本身係唔食果皮同埋好怕佢陣味，但蒸完又唔係好覺有果皮味，係食落果陣有少少，我都仲接受到。食到鮮味，不過我食慣濃味，覺得隻鮑魚淡味左啲。
老公上次黎係食聖子皇$38隻，不過今日無，得普通版$20隻。但我都已經覺得好大隻，一開始叫左4隻，食完唔夠喉，本來食ENCORE多4隻，但姐姐話無喇，最多叫多2隻，好啦，照殺。
呢個一品煲都不能夠睇小，出面餐廳會放好多立立雜雜野落去。但呢度樣樣都咁好味。有魚肚、冬菇、菜、鮑魚片、鴨腳、魷魚同蝦。蝦得兩隻，但係好新鮮彈牙，唔係雪藏貨。鮑魚片就一般既齋鮑，本來我唔食鴨腳，但佢呢度整得好入味同淋，我都食左幾隻。魷魚都好淋唔會韌。最好味係冬菇同魚肚，因為佢地索哂啲汁，好夠味。
炒蜆都算大碟，依家出面啲餐廳得勁細碟，仲要全部都係得個殼，啲肉唔知去左邊。
兩個人食得咁豐富都唔駛三百蚊，抵食！
Video
