Video
Above information is for reference only. Please check details with the restaurant.
一路以來都把呢一間小店掛在口邊. 但始終未有緣再來這裡重拾往日的味道. 隔了幾年, 看見此店結業了. 失望地看著大埔的一家老字號, 家傳戶曉的橋頭雞粥冇得再食了. 直至年多前, 同一位置, 一家叫美食居的雞店開業. 看了一看自家介紹, 當年原來是因為叔父(原老闆)仙遊, 故光榮休業, 現在的新店是由店主的姪兒打理, 把大埔橋頭雞粥的故事延續下去.說一說歷史先, 為何叫橋頭雞. 當年, 我應該仲未出世, 大埔街市就在富善街街尾, 而熟食檔, 就是現時廣福橋旁邊的公園內. 而家新街市及部份大埔墟的老字號, 有不少都係由橋頭做起. 故明思意, 呢檔粥店就是橋頭第一家, 大埔街坊就順口溜的叫慣, 橋頭雞, 橋頭雞. 美食居此名字, 都是由細老闆接手後, 才留意到. 昔日, 老爸要食雞飯, 我未必去東江雞, 亦唔會去一樂, 橋頭雞(謝華記), 才是雞飯的No.1.來到, 同以前一樣, 人人都係食雞, 不要雞, 頂多有牛腩同煎釀三寶俾你選擇. 但呢個係雞既專賣店, 睇得出. 檯檯都是雞同雞雜. 而我, 8點多到, 又未到夜粥時段, 橋頭雞粥應該唔夠飽, 坐低, 要一碟橋頭雞飯, 加一碗例湯.沒有把例湯攝入鏡中, 因為我坐在店內, 個個bea bea bea, 靚靚無味精粉葛湯就即來即飲. 湯夠哂老火, 味道濃郁. 可以稱得上是一碗靚湯. 不一會, 主角來了, 是久違了的橋頭雞, 我叫的一碟雞飯.從前的橋頭雞點解勁好食, 因為雞是店主謝華記自己養的, 所以以前既雞是甚有雞味的. 不過自從Sars之後, 雞要靠內地進口, 橋頭雞既雞(聽老爸說), 已經打了折扣. 現在重現的橋頭雞, 真的要睇下當日入既貨靚唔靚.我的雞飯, 例牌雞份量. 再另外附上淮鹽同薑蔥. 苞先, 當然是把薑蔥油倒上雞飯面. 雞味, 同記憶中相比, 真是比以前稍遜, 不過雞肉嫩滑就一定的了, 而且雞是有雞味的, 只是同以前相比差了, 皮下的油脂豐富, 香味, 就是從這個油脂滲出來. 而且皮靚, 夠晶瑩, 雖不及從前但也是水準之上的靚白切雞. 不點醬, 不點油, 也能感覺到雞油的香, 皮肉的嫩, 不點醬也能好食的白切雞, 的確是要靚雞才做得到.從前謝華記就只賣切雞豉油雞, 而家則只有切雞, 不過加多了其他食品. 選擇多了. 雖是水準減, 但仍然是不錯的, 沒有失傳的橋頭雞. 美食居, 新一代的大埔橋頭雞, 沒有令仙遊的謝華記失望.
continue reading
一向間唔間都會去食lee個雞一家人去食就可以叫齊d餸(因為其實選擇唔多, 但都好味)有時一個人都會去食個雞飯通常食雞雜飯個汁好香, 濕濕暖暖咁幾好味雖然係街邊位, 唔可以坐得好舒服, 但平平地, 仲想點?真心覺得好食, 希望多d人知去試下啦, 大埔真係多好野食架 d伙記/老闆都好nice
continue reading
在吃完喇沙後兩個小時左右，再向今次入大埔的目的地「美食居」進發。由大埔友帶路，不一會便到達，但途經的地方確實是大埔友才會熟悉的捷徑。小小的一間店，店內只有三數張桌子，大部份要坐在街外，感覺上與大排檔沒甚麼分別，選擇在店內的桌子，最起碼夠光猛。坐下後看看餐牌，原來此店供應的食物款式不多，只主力賣雞、雞雜及其他香口小食。由於之前的喇沙還未完全消化，我們三人最後點了四款食物。先來美味雞半隻($78.00)，跟來的有一小碟薑蔥及沙薑。雖說是半隻雞，但其份量不太大，亦即是說此雞不會太老。吃第一件雞沒有加入任何醬料，首次雞肉夠嫩，雞肉已調味，只欠雞味不太濃，就連胸肉部份亦嫩，確實不錯。由於雞已調味，本來不打算用沙薑醬伴著來吃，但在友人嚐過後，發現此沙薑的味道與一般的不同，馬上試了一口，果然是有點點不同，有一股特別的油香味，估計是加入了雞油再烹調過，味道會比坊間的沙薑味多了一份油香味。白灼蠔油白菜($18.00)有驚喜，雖然己不是白菜仔，但吃下時十分爽嫩，雖然未至於菜味青甜，但不點蠔油來吃會更加好味。椒鹽魷魚鬚($38.00)是一款佐酒佳品，因為炸漿已調味，並且頗重手，所以空口吃會有點過咸。炸漿厚薄適中，剛好包著整條魷魚鬚，魷魚鬚的長度亦剛好一口一條，令人吃得方便。最後一道炸大腸($38.00)的水準不及同是炸物的魷魚出色，而附上的醬汁亦有點不太搭配，如果有酸梅醬及芥辣會更好。大腸外皮炸得夠脆，只是內裡不太夠肥，亦不夠厚身，頗為一般。環境上不要有任何要求，還好晚上的天氣帶點涼，否則會吃得頗辛苦。現場與馬路相隔不太遠，噪音可以預期，另外當晚頗多蚊蟲四飛，如在炎夏時情況可能更嚴重。環境上雖然一般，但服務有禮，價錢亦夠大眾化，如果與好叫雞的馬蘭盧知己，來此大杯酒大件雞，仍然是不錯的選擇。
continue reading
光看餐牌，就知美味店很有性格；當大部份食肆都做足早午晚市，它偏偏與做下午五時至凌晨一點；賣的來來去去就是與雞有關的各項配搭，頂多加上一些小吃和粥品而已。據於大埔工作的男友所言，沒有新鮮雞供港的日子，此店更索性休息不做生意，連小食粥品都不賣，十分有性格。既然此店以美味雞馳名，就要了個例牌試試；的確，用新鮮雞作的，雞味濃郁，而且雞肉滑嫩，雞皮也夠入口爽口 - 對，不能不吃雞皮，尤其是雞胸部份，雞皮沒有依附肥膏，爽口得很，與鮮嫩的雞肉一起吃，口感豐富，味道一流！連一向被視之為配角的薑葱沒有怱略；由於用料新鮮，其香味比一般店家所用的為強烈，很是不錯。另要了煎釀三寶 - 煎釀三寶$16元才六件，很貴，但與質素也成正比：釀三寶的餡料，除了用上新鮮的鯪魚肉，也加入了絞肉製作；釀在新鮮的食材上，剛炸起即送上，味道都很好；當中青椒最好，青椒本身的味道和汁液都較豐富，與釀魚肉互相配合，食味甚豐。再要了個炸魷魚鬚；用上了新鮮的魷魚鬚，沾上薄薄的粉漿，炸而酥透，是下酒的佳物。這裏大支裝的獅威才$12元，當然不能不叫一支，與魷魚鬚同吃，實為窮風流的至高享受也！不負我千里迢迢遠走入大埔覓食，美味居的食品果然美味；此等獨沽幾味也製作夠專注用心的性格小店，太公最欣賞！
continue reading
前身係橋頭雞粥~ 但係我住左廿年由細到大都無試過~~ 因為污糟到死~ 同潮和興一樣咁"拿渣"...但係因為男友半年前帶我去食依家既美味雞~ 之後就上左引啦~雖然佢鋪頭又細~ 又唔多選擇~ 但係D雞真係好好味又滑~ 我食完美味雞已放棄左三小姐伍仔記同東江雞~ 一個wk最少食一次先安樂~ 二個人叫個雞反再加煎饟三宝&炸大腸送啤酒真係一流~ 肥仔叔好好招呼~ 但係另一個電髮阿叔就成日鬼食泥~哈哈!!!
continue reading