群記清湯腩 (Closed)

朋友推介大埔哩間清湯腩好正長期排隊🚶🏼🚶🏼🚶🏼今日去左試，12點開門我地1點4開始排，約半個鐘就入到去啦✌🏾入面只限二人一枱✌🏾必叫牛爽腩我哋叫左牛爽腩米粉同河粉，每碗承為$70加左支汽水$11一嚟到飲咗啖湯，都幾清，牛腩份量都好足料平時我會留返幾舊牛腩最後先食🤣哩間完全唔洗😂😂正

長期有人喺門口排隊 平時唔鍾意排隊都特登排隊食 果然好好味😋 第一次食麵連湯都飲晒 爽腩唔可以外賣 只限堂食 排隊都抵 牛展都好好食 好林 好有膠質個湯好有牛味好清冇乜油 真係好值得試

2O21年2月6日特登由九龍搭車入大埔一試人氣旺舖群記清湯腩上午11:3O已有人在店外排隊直至12:1O才開門做生意本來想叫個貼在舖內牆上招紙牛腩粉麵餐一碗粉加一支細可樂$54但店內呀姐話係冇特價餐供應最後叫左一碗爽腩河$66一支細可樂$11合共$77錢吾係問題搭得幾拾蚊車入來食就預左食貴野最重要個主角牛腩除左得過淋字外係完全無味好似係湯渣料碗粉個湯底可能用呢D牛腩煲都可以叫好味河粉就過失算正常最對辦味道就係支細可樂總結咁嘅價錢食咁嘅牛腩河有人請都吾會再去講完。

11:3O在門口等，到12:10才開門做生意、6O多元一牛腩粉除左啖湯OK河粉過得去外，主角牛腩全無味道得過淋字，就算冇牙都食到，仲有店內貼上的特價餐招紙係呃人嘅，冇特價餐供應，絶對係一間名大於實未食好其望，食過好失望嘅人龍店。

街坊系列 – 群記清湯腩💚大埔長龍名店🐉不論平日定假日📆長龍都長駐本地人踩單車必到之處🚴🏻‍♀️遊客亦會搵到食到為止🤠------------------------------環境: 多年歷史既小店⏳座位唔多🪑以前九成都搭枱依家可以坐得舒適咁食🤗但地面同枱面有油油地既感覺😥------------------------------食物: 牛腩牛筋粉($62)🍜湯底好重牛骨湯味而非常清甜😍唔會太油膩😋飲完亦無口乾既感覺牛腩肥而不膩🐮不過再淋小小就好相反牛筋非常淋🥰每啖都似食緊花膠咁充滿住骨膠原🤪小編食完好似靚左河粉中規中矩🍜稍為油左小小最後要講🤭真係好大碗CP值滿分兼爆燈💯⚠️------------------------------服務: 老字號小店店員大半都係阿姐級👩🏽‍🦱語氣絕不客氣😖同澳牛有得揮另外速度真係好快🚀落單後五分鐘就有得食😋------------------------------環境: 5 /10食物: 7 /10服務: 5 /10地址: 大埔大埔墟大明里26號地下人均消費: $ 60 - $ 100

每次都一定會連湯都飲哂既小店,湯底係用牛骨淆出黎 牛味勁濃郁  冇油浮係面之餘湯底重勁清,飲完個咀痴住痴住證明好足料骨膠原重.每日限量供應先到先得既爽腩,肥瘦適中食落完全唔會痴牙,邊位爽口唔UN真係未食過咁正既牛腩(真心食過既牛腩數一數二),雖然麵比較小,但係牛腩既數目係起碼7-8舊(試過食唔哂),本人食完係非常之有飽肚既感覺.非常推介

☟非專業最真實食評☟（以下食評純粹個人意見）𝙂𝙧𝙖𝙙𝙚 𝘽+牛爽腩麵($70）真心好食嘅牛腩麵❣️牛爽腩食落夠淋得尼又夠味，最鐘意佢啲牛大大件，勁多肉，而且啲肥膏全部係邊邊位，好易咬得走👍🏻（最岩唔想再肥多幾kg Ge 嘅我😂) 湯底係清湯，正常加左牛腩係有油架喇，但佢就唔會話好油甘。麵底就無咩特別，正常一個麵囉😂～～～～～～～～～～～～～～～～～～～～～～～❀總評❀ 𝙤𝙫𝙚𝙧𝙖𝙡𝙡 𝙜𝙧𝙖𝙙𝙞𝙣𝙜: 𝘽+牛爽腩份量比起其他牛腩麵尼講真係算多😍鐘意佢啲肉夠淋有味得尼又唔肥，份量又多，仲好易咬得走啲肥膏👍🏻尼間係第一間我食牛腩麵食得飽嘅餐廳😂👍🏻👍🏻性價比就一般啦👀$70一碗尼講未到話好扺食，但真心足料同味道好好，鐘意食清湯腩嘅朋友要試下喇🤤

呢日入黎探朋友，見仲有d時間，諗住碰下運氣，睇下食唔食到【群記清湯腩】。雖然眼見有十數人排緊隊，不消半個鐘就排到我地。《爽牛腩粉 $66》牛味濃郁，爽腩、牛腩同樣連筋膜帶肥脂，油脂甘腴，湯頭屬濃稠質感，唔係好清好甜嗰種，但牛味算係OK。而且件數不少，有6-7件，爽腩口感爽脆，真係好好食!!不過亦有混入普通牛腩，有少少過肥，想食瘦d最好落單時講埋，同埋如果想試多d爽腩既人就要叫淨爽腩，會食得好滿足好多。《牛面珠粉 $52》平時食牛面多數係西餐煮法，配中式粉麵同樣好食。牛面超多件，肉質鮮嫩，重牛味，可以輕易撕開，留意返食得多會容易膩，不過配埋較輕盈的米粉，係一個幾唔錯的選擇。

2020年尾，今年無得去旅行，但又要被迫清假，於是去左大埔食一間平時勁多人排隊既知名牛腩店，之前睇飲食節目介紹過，我最期待既係個牛骨清湯底!中午大約12點30分到達，一個人大約排左30分鐘先有得食，第一次食，未知應該點叫，聽到大部分人都係叫，於是我就跟住叫!湯底真係堅清，有好香既牛肉味，完全無油同渣，高水準到我無落辣椒油，想好好品嚐下依碗牛骨上湯，牛腩係真係幾好味，無特別指定，但都係肥瘦適中，仲有少少牛筋可以食，又係入口即溶，河粉就正正常常，成碗湯飲曬，真係極少食粉麵會飲曬碗湯，係高質既!不過就坐得唔係太舒服啦，環境都幾迫同多人，一條友實要同人搭枱，雖然中間都有隔開，但係都知道係做樣架啦，大家都係美食既同路人，明白小店既經營不容易，好味真係可以行先，價錢都唔係特別平，好似要HK$66, 但記得飲食節目介紹過，群記用既係最高質牛腩，同埋係無急凍過，所以依個價錢我都認為係值得比既，最重要真係幾好味，下次我應該會買外賣了!

之前睇人介紹過呢度算係香港數一數二嘅牛腩麵，所以今日經過大埔一定要黎試下。下午兩點依然人龍長長，估唔到一間望落去咁街坊、地道、”up dup”嘅鋪頭會係米芝蓮推介。注意如果有潔癖的話，你可能會唔係幾喜歡。呢度sell清湯腩，坦白講佢個湯底真係好香牛味，加埋牛脂其實都有d油膩，但我覺得味道比起天后兩間清湯腩更好味。我地點左爽腩同牛腩，個人認為牛腩比爽腩好(純個人口味)。爽腩好軟淋淋，入口即溶，但係我會鍾意牛腩有d口感，咬落去d牛汁湧出黎，味道更加立體。價錢都唔算貴，真心推介比鍾意食牛嘅人。-爽牛腩粉$66-牛腩麵$62

我由港島去，地鐵轉火車再轉的士，成個幾鐘，試咗淨爽腩、油菜，哇哇哇，真係好食到飛起真材實料、一試就知道係俾心機煮、老老實實的一間好店。（唔似有啲鋪，收你貴嘅價錢比普通牛腩你，你問佢，仲要話有啲客唔識食，真係無語🥶🥶）。呢兩日我又諗起嗰日食到我心花怒放，又開始心思思啦，個幾鐘算咩，因為值得。怒贊

這間店是我食過全香港，最好食👍，最好食👍👍清湯牛腩的唯一店舖，我是這裏的常客，疫情以前通常都是光顧堂食，因為它清湯淨爽腩只可供應堂食及每曰開舖頭幾位客人，就賣完配額，因為貨源不夠，如下的時間就是爽腩只可配著粉麵才能order，每次爽腩加牛腩麵是我經常來的配搭，另外一樣灑家的出品就是淨牛展，十分林吸入味而更配上牛骨湯底是非常好的配搭👍😋。因為疫情期間我亦經常光顧外賣自取 ，今日終於忍唔住要坐下堂食，品嘗久違了的爽腩味道，我終於叫了一碗淨爽腩及淨面，非常欣賞麵質幼細而又煙韌， 而淨爽腩份量滿滿一碗真是物超所值，亦看得出件件全是上品沒有冷場， 雖然淨牛腩現在賣到160蚊一碗，但我仍然會繼續支持它。

又到大埔，專程去呢間大埔出名既清湯牛腩粉專門店，原來12 點先開門，早到咗就試下隔離間燒賣王既燒賣 lol  加辣豉油幾正!好典型既地道香港粉麵舖格局，好迫好迫唔好坐，開門10分鐘已經差不多坐滿人了，睇上黎全部都係附近街坊或熟客仔。全部都係牛 🐄🐄🐄🐄  爽牛腩只限堂食好吸引，牛面珠 🤔🤔 最後都係叫咗碗 "牛腩牛筋河" 試咗先~牛腩牛筋河 一上枱 wow 好多牛筋腩!! 多過啲粉 😂😂 個湯底偏油但還可以接受，牛腩既肥瘦適中，牛筋腩都好淋，牛腩口感略帶煙韌。可惜...服務態度不好....因為衛生感覺麻麻，想要杯水飲下，順便濕下紙巾抹下啲筷子....個伙記竟然扮聽唔到，再叫一次都唔應....咁我叫第二個伙記啦，佢終於覆我話 "我地店唔提供水".....完。如果要係大埔快速醫肚食個好味既粉，我推薦呢間，但講衛生同服務就.....唔好啦~ 而且價錢偏貴呢。

太耐冇食了，所以今日就回味一下。今次點了牛腩河，服務員放下碗後，立即聞到陣陣牛骨湯味，香氣撲鼻，之後嘗試咬一口牛腩，濃郁的牛肉味立即擴散至全部味蕾，再飲一啖清湯，吃到我津津有味，河粉質素尚可，雖然唔夠彈牙，但起碼不是碎粉，而湯底十分清甜，是整碗的焦點，而牛肉較河粉還要多，相比起其他店舖，這間的牛肉是最多最大舊的，這間是本人咁耐以來最好食的一間，誠意推薦大家喜歡吃牛肉的一定要去品嘗品嘗，包你們一試難忘。

呢排想食清湯腩就諗起群記，不過黎之前記得要打黎問下佢有無開清湯腩黎講佢個湯唔算清，不過牛味十足，可能係因為多牛腩，煮出黎既汁比較濃郁。每碗大概有6 7舊肉，可以話係肉多過粉。價值比一般清湯腩貴少少，但對得住尼個價。