群記清湯腩 (Closed)

一早已經聽聞群記，想試吓佢嘅爽牛腩粉，睇下係咪真係好似傳聞中咁好食!反正今日入開黎大埔就一試佢既真與假。咪講笑，11點左右，門口已經有8-10人排隊，平時我一定唔會排，話明今日專登入黎食，結果排左30分鐘先有得食我同朋友都只係叫左2碗清湯爽牛腩粉，因為淨爽腩買哂，焗住叫左2碗。$63碗，你話抵唔抵食?我覺得完全合理，因為足料,唔係得3-4舊。另外，真係好味道，食落真係唔同D，牛味出湯又清甜，食落又爽!所以排隊30分鐘係有佢既道理。比個CLOSE UP你睇下~一條條好分明。OK!有下次!!!!!

剛剛食完招牌清湯腩河牛腩有五件，有多一兩件更好，肉質林，半肥瘦，雖然不是我吃過最好，但值得一試湯味濃郁，食完後有少少口渴侍應服務周全環境乾淨，上菜快價錢方面，略嫌貴左少少，便宜多$5-9就完美

曾經聽過群記清湯腩係全香港最好味嘅清湯腩，一直被咁洗腦，今次就特登去咗大埔試下。群記清湯腩開放時間係中午12點至7點，但係其實佢5點幾就會賣晒沽清，落閘收舖。講真佢咁嘅開放時間真係應該得大埔人或者好似我咁特登閒日走入去嘅人先有機會食到。不過小店就係有呢一種魅力同傲氣，唔係要賺到盡，收工就收工，玉皇大帝都無情講。我大概5:00鐘嚟到，鋪頭有幾個客人，坐到入去阿姐話河粉賣晒，得返米粉伊麵粗幼麵。其實我個人覺得牛腩係應該配河粉，但冇計，賣哂😂😂我哋2個人叫咗一碗肥腩米（$53）同埋一份淨爽腩（$150）。爽腩其實可以跟粉麵，但多數係開鋪頭一兩個鐘頭就會賣晒，之後嘅客人如果仲想食爽腩就要嗌淨食，$150一碗。好好彩，我地當日原來係食到最後一份淨爽腩😋😋肥腩米一上枱，已經見到個湯好膠質，白色、透明、有牛油係面，淨係睇個樣已經舔哂脷，攞隻匙羹飲左一啖，已經值回票價。真係未試過飲咁好味嘅清湯腩湯。佢啲肥腩嘅份量仲要係多，一碗米粉有咁多舊肥腩，好抵食。至於淨爽腩好似就係牛橫膈膜嗰邊，好膠質、唔肥、好味，佢啲蔥花好靚，錦上添花～因為碗米份同個爽腩都油，所以兩個人食咁樣已經好飽。食完出嚟5:26pm，阿姐

有好幾年沒來了。香港最正的清湯腩之一，除了中環九記就要數大埔群記。個人兩家都十分喜歡。在都是牛肉湯濃鬱香甜基礎下，群記較濃，九記較清，兩者各有千秋。今天早來，吃得到牛爽腩，肉質更幼細，像軟骨的口感，非常不錯。也試了牛面珠，但還是推薦爽腩或普通牛腩。最可惜的是，沒人敢挑戰牛鞭……哈哈。肥瘦喜好可以在下單前要求，店員服務態度非常好，耐心幫我們五人安排好座位，名店來講算是十分難得。來香港吃清湯牛腩，不去九記，就來群記吧

相信唔少人都聽過呢間群記清湯腩，係大埔既人龍店，好多人都慕名而來，我地今朝係12點開門前排定隊，大約等左半個鐘有得入座🕣•🍜清湯爽牛腩粉（$63）堂食當然要一試佢地既招牌爽牛腩🐮因為只有爽腩係冇得外賣🥡有啲唔好彩因為我碗爽腩好多都較瘦，亦偏鞋身😭男朋友嗰碗爽腩（後面個碗）明顯靚好多😫好多都有兩層米白色筋膜夾住肉，好味勁多！🥣清湯底非常出色，好清，飲落仲好有牛味，感覺冇乜加味精，可以飲得晒～————————————（5⭐️滿分，💫為半分）整體環境：⭐️⭐️⭐️食物外觀：⭐️⭐️⭐️💫味道：⭐️⭐️⭐️💫性價比：⭐️⭐️⭐️💫回頭指數：⭐️⭐️⭐️💫————————————📍群記清湯腩 (大埔)大埔大埔墟大明里26號地下

大學時期已經吃過，今次再臨大埔，目的是尋回熟識味道。大埔群記清湯腩，都唔需要多介紹吧～依舊門前人龍長長，男女老幼都有。由於摺枱數量少，也要等上好一會。來得吃地道粉麵，搭枱、坐得較迫較親密，也是常識吧。20分鐘後，終於有位，環看店員們都很趕很趕般這樣。群記主打爽腩、肥瘦牛腩。還是鍾情爽腩，叫了一碗爽腩河。份量滿意，爽腩滿滿的。而口感一直是叫座原因，名副其實，爽！筋膜件件都爽滑，而且肉質不粗糙、軟身不韌。反而湯底有點混濁、觀感一般，而且牛味非常淡、不濃郁。

睇完雜誌介紹～今朝專誠响九龍揸車入去排隊買俾屋企老人家食。排頭三個等咗半個鐘先開門，到我買淨清湯腩先同我講唔可以淨買清湯腩走，只可以買牛腩麵。明明只係响餐牌注明爽腩先唔可以外賣。態度勁差咁趕我走，離哂譜月頭雜誌又可以用$150 & $130蚊買淨爽腩及清湯腩返去做比拼既？如果唔外賣淨牛腩，就唔好登價錢啦～ 誤導人比我感覺根本就係俾錢做廣告同宣傳，咩比拼呀？吹哂水咁～ 爽腩唔係唔可以外賣咩？唔買就晨早講明唔做外賣呀～ 雜誌可以買，普通人就買唔到～堅哂大離譜

突如其來想起這家有名牛腩的起心肝去排隊吃就在門口碰到一位食神食神指點我們迷津一坐低我們點了 四碗爽腩伊面在牛腩麵店 很少吃湯伊面是嗎他卻說任何地方都不用吃只有這裏然後另加了兩碗牛臉珠河群記吃的真叼轉牛鞭、牛臉珠、別人沒有的他都有別人有的他做得更出色牛骨湯非常可以下次腸胃還有空間還可以試試牛筋難怪雖然小小店面在大埔 也有咁多人特登進來排隊幫襯 我們四個人大約排了15分鐘一直吃魚也很喜歡吃魚臉珠現在再加個牛面珠 好正啊嫩滑香

嚟咗呢度10幾年。第一次黎係因為阿媽迫左我過嚟，自己對牛腩河冇乜興趣不過阿媽對佢非常推介我就試吓啦。一試就不能自拔。以前啲清湯腩清湯味好濃，同埋d腩肥瘦適中，價錢都好實惠只係大概$30。因為經常唔喺香港，一返到香港就回去食牛腩河。最初嗰10幾年都OK 㗎係近呢幾年我發覺佢有啲轉變。第一嘅大轉變就係價錢，有30多塊錢轉眼間變成多過$50。呢個價錢真係有啲貴，但係為咗心愛嘅清湯腩我都食啦。入去食我發覺啲湯冇以前咁龍嘅味道，而且飲完之後口會有啲一口喝我諗應該有少少味精啦。牛腩叫半肥瘦時好時唔好，因為有時煮得太林我就唔係咁鍾意。叫爽腩就一如以往咁好。其實比起我食過咁多間牛腩河，呢間算係早食㗎啦。雖然加咗少少味精有啲失望，但係仲係我食過最好食㗎喇。冇辦法啦！

這間店通常會同港島區嘅知名清湯腩店比較，我也不例外，這間店最重要的正如標題所示：質素！去了這間店不下數10次，而每次都不會令我失望，反之就偶爾有失準的情況！每次都會叫爽腩河，但其實並非全爽腩，而係每樣都會有少少，牛肉甘香，湯清得來又濃郁，河粉唔算太索湯

聖誕放假大埔掃街之旅第二站，群記清湯腩。其實本來沒想過“一定”要吃的，畢竟剛吃完Pizza，但實在是太多人排隊啦，基於“人排我又排”的原則，我地都唔執輸地排埋一份，實行試下係咪真係值得咁多人排，反正咁都算係掃街的樂趣啦。坐低之後發現每人有最低消費43蚊，即係基本一個人要吃一個麺啦，然後又發現呢度可以“牛腩如要肥、瘦、腍、唔太腍，請盡早揚聲，爽腩除外”，wow，都幾details噢。清湯牛面珠米粉，點呢樣完全係出於好奇，咁大個人都未吃過牛面珠，除非吃咗我唔知，點都要試一試。牛面珠超級軟腍，入口即化咁滯，而且牛味超濃，。湯底一開始飲的時候其實沒太大味道，但配住肉同粉一起吃，會越吃越滋味。清湯爽牛腩河粉，點呢樣就係出於佢位於餐單第一順位，而通常擺第一位的都會係招牌菜，加上左右附近的食客們個個都係點呢樣，唔點唔得。食落味道也不錯，不過可能吃咗牛面珠太太軟熟，反而襯得個爽腩有點柴，個人覺得還好。從我12點幾第一次經過舖頭門口已經見到門口條隊，到我地吃完第一餐再來吃第二餐，到快4點吃完第二餐離開，門口條龍一直都在，生意之好可見一斑。

日日工作都咁忙，好不容易有半天的休假，真是偷得浮生半日閒，決定到新界走一敞，當然不忘找找美食🤤已經聽朋友說了好幾遍，最好味嘅牛腩唔係喺中環，而係喺大埔，他就是”群記清湯腩”!只此一間，別無分店。聽聞這店係需要排隊的，所以我哋喺佢開門嘅時間附近就到達，好好彩等左2分鐘就有位啦。我哋叫咗佢哋招牌嘅爽腩米，牛面珠米，同埋一個郊外油菜。第一啖當然要試吓佢哋嘅湯底啦，好好味，好有牛骨嘅香味，但係一啲都唔覺得肥膩，果然係熬了一個通宵嘅精華，且一點味精都沒有 (因為全餐飯冇叫飲料品, 但並不覺得口渴)。試吓佢哋嘅牛腩，我呢碗係有少少肥，不過佢哋有提示，要瘦、要肥、要腍、要早揚聲啊! 雖然少少肥，但係好爽口，好有牛肉味，唯獨是覺得有少許韌，不過還可以。至於牛面珠，應該生平係第一次食牛嘅面珠，質感非常好，腍但有咬口，有少少牛嘅膻味，個人非常喜愛食牛，所以冇問題，不過怕膻嘅朋友，建議可以加小小辣椒油，非常惹味，他們的辣椒油亦不太辣。不知道是不是新界嘅關係，他們的油菜特別鮮甜，食完佢哋嘅油菜之後都忍不住去街市買咗啲菜心返屋企。還有很多評論說態度不好，個人認為非常好，當然不會期望五星級酒店的服務，要知道係小

長期排車龍既群記係我每個禮拜都要留下腳毛的地方食物質素之高冠絶大眀里，湯底濃厚鮮甜，肉質彈牙，每次都忍不住要叫多一碗外賣才夠滿足，雖然做樓面的員工位位都是性格巨星，但因為食物太出色所以還是吞聲忍氣地幫襯

大埔墟老街坊但是沒有去群記好多年了因為每次經過不是末營業， 就是門口排了長長的一條龍今日經過望這裏面有位， 我入去坐低叫了一碗牛腩河和一支細可樂群記面積很細， 只放得下大約四張枱和兩張 二人枱， 就像小朋友坐的二人枱， 比較迫清湯腩原來加價到50元. 好貴呀， 真是只能間間間中來一次先飲一啖 牛腩湯， 聽聞他的湯沒有加味精， 真的很鮮味， 牛腩河上枱了牛腩算多， 入口比較淋， 新鮮嘅牛腩肉汁填滿口腔， 真的不錯食完這一餐不知又要等到什麼時候再來幫襯， 因為講真5O元 一碗牛腩河真係消費唔起

群記清湯腩一直都好出名，每次經過都見到人龍，幾年前已經慕名而來，第一次食既時候對個湯最深刻，有牛味又清甜，牛腩鬆軟好食。不過事隔幾年，覺得湯底不如以前。清湯變得肥膩，雖有牛味但欠清甜。河粉份量偏少，爽腩反而較多。至於爽腩的一塊塊薄薄筋膜，依然煙煙韌韌，爽而脆。爽腩河$58