老三炒麵

Open Now

Now Closed

熟人可以隨便打尖，等時間超長。你以為條隊唔係好長，開始排隊，排到你，只要熟人一個電話打落黎比老細，6份直接打你尖，又唔可以一次過哂單，焗住你排喺度等落單，熱到飛起，排第一都無用，打尖最少等多半個鐘。永久blacklist，佢地咁中意做熟人生意，就等啲熟人自己撐起佢地啲生意！ 成條隊眼超超老細都無理過。一共等左1個鐘10分鐘，唔打尖就40分鐘，熟客落黎仲可以企係度慢慢諗自己叫乜醬，老細停哂手唔炒等佢諗。

#MC帶你去西灣河太安樓被譽為香港版小士林之稱，實在太多美食要介紹，今次依檔係小編必食推介！✨ 老三炒麵老遠就已經知道佢有無開檔啦，因為即叫即炒嘅油鑊聲真係佢招牌嚟，鑊氣十足🔥而且愈夜愈多客人排隊添，可想而知，依檔炒粉麵一定有質素保證💯✨ 即炒粉麵首先可以選擇麵底（河粉、米粉、油麵、幼麵、腸粉、銀針粉、烏冬、辛辣麵），然後再自行揀配料。不論麵底或者配料都相當多選擇，最推薦炒腸粉👍🏻一嚟腸粉最易上色入味，二嚟鑊氣配腸粉無得輸！唔想諗嘅就可以直接揀「特色雜錦炒麵」，配料乜都有啲，樣樣都試到👻✨ 特色雜錦炒腸粉 配 XO醬 $38雖然啲配料主要都係肉碎、火腿、腸仔、蟹柳依啲簡單食材，但即場炒一炒，加埋調味，瞬間有種啫啫煲仔菜嘅火候、味道、鑊氣，簡單嘅炒粉麵都變得好好食😋.✨ 總結值得一讚嘅係，早排開始無用發泡膠外賣盒，轉用紙質依隻外賣盒，就算路途遙遠，保溫還可以，而且又環保啲添。.⭐整體︰8.0/10⭐食物︰9.5/10⭐環境︰6.0/10⭐價錢︰9.5/10.==============================📍 老三炒麵 (西灣河)地址：西灣河筲箕灣道57-87號太安樓地下A2-

買完嘢飲見到有間即叫即炒麵，唔知揀咩就嗌咗個雜錦特色炒麵轉腸粉，乜都有啲，揀咗XO醬，即叫即炒，落完單之後就企喺度等師傅炒，睇佢即場表演😂😂原來呢間鋪都開咗好耐,只係改咗名,之前係”特色雜錦炒麵”————————————————————————特色雜錦炒腸粉$35 即叫即炒，好有穫氣👍🏻調味啱啱好唔會太鹹😋有好多唔同嘅材料，仲有少少洋蔥🧅芽菜同椰菜絲，增加口感，份量都算多，兩個人食啱啱好👍🏻————————————————————————整體來講，$35食個即炒嘅麵，仲有咁多材料，好抵食，晚餐食一個已經夠晒皮👍🏻