老北京餛飩皇

Open Now

Now Closed

店內環境乾淨企理,衛生都非常好,服務員態度友善,上菜時間快海蜇頭酸酸辣辣幾開胃,作為前菜非常推薦,但口感比較硬,餛飩皮算薄餡整體黎講,以一個平民價格嘅店黎講,相當不錯,值得推薦。

餐廳環境簡約乾淨明亮，位置亦都唔會太擠迫，用餐體驗唔錯。我哋一行人叫咗一堆嘢食一齊分，當中就嗌咗糖醋排骨、一碗雲吞、煎水餃、海蜇頭、一碟炸醬麵同炸雲吞。糖醋排骨酸甜度適中，唔會太油太膩。雲吞用料足，連埋湯汁一齊食真心唔錯。煎水餃十分酥脆多汁，外酥內軟，配埋佢本身比嘅醋會更加惹味。至於海蜇頭就非常爽口，香辣過癮，辣度亦都唔會過份嘅辣，即使係一啲平時食唔到太辣嘅朋友都可以試下。炸醬麵醬咸道醬量適中，食落去亦都唔會太過干。成餐最好食嘅就係炸醬麵同煎水餃，唯一可能話美中不足嘅就係炸雲吞，食落去有少少乾，比起其他食物可能就略遜一籌。總結而言係一間唔錯嘅餐廳，食物份量適中價錢親民，食物質素亦都對得起個價錢

今日放假同朋友一齊做完運動見肚餓，又唔想食得好肥膩，就選擇左黎呢間餐廳食水餃我哋一行兩個人叫咗兩碗薺菜水餃，一碗水餃有10隻，另外加咗一個面底，薺菜水餃好食，餡料夠結實，肉嘅份量都算多嘅，餃子跟嘅一碟蒜蓉醋用黎點餃子勁好食，我另外自己加咗啲辣椒油落去，食落酸酸辣辣好開胃😋😋個面底嘅湯底就比較淡口，我自己加咗少少豉油同辣油先好啲餐廳三點至六點有下午茶餐，下午茶餐係比較抵食嘅，不過我哋冇叫到，大家可以參考吓下面嘅圖片，下午茶餐有小食同嘢飲跟先至貴$5 ，之前都有飲過佢嘅豆漿，不過後來見豆漿係裝好一杯杯就咁雪落雪櫃，就覺得唔係太衛生，所以之後都唔夠膽叫🙈

點左鮮雲吞 招牌蒸餃 肉唔好食 野食差 服務態度更差 由其帶眼鏡收銀員 外賣想轉堂食 話用外賣盒上？？？兩蚊者 你可以收 唔使甘悔氣 但野食難食仲甘嘅態度 雲吞肉難食點做招牌？野食難食仲甘嘅態度

野食分量夠，本來叫咗小食以為會好辣，點知辣度竟然啱啱好，而且非常香，真係好好食!而且上菜時間亦都好快，啱啱落完單冇耐就到，今次去老北京餛飩皇叫咗店裡面唔少野食，拉皮辣辣地非常開胃，小食叫咗個海蜇，海蜇嘅汁亦非常開胃，非常適合作為前菜，而個烏雞燉人參湯亦都非常足料，而個煎餃都ok好食,店裡面嘅衛生都非常好，店員都好熱情，以一個平民價格嘅鋪頭黎講，非常推薦。

店內環境乾淨企理，服務員熱情招待，態度良好。食品質素非常不錯，特別是烏雞燉人參，湯非常入味，而且足料，份量充足。小食叫了海蜇，香茅雞翼，脆皮炸小餛飩。海蜇既汁都幾開胃，咬落去爽口彈牙，好適合做開胃菜，至於香茅雞翼，雞肉嫩滑多汁，個皮好香。炸小皮薄香脆，配合附送既汁，同個餛飩好夾，咬落去有甜酸之後有種肉既鮮香。另外仲叫左碗麻辣涼拌大拉皮，辣度唔算啦，普通無食開辣既人都接受到，不過份量就掙左d，粉皮好有彈性，食落去好爽口，又有個種湯汁既麻香味，令人一淡食完又一淡，好過癮。整體黎講，環境同食物質素都相當不錯，價錢系尼區黎講系非常抵食，價錢親民，系良心餐廳。值得推薦

原味鮮肉小餛飩15粒29元或20粒39元，但我通常都叫20粒先夠滿足，皮超薄又超滑，鮮味又可口。涼拌極品海蜇頭$28有啲失望，有啲口感比較硬，但佢嘅汁唔錯幾開胃。但佢下午茶好抵食33元有四款主菜可選1.小餛飩（原味/韭菜/粟米/薺菜）2.招牌蒸餃五隻3.酸辣醬湯麵或米粉4.北京炸醬麵再有四款小食可選：1.涼拌雲耳2.老北京茯苓餅2件3.北京奶油炸糕3粒4.脆皮炸小餛飩5粒再加埋嘢飲酸梅湯可樂或新鮮豆漿

聽名字「老北京」餛飩皇，似乎是食雲吞，但餐單原來十分豐富，份量又足料，性價比高!我已叫過兩次黑醋一字骨飯，第二次並加了排骨松草花湯，太太十分滿意。牛腩飯或香茅雞翼飯都煮得稱職，40多元在今日香港真的很便宜，還可以加6.3塊追加豆漿。涷豆漿的甜度適中，不會太甜。另外我叫過花生醬伴麵及小餛飩，花生醬伴麵即擔擔麵，麵條有彈性，但外賣送到時黏在一起，要混入餛飩的湯伴食才能化開。兩次買外送都有送特色小食，展示誠意，第一次送手拍青瓜，第二次送涼拌雲耳。不錯的小食，當宣傳也很有用處。這小店值得支持。

次次有驚喜！！次次有新意！涼皮很清爽，肥牛酸辣四色米線太好食啦！ 辣得酸爽。 越食越上癮，越食越想食，越食越好食。 海蜇頭實在令人印象深刻！眼前一亮！！！爽口彈牙又多汁！！！ 回味無窮！齒頰留香！！真係好好食呀！！！！！

無咩胃口，都唔知食咩好....原本諗住揸車落去旺角食個糖水就算，點知經過哩間老北京，吸引我入去幫襯！吸引原因係.... 反正無胃口又唔肚餓，食碗餛飩算！點知.... 睇個menu反而愈睇愈肚餓，於是點咗兩個套餐，一款係薺菜水餃，問炸醬麵辣唔辣，唔辣！於是叫咗一碗.另加海蜇頭，雞翼同秘制牛腩.我未食過薺菜，食完個薺菜水餃之後，都食唔出有咩薺菜味....樂觀D睇，可能薺菜唔係自己杯茶，食唔出係好事！水餃嘛... 用料都算充足，而皮比廣東水餃略厚DD.炸醬麵似擔擔麵，口感彈牙，有點花生味，配料嘅花生香脆無過氣，滿意！我怕食D過咗氣唔脆嘅花生！秘制牛腩尚算入味，唔韌，只係份量略為偏少.最後係海蜇頭，超超超爽口，係最滿意一環.唔好食太飽，因為留肚食糖水！

同朋友去旺角買嘢，晚餐時間周圍都好爆，咁啱經過呢間舖見到有位就直接入咗去，店舖尚算乾淨企理。我同朋友一人叫咗一個面，我嗰個係蔥油拌麵，佢係炸醬拌麵，另外再嗌多一份湯餃子同埋小食海蜇頭。麵質做得唔錯，有咬口，蔥油好香，送面一流，佢做得幾好地方係蔥油唔會份量過多，啱啱好，食落唔會感覺太油膩。朋友個炸醬麵我都食咗一啖，炸醬好入味同時唔會太鹹，可惜兩個面嘅份量都唔多，正常男人食量應該唔夠飽如果食一個面的話。餃子好普通，皮尚算薄，但味道唔會太出眾，有啲失望。海蜇頭可以一試，非常爽口，調嘅醬汁亦都好開胃作為前菜非常適合。

宵夜時間當然肚仔餓，打開foodxxx 外賣大概20幾分鐘送到。有d美中不足，就係因為時間關係面發同埋餛吞皮爛，但不太妨礙口味，小餛吞湯底酸鮮有味，加醋一流。炸餛吞中規中矩，香口大小適中。花生撈面不過不失，花生醬係現成，並非什麼自家制作，份量有返咁上下，價錢好抵，最重要我找回了兒時的熟悉的味道，一邊食一邊諗起以前⋯⋯突然淚流滿面😭，其實咁嘅價錢，咁嘅質素值得去食。特別係鍾意餛吞餃子類朋友，一定要試下！

是晚點了五樣食品如下- 蒸酸菜餃子： 除了少少酸菜味，完全沒有肉鮮味，皮也是糊的- 海蜇頭： 硬過吃豬軟骨- 炸醬涼拌大拉皮：完全收得皮！啲粉皮糊到幾乎溶咁！- 黑醋一字骨飯：最食得落係隻配送鹹蛋，個骨的肉柴晒硬過石頭- 最正常係個排骨燉蟲草花仲見到佢地處理外賣係放晒係地下等派送員結論！此店black list

1）老北京蒸餃 $29蒸餃比湯餃好味在於保留肉汁同時保留左餃子皮嘅煙韌，好似小籠包咁🥟餃子皮薄得來好有咬口，肉餡結實瘦肉居多，無點摻入肥肉入去充大佢。唔會食到成口油咁，咬開仲有少少肉汁。點上特製嘅醬汁，微微帶酸甜同豉油嘅鹹香，整體來講唔錯。2）驢打滾 $10其實佢係好似紅豆糯米糍咁，但係就係糯米卷住豆沙❤️但呢個價錢係唔話得😂一人份量大約好似四粒糯米糍咁嘅size，都幾頂肚。表面仲有類似黃豆粉，只係中間紅豆餡略嫌唔夠多。

餛飩嘅餡皮分離⋯呢個情況真係衰過我自己係屋企睇youtube學整嘅餛飩。但個湯底係好飲嘅只不過餛飩舖嘅餛飩都咁樣⋯都係算啦～而且價錢都唔係平。單純覺得呢間舖有好大嘅進步空間。