老厝邊

Open Now

Now Closed

這里的服務生這麼不收斂，笑聲比客人談話聲都大，叫了好幾聲都沒人理，只會在那邊說笑，生為香港本地人難道不知道要小聲說話嗎？真給香港人丟臉，手機都沒離開過手，一只手出餐一只手還拿手機，真的很無語，希望能馬上改進，雖然服務不好但是食物味道還不錯，希望員工態度能儘快改進，不然不會幫襯第二次，都是年輕人怎麼都不懂禮貌呢？

荃灣大壩街有好多食店, 今次揀咗 "老厝邊" 呢間台灣菜試下, 價錢實惠, 裝修都幾特別, 有啲懷舊feel🤭🥔經典滷味拼盤 $68拼盤有豬耳、豬大腸、豆乾、海帶、滷蛋, 第一次食鹵水海帶, 好入味, 唔錯！各樣食材都滷得入曬味, 但又唔會過鹹👍, 滷汁做得好好🥔滋補藥燉排骨湯 $48餐廳用上一字骨, 有四條, 分量都ok, 湯裏面有杞子、紅棗等藥膳, 有啲似肉骨茶嘅味道, 排骨燉得軟淋入味😋, 不過湯鹹咗啲😬🥔紅蔥油雞肉飯 $45完全唔覺有蔥油🤷, 冇蔥油汁基本上食白飯, 雞肉有啲雪藏味, 要喺醃肉方面再花啲功夫, 可能冇醬汁或蔥油嘅情況下, 更加突顯咗雪藏味🥔麻醬雞肉涼麵 $50麻醬涼拌麵有雞肉、紅蘿蔔絲、青瓜絲、蛋絲, 涼拌醬汁就由; 醋、豉油、花生醬打成, 酸酸地, 冰冰涼, 夏天食好開胃, 雞肉撈咗醬汁一齊食, 將少許雪藏味都掩蓋咗👍

呀妹話想食台灣菜，每次我都會揀老厝邊有時會外賣返屋企～不過今次終於拉到我妹出門食🤤🛎 $46 香蔥油嫩雞乾拌麵上台時已經撈好左蔥油，加上鋪滿炸過既蔥絲，全方位都聞到蔥油香麵質軟硬適中👍🏻嫩雞都冇呃人，食落係好滑既雞胸🤤🛎 $42 超濃芋泥蛋餅蛋餅簡直係台灣菜必叫呢個價錢有兩大卷蛋餅真係好抵食餅皮煙煙韌韌🥰香甜嘅芋泥，配搭鹹香嘅芝士🧀️出奇地夾點埋醬油膏都唔錯🤪🛎 $32 香炸花枝丸有成十粒咁多外脆～內彈牙🫶🏻🛎 $45 麻醬雞肉粉皮粉皮好滑☺️☺️☺️夏天食呢味真係爽爆！雞肉同拌麵啲雞肉一樣係嫩嫩的配上青瓜絲同麻醬，清涼感🆙🆙🆙🛎 $23+3 鐵觀音奶茶+愛玉呢到都有好多台灣手搖揀清新既可以揀柚子/爽口系列想有啲咬口既可以揀珍珠系列仲有得加椰果、愛玉、仙草等等既配料😎我呢杯鐵觀音奶茶奶味同茶味幾均衡😚唔會搶味，亦唔會太澀👍🏻🌐 環境/服務呢到係有二樓架✌🏻✌🏻✌🏻地方都幾大裝修都好有台灣既古草風味🥰

老厝邊係台灣指老鄰居所以舖頭裝修都充滿住台灣特色成日見到呢間餐廳夜晚大排長龍原來午市都一樣唔野少因為價錢完全對得住個價錢味道完全滿足到我對台灣口味嘅期望見到隔離枱食排骨便當超大碗同自己講下次嚟一定要食🍱麻辣半筋半肉麵份量十足淨係食一碗加杯嘢飲已經飽到夜晚牛𦟌同牛筋各有三大舊滷到入味而且炆到好淋好味湯底係重口味之選唔算好辣大腸麵線同喺台灣食嘅差唔多嗌碗細份嘅加個起司肉鬆蛋餅就啱啱好個蛋餅有好厚嘅芝士同肉鬆比我印象中嘅蛋餅有更加多餡另外嗌咗份鹽酥雞有幾塊九層塔🌿台式嘅炸雞同日式唐揚炸雞唔一樣佢嘅味道偏鹹唔會甜亦唔會有雞皮愈食愈掛住台灣嘅夜市🥹嘢飲嗌咗珍珠鐵觀音奶茶同蜂蜜綠茶套餐基本上都連埋嘢飲珍珠係大粒嘅可以揀返冰同糖嘅份量整體嚟講呢個價錢食一個午餐真係非常超值同食過返尋味難怪有咁多人排隊

麻醬雞肉涼麵🍗🍜 $50美味指數：👅👅👅👅👅 (5/5)涼麵好彈牙，側邊有大量既青瓜絲同蘿蔔絲，雞肉幾嫩滑，配埋濃濃嘅麻醬🥜，口感豐富得嚟又開胃🫶🏻經典滷味大拼盤🍛 $68美味指數：👅👅👅👅/👅 (4.5/5)拼盤裡面有各種滷味，真係好豐富！有豬腸🐷、豬耳、豆乾、滷蛋🥚應有盡有，每樣都好入味同多汁👍🏻滋補菜燉排骨湯🍲 $48美味指數：👅👅👅👅 (4/5)排骨燉得好嫩，湯底夠鮮甜，仲有唔同嘅蔬菜係入面🥦，飲完好暖胃🩷🤰🏻紅蔥油雞肉飯🐥 $35美味指數：👅👅👅👅 (4/5)雞肉唔會話好肥，鮮嫩多汁，配埋香氣十足嘅紅蔥油，味道十分濃郁，如果多返啲汁就好🫡

自年初開關後，身邊朋友唔係飛歐洲就是日本，連社交媒體都不停推薦我台灣美食，睇到我心癢癢，即使喺香港都要先食餐好嘅止止癮，平衡一下心情。芋泥起司蛋餅 $42蛋餅有好多唔同口味，第一次當然要試吓個招牌；芋泥份量多且綿滑，略嫌有少少自己唔太偏好嘅香精味，好在有海量芝士同肉鬆搭救，再點少少醬汁味道更上一層樓！好呷炸物拼盤 $50拼盤有齊花枝丸、甜不辣、四季豆同玉米筍，全部炸得香口乾身，加上味粉，惹味好食。香噴噴炸雞排便當 $70一嚟到第一個反應係：超！大！碗！除咗雞排外仲有三款伴菜，分別係蒜蓉西蘭花、肉碎茄子、大豆芽，仲有半隻滷水蛋，食一啖都好豐富，肚餓時食非常滿足。招牌牛三寶麵 $83牛肉麵有紅燒湯/麻辣湯/拌麵三款選擇，初嚐還原基本步試紅燒口味，三寶為牛𦟌、牛筋同牛肚，全部滷得入味，不過坊間有唔少專注做麵的比其突出，整體不過不失。價錢唔貴又大份，難怪人龍不絕。

個名幾特別🤔見又有分店，價錢又唔算貴🙆🏻‍♀️可以叫多幾款試下😆💫綿綿芋頭鮮奶$30 超級好飲！！夠曬香又肥🤤唔會加太多糖，用新鮮牛奶，d 芋泥嘅口感適中，甜度啱啱好，仲要係多芋泥！💫香葱油嫩雞乾拌麵$46 個葱油勁香，食落口但唔會成口油!佢嘅雞係慢煮雞肉，完全冇overcook 👍🏻💫 超濃芋泥超司蛋餅$42 第一次食甜嘅蛋餅，比我想像中好食😋芋頭唔會太林，仲有d 芋頭粒，口感好好。💫塔香鹹酥雞$39 個炸粉唔會厚，而且放耐左都好脆🤤🤤🤤唔會太油👍🏻💫台式蒜片香腸$ 35台灣野黎講性價比好高！

老厝邊 (荃灣)荃灣大壩街25號地舖荃灣廣場附近嗰條街，好多嘢食嘅大壩街，記住25號，行到去街尾左右，特色台灣嘢，價錢相宜，牛肉麵雞扒蛋餅都好好食。餐廳裝修光猛，有兩層，平日夜晚六點零唔使等好耐都有位入，一坐低已經聞到隔離嘅排骨雞扒飯，好香好想食，但係又好想食牛肉麵，糾結咗好耐。最後都係食返每次嚟都要食嘅牛肉麵，吸引之處係牛肉唔使用力，肉同根已經可以分開，佢仲有一舊蘿蔔做配菜，同樣係炆得好淋，唔使用力都可以分開，面質比較淋，湯底濃，唔油味道有層次。另外又係有個必食嘅蛋餅，可以拉絲嘅芝士加粟米，簡單嘅芝士粟米，兩邊都煎脆過嘅蛋餅，加埋特製嘅醬汁，冇得彈。食台灣嘢一定唔可以錯過呢間，見佢越開越多分店，大角咀銅鑼灣都有，幾時港九18都有，極推之選，仲要唔使+1架。不過大壩街啲嘢食其實都係唔使+1，可能這就是荃灣大壩街的傳統。

某日經開荃灣見到呢間人氣台式小店入去醫下肚🥢💖絕對真愛雞滷便當🍱（$68）有幾真愛，睇過？😆雞肉滷肉就都係果啲味~ 特別位係加左煮冬瓜+小弟最愛嘅窩筍😛但就略嫌汁太多搞到碗飯好濕！我原先以為係好似火車便當咁木盒上🍱點知便當係大碗飯「便丼」🥣超濃芋泥起司蛋餅🥞（$40）台式野，點可以唔食蛋餅呀？冇諗過芋泥出奇地同蛋香味係咁夾，算係幾有驚喜！古早味冬瓜茶☕️（$18）果日我唔想飲凍嘢特別係有奶嘅嘢「那簡單，卻又幸福的味道」岩哂我心意～整理感覺：🌕🌕🌕🌕🌑設有閣樓座位，鋪仔黎講算幾特別～店員妹妹同人地講國語似真係台灣人🇹🇼🧒🏻唯獨個便當就略嫌普通😕是次人均消費：$90（3條麻甩佬人頭計👦🏻👦🏻👦🏻）

朋友最愛吃台灣美食，這亦是他必吃的店，看到全店滿坐，行開附近入去吃，高質感動～舊鄰居之感覺，店員友善，長知識之一天。旦餅和愛玉，是朋友最愛吃。掛住旦餅，吃完會再想吃薯餅起司旦餅因為自己愛吃薯餅，很快決定點之口味，美味芝士又咸又甜。要熱吃喔，感覺棒人多可以叫兩份旦餅吃，因為味道真的不錯～愛吃。店子入面亦有有鹽酥雞，魷魚，花枝丸，甜不辣，四季豆，玉米筍，樣樣有！下一次吃好了藥膳排骨湯米粉大份，藥膳排骨上枱，會嘩一聲～因為味道很香口，藥膳排骨多，吃落有肉汁 飲品不過不失的感覺，值得讚是份量大杯，棒酸甜蕃茄雞肉涼面涼面面條口感滿滿，蕃茄鮮甜，雞肉非常的嫩滑，夏天沒有想吃飯，吃點酸酸甜甜，即食雞胸之口感，不錯。強烈推薦薯餅起司旦餅，煙韌旦皮香脆的薯餅，拉絲起司令人喜愛，要加蒜蓉甜醬油吃！蜂蜜愛玉紅茶不會很甜的，天然純愛玉味道，吃下旦餅後，紅茶的檸檬味～解油膩喔。秒殺秒殺～～凍飲以夏日來說很好。

心血來潮，好掛住D台灣美食🥺好彩行過附近見到呢間老厝邊，之前喺大角咀都食過，原來荃灣都有分店！嗌左個滷肉飯(小）$34, 但份量一D都吾小😂魯肉汁撈飯真系不得了❤️食吾停口皮蛋九層塔起司蛋餅 $36 見到Menu 話系新品，同埋個配搭咁特別，就一於嗌份試下先～結果系…有驚喜😋幾好食，九層塔味好出，台灣菜我最中意有九層塔嘅配搭！食台灣美食，點可以少得嗌返杯肥仔水呢🤭我揀左杯綿密芋頭鮮奶 $30 呢間老厝邊嘅價錢都好抵啊，味道又夠哂地道🇹🇼

好耐無食滷肉飯，試左幾間都係覺得老厝邊好味啲，價錢都好平民。👉🏻雞滷飯見到呢個新菜式一於試下。本身以為係雞肉飯+滷肉飯，原來雞肉係切片嘅，係雞胸但唔會乾，反而幾軟滑，比起普通滷肉飯無咁多汁，感覺上清新健康啲。👉🏻起司肉鬆蛋餅第一次食呢款芝士肉鬆蛋餅。肉鬆好多，食到濃郁蛋香，明顯比其他口味蛋餅多左蛋味。呢款真係好出色必叫。👉🏻香噴噴炸雞排同菜名一樣，炸到香噴噴脆卜卜，又勁大塊，二人分享綽綽有餘，滿足滿足。

荃灣不嬲都多野好食咁岩今日唔係好肚餓行左好耐見到呢間唔洗排隊又可以小小地咁叫, 就決定入去試下我地叫左個花雕醉雞、薯餅起司蛋餅同埋一個香酥炸排骨另外叫左個珍珠奶茶同埋芋頭鮮奶以為份量唔會好多點知都食到好飽阿花雕醉雞酒味好重, 雞肉滑捋捋,又香又滑薯餅起司蛋餅一路都好想試, 黎到d芝士仲拉到絲薯餅又係我鍾意既野食!正!香酥炸排骨排骨邊炸到脆卜卜, 好脆好香口同埋比想像中大份!本身諗住食小小咁叫, 點知塊排骨太大份!連埋野飲總數$177

今日約咗朋友喺荃灣食飯，揀左荃灣廣場對面嘅呢間台式小店，裝修非常懷舊，真係好似去咗台灣一樣我哋叫咗四樣嘢食，款式都幾多選攞，價錢貼地，而且份量好夠，性價比非常唔錯～🔸半筋半肉麵 （$76）牛麵湯底非常濃郁，牛肉燉得非常淋，而且好入味。，麵質都好有口感，推薦👍🏻🔸經典滷味大拼盤（$68）滷味款式好多，有豬腸、豆腐、豬耳等等，味道夠香，而且好入味🔸花雕醉雞（$46）非常有驚喜，估唔到佢係將雞肉捲起，再切做一片片，絕對係功夫菜！！🔸燙青菜（$24）因為想食啲菜就叫多咗個菜，但係呢個菜都絕對唔啱馬虎，淋上牛肉汁，好好食

今日行完荃灣廣場嘅一田百貨，就去左附近條美食街搵野食。發現有間台灣小店，樓底勁高，有2層，懷舊味道，就入去試下。 招牌牛三寶麵超大碗，內有牛展牛筋牛肚雜菜有蘿蔔有蔬菜🥬。 麵夠晒彈牙、湯底夠濃、超有牛味，好好食。經典老味大拼盤有豬耳、豬大腸、豆乾、海帶同滷蛋。豬耳同豬大腸都好爽口。豆乾唔會太硬，海帶好爽口，滷蛋非常入味，滷汁好好味，食物日好快就出到。超肚餓時一定要叫。豬大腸面線豬大腸夠爽同入味，超好味。 麵線煲到剛剛好，食落仲咬到麵線，有口感。湯又夠熱、米線又滑有米味。今日行完荃灣廣場一田，就去左附近地下條美食街搵野食。發現有間台灣小店，樓底勁高，有D懷舊味道，就入去試下。