老地方茶餐廳 (Closed)

晚飯時間, 人流不多。 員工態度麻麻, 食物品質一般,  蒸黃花魚有D「梅」,  非不得意, 無下次。連清抄菜都水淋淋,  一pad野, 有D難食。臨走比錢, 抬頭看counter上貼了一紙告示, 「本月尾結業」, 心諗怪不得, 中伏鳥~~ 

10:00就閂門9點幾先至嚟到，又餓又趕時間唯有極速點餐，點了兩份炒野，星洲炒米，叉燒炒意粉，可能趕住閂門嘅關係，其實鑊氣一般，嚴格來講也不錯的，進度非常好趕得切10點食完。

常餐下午茶沙嗲牛肉公仔麵配粟米火腿奄烈，配了熱檸茶，較入坐位只有微弱冷氣，仲叫咗熱飲，真係邊食邊流汗，平時我習慣坐近中間或門口，冷氣十分勁的，下次黎的朋友要留意一下自己喜歡熱定凍喇。

星期六嘅下午茶，點了一份吉列魚柳配薯條，另外也點了一份雙拼燒味飯，套餐嚟嘅可以有一杯飲品送。先講吉列魚柳熱，辣辣送上，表面上吉列魚柳好似有點細塊，其實識起上嚟非常之飽；雙拼飯又大碟又抵食，價錢真係好平。

🌠呢間茶餐廳嘅燒味真係好好食🌠我覺得佢燒味方面仲好食過炒粉麵🙂今次去食下午茶，叫了🍜叉油雞米🥰今日師父仲比咗油上脾比媽媽🥰叉燒就係半肥瘦😚叉燒肉嫩蜜汁唔會太甜膩‼️(相入面影唔到下面個幾舊雞dd肥肉的叉燒油雞好出色，軟滑又夠味‼️唔會過咸🐸凍奶茶呢度都係好好飲‼️地道茶餐廳真係買少見少😎希望呢間keep住啦💋真心良心茶餐廳一間😍港式茶記真係愈來愈少疫情期間，辛苦你地了!!!

最喜歡佢啲燒味，親民㗎又抵食。最鍾意食叉燒燒鵝，佢個叉燒特別香口唔會太甜味道啱啱好。 燒鵝就肥瘦適中，最重點係佢啲皮仲係脆。唔會太油膩另外叫咗杯凍奶茶，杯奶茶都唔錯。又未至於話誇張地好飲，正常發揮。嗰日特別肚餓叫佢多飯，二話不說就送到碗。雖然好小事但都睇得出呢間鋪有人情味，夠貼地希望佢哋快啲有網上外賣平台 個啲，咁就可以慳返好多錢唔一定要食貴價野先好食既 。嘻嘻良心推介遲吓試吓佢啲晚餐推介聽同事講小菜唔錯都係$50左右 都幾抵喎。

返工當然要食個早餐先喇，今日去左老地方買我嘅例牌外賣套餐~蕃茄薯仔通心粉併雙熟蛋配牛油多士。拿，呢間舖頭係外賣平d嘅。呢個餐堂食本來係~蕃茄薯仔通心粉併雙熟蛋配牛油方包$30，凍熱飲同價。而我係外賣，本來只係$28，但因為我轉左多士，所以加$1，外賣$29返公司好好享受下先~牛油多士多牛油，正到不得了。本人鍾意食熟蛋，安全又食得放心，老地方真係整到全熟，唔似其他舖頭咁當我無講過。成個蕃茄薯仔通心粉，都好夠份量，以我一個人食，可以lunch都唔洗食。整體而言，我真心like老地方，外賣又平d，野食又ok，係我地公司的早、午及下午茶之選

這間舊式茶餐廳的咸蛋燒雞脾飯算是經濟之選，$42有飯有湯有飲品。茶餐廳罕有地凍飲沒有額外收費。店內座位不算迫，有不少卡位。大玻璃窗也令人感到舒適。上菜時間很快，對趕時間的人來說很合適。不過食物方面吃第一口⋯⋯嘩～外面天氣三十多度，無論飯或餸也是冷的。燒脾正如其他食評所說，很咸很咸很咸！（重要的事情要說三次）當然這個價錢對雞肉味不會有期望，雞肉本身淡而無味之餘口感硬實，只靠超濃的調味料調味。大學食堂的燒雞脾飯也比它的好，至少大學食堂的燒雞脾肉是軟的。

要數茶記，我比較鐘意黎呢間食。雖然人多，但伙記唔會 "詐家依" 收野抹枱趕你走，可以睇埋套劇集才走。有魚頭剩既話，我通常會點沙窩魚頭煲客飯，有湯有飯凍飲又唔駛加錢。魚頭燒得很香，骨頭也燒得很脆，六十零蚊就到到都要。

當日朝頭早去到(老地方)食早餐，我叫咗個牛扒腸仔麵+凍奶茶$29元，牛扒一望埋去，D色水真係掂，好明顯係香煎，而且食落真係有肉汁並非柴皮牛扒，腸仔有炸過，麵條爽滑有彈性，奶茶味道相當到位，而且凍飲仲要唔使加錢，抵讚！

因工作關係 在深水埗吃了一餐快飯 選了老地方解決 見到餐牌上有得選擇燒雞比 想也不想就即刻選擇咗 因為真係好少地方有 上菜嘅時候啲飯都算幾大碟 40幾蚊有兩料 凍飲再加湯 價錢算係咁不過啲食物真係超級咸 連燒肉同埋雞髀都係非常咸 燒肉係好肥 上菜速度好快 成間餐廳差不多都係男士 門口有得泊車

燒味👍🏻叉燒。。。。燒鵝好味👍🏻👍🏻👍🏻小菜都好夠鑊氣🥘🥘好食又抵食😋😋😋😋經常都幫襯，真心推薦！！有興趣可以去試吓😊😊😋😋👏🏻👏🏻

今天晚餐去左家人介紹、嚮黃金商場隔條馬路的老地方茶餐廳。唔知係咪隔住條街，租金平左，所以食品都比較抵食。百二蚊左右，已經有2個小菜/燒味/煲仔菜，加上碟灼菜、2份白份和飲品，轉凍飲仲唔駛另外加錢添。最終揀左椒鹽鮮魷同砂窩魚頭煲，應該是爐火夠猛，師傅又掌握得好，至令鮮魷表面的漿炸到啱啱乾晒身，但內層魷魚仍是很爽口。魚頭煲如一慣常做法，加入薑片一齊煮再焗一焗，僻走了腥味;魚頭及鮨亦很脆，唔多喜歡食魚的我，也食得津津有味!

放假最鍾意來呢度食早餐.港式早餐夠晒風味深水埗來講早餐佢都幾平，而且凍飲唔洗加錢😄好多款揀，自己睇炒小菜質素都唔差不過最近開始星期日唔開..無左個早餐選擇😭😭

老地方經常聽到人哋約喺老地方等，今晚約咗屋企人食飯，媽咪豪氣咁話：老地方等。老地方即係咩地方啊，原來係深水埗茶餐廳。一坐低，侍應已經根據人頭送上例湯，雖然媽咪話麗湯唔係煲得好靚，但係可以飲啖湯水都已經不錯。一行四個人叫個二人套餐＄114 ,真係四個人食都冇問題，有一款小菜，一個雙拼燒味，一碟油菜，白飯兩碗。燒味係一隻燒鵝髀拼燒肉，淨係呢個份量已經覺得非常超值，小菜嘅質素都唔錯。另外叫咗一碟沙拉骨，份量都係好大，味道不錯，肉質嫩滑物超所值。座位就比較親密，都係典型港式茶餐廳嘅格局，但係都幾抵食，難怪座無虛席。