老表雲吞麵

Open Now

Now Closed

真材實料，30蚊樓下有4粒大大粒鮮蝦雲吞同碱水麵，熱辣辣，又有得坐，冷氣又夠，不錯不錯仲有枝裝可樂/芬達/忌廉，玻璃枝裝真係好飲啲姐姐反應又快，上菜都快，最啱趕時間食又可以寫紙仔入箱，唔強逼嘟安心出行

昨日去老友家大圍拜年，行左大大個運，都唔知食咩，最後揀左「老表」食雲吞面，雲吞面店無估唔無牛筋腩，反而有豬潤，即管試試，單併；26、雙併；33、三併：唔記得🤣#鮮蝦雲吞 大大粒，皮薄，無雪味，兩至三粒大蝦，多汁👍👍👍#豬潤 煮得剛剛好，滑而不鞋，無腥味，好食過維x好多👍👍👍#湯底 湯底是雲吞面的靈魂，可惜欠缺大地魚鮮味，失色了👍

晚上回到大圍已晚，想食點麵，來到了老表，發現上一次來已經十年前。記得本來的位置不是這邊，也記得他的雲吞麵叫自己做細蓉，想必大圍街坊都認識的店。以前價錢優惠，現在也在合理範圍內。我知道大圍近年租金不便宜，維持在這價格，也許賺的不多。點了魚餅，雲吞河。魚餅是煎鯪魚餅，就像阿媽餸，街市買的魚肉煎成，調味重麻油胡椒，生粉多，彈而不爽。雲吞自家制，肉餡可以但蝦太霉，三兩隻，有點失望。河粉太粗。辣椒油也是普通貨色。整體而言，記得以前是量大實惠，說不上好味，反正不差。今天是失望的，湯底也重味精，麵底偏少，各種也不如意，但三十元有找的麵也不多了，宵夜來過過口癮也可考慮。

做完yoga同閨蜜share一個牛肉麵加鮮蝦雲吞, 加一人一杯豆漿做宵夜。幼麵好爽口, 牛肉好稔,好大塊, 雲吞好大隻入面有原隻蝦肉, 超滿足😋😋😋豆漿好有豆味, 好飲👍🏻但個麵嘅湯底太咸, 食完要係咁飲野先解到口渴嘅感覺🙊