聖羅蘭 (Closed)

自從嫁後要探親才會再次經過此間小店，不經不覺十多年，每次總會買幾個菜肉包返家做早餐，這家自家製的包包現在很難找得到，大多訂購回來，而這裏的包包外層食落有包味，內裏件肉大大件，而到每年農曆新年都會幫襯的蘿蔔糕，今年也不例外買了3底，幾十蚊底，蘿蔔絲超多，打開蓋己經嗅到蘿蔔香，水準多年冇變，值得一讚！比起其他大牌子絕對不會遜色，個人覺得還要比它們好，包括價錢，不過媽咪聽說這家店子可能遲些不再經營了，如果是真的就很可惜喔！咁……要學定自家製low

尼到啲鍋貼大件夾抵食，次次去親刀買韮菜豬肉鍋貼，舊鍋貼好足料。*^O^*仲有尼到啲砵仔糕好好味，啲豆又多，啖啖豆(≧∇≦)同埋聖羅蘭個位置好方便，係屋企樓下，行兩步就到，尼間野由細食到大，啲食物質素依然甘好，值得一讚

這裡有很多街坊幫襯,因為真係幾平15蚊就好似有4隻(唔記得左)大大隻九菜/椰菜餃咬下去皮會厚一點點,肉汁也不多,但係份量實在驚人,這個價錢,餃內既菜和肉實在很多了味道咸咸地帶一點香料味.平平地買幾隻來食,又真係幾爽.難怪咁多人買

今晚全城蝦佬喂, 蘭桂芳冇得份, 唯有去聖羅蘭大朝聖~曾聽聞聖羅蘭的出爐麵包超好吃, 可惜天色已晚, 只賣剩饅頭及茶果之類的中式麵包...圖文並茂的價錢牌, 大大隻字, 不知是否為方便長者而設... 麵包每個$4.5, 買4個會$17(平$1)...白饅頭-- 皮有點鹹, 白饅頭, 沒有什麼味道, 可能叮過失去水份, 不太鬆軟...黑芝麻饅頭-- 超級香的黑芝麻味, 花卷的做法, 外型像牛角包... 很不錯...紅豆茶粿 -- 外皮軟糯, 紅豆香甜, Yummy...花生茶粿 -- 外皮軟糯, 花生味很香, Yummy...價錢便宜, 份量十足, 這種舊式麵包店買少見少, 迄立太古坊超過十年, 希望十年後仍能吃到它的出品....

一向都喜歡嘗試比較特別少少既包~無論中式西式包點都係~週日咁O岩路經此地見到呢間麵包店，見到佢既中式包點已經吸引到我走埋去睇~我諗左一陣決定買左黑芝麻饅頭同埋蕃薯包，先講黑芝麻饅頭，與其他中式包店既黑芝麻饅頭最大既分別，就係包入面冇餡，但係整個包充滿一粒粒原粒黑芝麻，食落非常香口~甜味亦只不過係饅頭既甜味，非常好食~而蕃薯包食落去既感覺係有陣蕃薯糖水既味~其實味道不濃，亦只是淡甜，而慢慢咀嚼果陣會有陣陣蕃薯糖水味~而且仲有D薑味~HAHA，所以我話十足十蕃薯糖水味~整係影左蕃薯包既相，有機會既話再影返黑芝麻饅頭既相~

13個大洋有3個,拎上手仲暖架...但趕住搭地鐵,結果返到屋企先至食生煎牛肉包雖然凍左但咬落包皮好鬆軟且薄,一d都唔厚~餡料重五香粉味且多,不錯呀!生煎菜肉包包好鬆軟但唔知點解好似比牛肉包的厚,餡料是菜+豬肉,食味不錯而且菜是爽的,有口感喔~蔥油餅脆但偏油,味夠唔會好淡!

聖羅蘭有好多飽飽，我最鍾意佢既黑芝麻包！黑芝麻包，好香黑芝麻味，好好味。缽仔糕，香滑煙韌又唔會太甜。

由係鰂魚涌做野開始..就一直都有幫親聖羅籣由 食到隔離枱同事都聞到香味既菜肉飽開始..幾乎所有野都試過..之後就有段時間無再去~直至佢出現綠色既砵仔糕..而砵仔糕就係佢地既班籣系列既最早產品之後還有馬拉糕、中空既蛋糕..雖然班籣味道唔係好突出(其實同美心既差不多~)但係最欣賞係佢地既心思同人情味當第一次見到D 綠色既物體.. (當時美心都未有班籣蛋糕)只要一問阿姐就會好熱心咁話你知佢地係用咩做架~而且價錢便宜係一間值得再三幫親既好店子而我最鍾意食既就佢地既黑芝麻包, 芝麻味濃, 而且好香口~

無諗過呢間中式包點店,會有斑蘭蛋糕賣。其實睇顏色,都知染色之過。為滿足好奇心,都係買左。斑蘭味已經做得好輕描淡寫啦,個底(說實是焗蛋糕時的面)焗得過火,一朕乾蛋皮味,燶燶地,朕味cover了僅有的斑蘭味。與美心西餅的比較,完全是兩碼子的事。牛肉包,餡很五香粉味,牛肉質地有d似生竹牛肉的滑牛,加鮮牛肉粒。肉汁鎖晒o係舊肉度,反而肉與包之間無汁流出來。味道好好,如果皮薄番d會更好。

最近愛上了這店的包, 每次總是買兩個回家做晚餐 (天氣太熱, 一條友不想煮), 試過牛肉包, 韮肉包, 豬肉包, 素菜包和蓮蓉包, 前三樣是煎的, 所以都幾油, 不能吃太多, 但料多夠味, 正! 蓮蓉包都幾大, 食完都有啲滯; 素菜包是蒸的, 味道雖然較為清淡但都較健康. 全部價錢都是$3-$4, 好抵食個人來說就最喜歡韮菜包, 因為配埋啲肉碎好鬼香! 以後都會試埋其他, 再同大家滙報!

由4年前第一次係早餐時段"聞"到對面枱同事食緊香噴噴既菜肉包所吸引...搞到我係午膳時間九秒九沖落街買返一個黎食~之後 ...我放工成日都會經過聖羅籣門口搭車返屋企近來成日都見到一個奇奇怪怪既砵仔糕...d色好似怪獸d血咁螢光綠色....之後, 我返到office 話俾d同事知, 佢地話可能綠茶味/ 綠豆味黎架啫.....叫我一定要試下...但係我一直都有d驚....有一日, 再經過, 見到佢有芝麻包, 我就第一時間買左一個....一粒一粒完整既黑麻...好香好脆....芝麻包真係好好味...但係又見到果個怪獸血砵仔糕....就順便問下阿姐到底係乜味黎la..點知....原來係"班籣葉"d汁做既綠色砵仔糕.....之前食過班簡葉雪糕感覺唔錯, 所以就鼓起勇氣買左一個...d味道...同想像既有d出入.....感覺同黃糖砵仔糕差不多....但細聞下有小小班籣葉既香氣....最好就唔好睇著個糕黎食....食e個砵仔糕需要一點勇氣先至得

又來中式包點做早餐, 今次簡單快捷買了奶黃包和素菜包各一 ($3 @)。隔了一會才吃, 是以有點出水; 奶黃包尚算足料, 奶黃夠多且不太甜, 比起素菜包只有寥寥椰菜絲和甘筍絲, 又淡茂茂的強得多。如果新鮮出爐吃肯定好好多, 但不肯定這兒的包點是自製還是來貨翻蒸的。環境所限, 這幾天下雨來買就比較狼狽了。

成日買,全家都好鐘意食..又好食又平!菜肉包,生煎包,缽仔糕係推介!蔥油餅同窩貼都ok但好多油下..

外賣包點蕃薯粥($5) - 清清地, 不錯Mantou ($3) - 好大個, 清清地, 好味無糖Mantou ($3) - 好大個, 健康好味菜肉包(#3.5) - 飽皮較薄, 好多菜和肉, 新鮮熱辣, 好味生煎牛肉包($3.5) - OK缽仔糕($3) - 大大件又唔黐口, OK奶黃包($3.5) - 飽皮好厚, 奶黃餡太少, 唔鍾意食蔥油餅($3.5) - 太油又不脆, 唔鍾意食窩貼($3.5) - 皮厚太油, 唔鍾意食

平, 多人買所以新鮮.食味普通, 肉餡麻麻.