聚寶海南雞

Open Now

Now Closed

由搬左去新浦崗返工，呢間已經成為我既飯堂之一，除左海南雞飯做得出色之外，其他食物質素都好高，而且價錢十分合理。今日就order左一個四川回鍋肉。主菜未黎之前，例牌都會有個湯，通常會係南瓜湯或者青紅羅白湯，幾足料，飲唔出味精。主角回鍋肉，碟餸一放底已經有一陣好強既花椒味湧出來，食慾大增，份量非常足，自問自己都幾大食，食晒都覺得好飽。食落唔算太辣，而且有好多菜，中和返D油膩感，係個人幾喜歡既菜色之一。

今日午餐諗住去呢間食海南雞飯。跟住見到佢有個肉骨茶飯諗住試試，個價錢仲要比海南雞貴啲。海南雞賣$43, 肉骨茶飯要$48. 心諗午餐收呢個價一定無伏中。點知泥到個樣成碗例湯甘，有啲腐竹，龍眼，杞子，閒落有陣當歸味，都吾知食緊羊腩煲定咩。我仲同自己講吾係嘅樣衰姐，好食嘅。點知飲落個湯只係普通當歸湯，原全吾係肉骨茶味，啲瘦肉仲要無入味。你收三十幾都無所謂丫，明白將貨就價。但係收成差不多五十食啲甘野！真係嬲嬲豬

係新蒲崗翻工一到lunch真係諗到傻都未諗到食咩！太多選擇la🤦🏻‍♀️🤦🏻‍♀️平時黎到聚寶一定係食海南雞飯，今日就試下佢個水煮牛肉啦。套餐包野飲🍸、湯🍵、飯🍚、餤🥘！個水煮牛肉勁大碗，好似平時譚仔米線🍜一樣咁大碗，全部都係牛肉黎！唔係揸流攤架！牛肉好嫩而且夠辣😚😚😚入面有芫荽、芽菜，太多芫荽搞到牛肉味被遮左。但汁好正，拎黎撈飯一流。個老火湯都好足料，完全唔係味精湯。野飲就普普通通，不過不失la。

午市幫襯，經常要等等位。$42尼個價錢，連埋例湯，另加少許價錢可配野飲，雞肉算嫩滑，雞皮有光澤，帶點姐喱既膠元，肉味五算出，但點埋附上既醬料，扒埋黃油飯，不錯性價比算高，p.s.有迷你麻辣雞煲配埋碗飯，都係$45

本來打算去暌記，不過見佢態度麻麻，唔太想做生意咁！所以喺附近是但搵間食就算門口見呢度有海南雞食吸引咗我入去試呢度環境算ok，店員態度同效率幾好！晚餐套餐頗多餸菜供選擇先叫半隻海南雞，雞切得唔錯，頗滑身，口感ok! 醬汁有兩薑蓉、煮甜辣豉油，特別鍾意後者，好夾個雞，甜辣得宜好惹味再叫過香口嘢- 煎咸魚茸肉餅送啤酒皮脆肉鬆化，好香口乾身唔油膩！一件又一件停唔到口咸魚味好均勻唔咸再嚟香口嘢一人一隻- 大汗烤豬仔髀味道好豐富好惹味，有少少孜然，玉桂，椒鹽味，好有層次肉唔乾身，烤嘅時間拿捏得幾好清清地叫番個賽螃蟹，唔油，料足！瑤柱同蝦唔少，西蘭花爽口，加少少醋好香好夾今晚呢餐好豐富，好滿足，好抵食！老版特意叫我哋試咗個例湯，雖然我哋並非叫套餐，佢照比我哋試！湯清甜、香粟米味，冇口乾感覺，唔錯今晚四餸加啤酒兩支，埋單只係二百多，確實味道ok又堅抵食

成日行過都想試，今日無帶飯，lunch 一於去試下！今次無食海南雞，比佢嘅重慶回味雞吸引左！雞煲平時大班人先食到，估唔到有一人份量！上台個時已好香，食落惹味又夠辣！食下食下送晒成碗飯都唔知！

呢到係我地ge飯堂4人餐，先有一碟海南雞秒速食左一半 雞好滑 d汁都好味 花生好脆！唔係千年花生仲可以叫4個小菜炒通菜 有蝦肓味好香魚香茄子班腩 送飯一流不過有點濃味豬扒，入面有炸番薯甜甜酸酸最後仲有回鍋肉，夠辣，不過有d多油每人$80左右，每次都要打包😁真係平靚正

下午茶37蚊 連湯 凍飲加3蚊雞就真係唔滑架啦但無諗過連味都無反而雞皮幾爽，加返分油飯真係有小小色嘅白飯淡到連白飯嘅白味都無左不過40蚊，仲想點？食飽就算囉會唔會再黎？應該唔會啦！

聚寶海南雞飯，其實感覺上不算乾淨，內裡有凌亂感，而且甚迫。不過，食物質素反而甚有保證，之前食過一次晚飯，貪新鮮叫了碟賽螃蟹，做得甚佳。今次午市幫襯，就食左個水煮牛肉飯。水煮牛肉另外以碗上枱，味道十分爽辣，汁撈飯亦十分過癮，牛肉塊滑嫩帶辛，而且份量很多，那一碗水煮牛肉不斷夾夾夾，在芽菜中仿佛潛左無數塊牛肉，挾極都唔完。有誠意。非常唔錯既一餐。

聚寶既海南雞飯。以甘既價錢黎講，算得上相當出色。雞皮滑，雞肉嫩白，飯是油飯。把雞肉依次點上老抽，薑蓉和蒜蓉辣椒醬拌飯食，或咸，或鮮香，或微辛，好似食緊三碟菜，非常實惠。黎過幾次，聚寶既水準都keep得幾穩定。除此以外，佢仲會附送一碗老火湯，唔係味精湯，都幾好味。

雖然聚寶既招牌係寫海南雞飯，但其實佢有另一個招牌菜色，就係豬仔脾飯。註: 如果唔鍾意食油飯，想食白飯既話(好似我甘) ，記住要同佢講，否則會自動上左油飯一碟豬仔脾飯，呈油亮深褐的醬汁，排列整齊既豬仔脾肉，仲有半隻卤水蛋，份量唔少。挾起一塊豬仔脾肉入口，佢最特別既係豬皮甚是彈牙煙韌，唔會好淋，咀嚼時有咬口，同時底下既脾肉又好嫩，加上醃得入味，就非常之好食.只係豬仔脾飯既水準冇海南雞飯keep得甘好，前排食過豬皮都算軟彈，但脾肉就煮得過了頭，硬左啲，但今日去食又水準回升，所以都幾難捉摸。睇你好唔好彩啦，好彩既話，我真心覺豬仔脾飯好食過海南雞飯。

最近都係中午出街開餐，嚟到呢邊，好多選擇，同事介紹呢間海南雞飯好好食，咁就要試啦四十幾蚊，有湯有飯，份量夠多超飽肚！雖然係例湯，但真係老火，飲完成碗都無話好口渴，味道有啲住家滋潤湯水個飯嘅份量大家都睇得到喇，真係好大碗，一個女仔飲埋湯配埋野飲根本就食唔晒喇~靈魂嚟喇，海南雞~肉質軟滑，雞皮脆口，無過多嘅肥膏，食落一啲都唔覺油膩,配上甜醬油，超好餸飯！至於個飯，顏色睇落唔似平時雞油飯吸引，但粒粒分明，雞油包住啲飯，入口爽身，配上乾蔥一齊煮，食落更香口！呢個絕對係精明午餐之選！

帶了狗狗到新蒲崗沖涼要等一個鐘，所以到附近搵間餐廳食個飯消磨時間，今次揀左呢間聚寶海南雞，下午茶時間大概$40內，叫了一個海南雞飯同冬蔭公豬排米！無骨海南雞飯，三款醬是好味的， 但飯唔夠雞油香，雞肉太韌。 冬蔭公豬排米，冬蔭公味道奇怪，太酸又唔夠辣，又大重香茅味，食食下又有兩大舊蕃茄，唔好飲，豬扒都不是原本一整塊，炸粉太厚，豬排肥膏多肉少，都唔想再食落去。 其實只是消磨時間，下次唯有揀第二間

是日公司趕工，同事過了2點幾都未有時間食LUNCH，我剛好在外頭返公司，捱義氣做外賣特派員，順道幫同事買飯，安撫他們的胃行至康強街，看到原來聚寶的下午茶都有得叫 其招牌無骨海南雞飯，於是便問他們是否OK，他們已餓得不似人形時，食咩都話好於是便ORDER了 下午茶餐的招牌無骨海南雞飯 及 乾炒牛河下午茶餐是附送例湯/熱飲，而午餐則是例湯免費，熱飲要加$招牌無骨海南雞飯海南雞飯最重要是雞要滑、飯要香在這兩點上，這店做得挺不錯!!而且坊間有些雞飯刻意落了黃薑粉令飯變成亮黃色，但實際在新加坡、馬來西亞等地方食到的，用煮雞後的雞湯雞油煮的飯是不會呈亮黃色的加上這店的雞飯沾醬，有黑醬油、薑葱蓉及辣汁，3款醬油配搭嫰滑雞肉都非常夾 這店基本上每個月都會幫襯1-2次，暫時每次雞飯的質素都很穩定另一位同事點的乾炒牛河打開盒蓋挺香的，從樣子看來不過不失炒河類還是堂食最好味，始終外賣時會有倒汗水，影響味道

今日又來新蒲崗試新野因為來前完全沒有做功課, 所以要去食咩真係靠估.不過十二點未到就已經坐到滿滿我估一定唔會差, 所以決定入去.一坐下見到人人都食唔同既野真係完全唔知食咩好見佢店面係海南雞, menu仲要強調係無骨所以我就叫了雙併 (海南雞+豬脾)我另一半就叫了脆皮咕嚕肉2個都係set, 約了4x元一入到店內, 店員拿了2碗湯來喜歡飲湯既我, 馬上食得出無無味精飲飲下湯我既雙併飯來了-海南雞+豬脾 : 海南雞皮爽肉滑, 3款醬汁真係無得頂, 其實只係食醬汁都可以把飯食曬豬脾肉淋, 但皮是qq的. 連平時不吃皮既另一半都讚不絕口.- 脆皮咕嚕肉 : 即叫即炸, 仲要大大碟. 食到一半都已經好飽.照片就係食剩左一半既份量.店內還有其他小菜的, 唯有下次帶埋家人再來試一試.