聚寶海南雞

Open Now

Now Closed

收左order等左成個鐘，打來話其中一款食物賣晒要成張單取消，仲叫你重新響網上落過order, 而等候時間預計一個鐘，唔好彩嘅話一個鐘後再通知你冇呢樣冇嗰樣又取消一次你都冇符㗎！以為係外賣公司「食物熊貓」有問題？俾多次機會，下次用左「烏巴食」落打，又領多次嘢，你冇嘢賣賣晒收柯打之後可以講聲吖，要人等一個鐘先出聲？大佬呀我想食餐飯啫，唔係真係要「必先苦其心志，勞其筋骨，餓其體膚」先呀？其實應付唔到咪唔好同外賣公司合作，做堂食咪算囉，啲嘢食OK吖，做乜要做壞個名呢？

出左名新蒲崗美食多，正是聚寶小炒多又夠鑊氣、美味！回味無窮！聚寶海南雞雞飯好出名，好吃！呢次冇點，想試試其他小吃、小炒，我地點左大汗烤豬仔髀、秀珍菇炒介蘭、酸菜魚、冰梅烤豬頸肉，兩碗白米飯，首先吃一些香口嘢先，賣相已吸引的豬仔髀，炸到香酥的外皮、肉是用孜然和玉桂調味的，一人一件好滿足。原來秀珍菇炒介蘭味道甘夾的，加上勁多蒜蓉，好惹味酸菜魚就夠曬醒胃，酸酸辣辣，嫩滑鮮甜魚肉配白米飯吃一流。冰梅烤豬頸肉一樣做得甘出色，烤到剛好的豬頸肉，爽口、彈牙、又入味而且有𣎴油膩，可以吃多几件下次我會再吃其他小菜的

近排過左新蒲崗去探阿嫲，去左試左附近好多小食店，好多都唔錯，其中一間就係呢間聚寶👍🏻👍🏻佢嘅招牌係海南雞飯，入到去，我見個個都有叫，所以我同阿妹都叫埋一份～ 然後見到個Menu好多set都係好超值，所以我哋叫咗一個二人餐！仲有埋湯添👍🏻😍另外我哋有叫咗個小炒，叫咗西蘭花炒鮮魷，好似有啲菜好啲～ 等咗大概2分鐘，就已經食到海南雞，佢切都好細，可以一啖食落肚，非常細心！海南雞無骨，超方便！啲肉都好嫩，我最鍾意佢嘅醬料，可能有特別調製過，撈飯同配海南雞好夾～係喎，佢仲係有油飯添，正！ 啲湯都好好飲！好似好少味精，因為我飲完都唔口渴！至於小炒，都有水準～但就冇乜驚喜～

晚餐要做野唔得閒出街食，所以就幫襯左附近嘅聚寶~ 呢間野食過幾次，都係晚餐時候去，佢嘅小炒係好好味，尤其是炸蝦餅，西蘭花炒鮮魷等等，不能盡錄 今次叫咗佢嘅招牌海南雞飯，佢嘅海南雞飯不嬲都有質素㗎啦，無骨又切得細切又多最得我心打開外賣盒已經好想食，啲海南雞鋪到成個飯盒都係，足料 將啲醬汁淋係油飯到，一舊海南雞，再一啖油飯，天衣無縫真係好味，海南雞嘅肉好嫩好滑～ 最好味嘅係佢嘅海南雞醬汁我估有特別調配過小小咸，有少少甜，點雞食一流 佢嘅例湯都好好味，好足料，少味精值得一試，會再幫襯

今日晏晝去咗新蒲崗食嘢，朋友介紹左我去呢間一入去，枱櫈都係黑色，感覺都唔似一般快餐店， 有少少高級嘅感覺 見佢menu有好多選擇，就算午餐都有幾頁可以揀 我就叫咗招牌海南雞飯~ 朋友就話小炒都好食👍🏻 但海南雞飯最好食等咗大概2分鐘左右，已經有湯送到，呢度啲湯超好飲，火候好足！感覺好似冇落味精，飲完唔會口渴至於海南雞，超級細心，無骨，而且拆到好細件方便進食，可能雞雖然凍左少少，但係配埋餐廳嘅醬料，覺得好好食，啲肉好滑而且份量好足，雞肉我唔會太多肥膏。女仔既話，一個人食會好飽～ 至於飯，有得揀油飯或者白飯👍🏻我就試咗油飯，感覺唔會好油膩，同啲雞夾住食啱啱好

今日去探朋友，發覺新蒲崗真係五臟俱全，平時好少黎，所以冇乜留意原來附近都好多嘢食！朋友帶咗我去食海南雞飯，聽講係區內數一數二！我本身都好鍾意食雞，所以一聽到就好興奮~ 本身以為海南雞飯嘅鋪頭通常都係泰國餐廳，但係原來唔係，新蒲崗呢間係特色小菜，而招牌菜就係海南雞最特別係海南雞全部都無骨，而且切都好細件，方便入口，又唔使食到好麻煩。我最驚喜就係佢嘅醬料，海南雞特製醬(三選一)，其實我都冇問係咩製造，但係唔係普通豉油辣油麻油另外，我哋叫咗西蘭花炒鮮魷，同埋墨魚炸餅。鮮魷還好，一般茶餐廳小炒嘅味道;至於墨魚炸餅就係超級好食😍 仲要好大份，兩個人根本食唔晒環境幾寬敞，衛生唔錯，價錢非常抵，因為佢叫餐就送例湯加飲品仲要有生菜！總之，呢餐好滿意，過開新蒲崗會再去幫襯

爛碟加煮定嘅乾屍e 麵漿。。。咁，睇到都唔開胃。。。。傳菜阿姐載住隻濕立立嘅洗碗手套成隻手指插落兜麵度。。。。。。。嚇到我成碟都唔敢食。午市極少選擇。。。。。不會再幫趁。

朋友介紹海南雞好食，好爽口。一到坐位，馬上送左兩杯茶，真系夠曬熱情。叫左個冇骨海南雞，送左三樣配料，包米杯熱奶茶，湯系薯米排骨湯。介錢都唔算好貴，52咋，比起其他店來說都算平，好大眾化。來到新浦崗值得一試。

而家晚餐食個碟頭飯都差不多＄60，幾個同事放咗工話不如一齊食個快飯，見到三人餐四人餐都幾多選擇，即刻坐低仲有位半隻海南雞，我最鍾意食佢啲花生，蘿蔔都幾特別。雞皮夠晒肥，雞肉都叫嫩滑，不過就冇乜雞味。上菜速度好快，茄子斑腩煲，送到黎嘅時候都仲熱辣辣，斑腩同茄子份量都偏少，女仔食就夠嘅，男士就可能唔夠。同埋斑腩好少肉，炸粉比較厚金銀蛋浸白菜仔，喊到飛起，做湯飯就差唔多。同埋好欣賞佢呢個鴛鴦啫啫芥蘭，有蝦球有魷魚仲要鐵板上，夠晒誠意。

新蒲崗工廠大廈衆多，食肆當然都唔會小，其中〈聚寶海南雞〉係我經常會光顧的其中一間。今日收早買外賣回家。當然先講雞，件數都幾多，可惜比較薄身，平時好啖啖肉的，今日有點失準。肉質結實不油膩，更不用説是肥膏，這點我很欣賞！仲會附上兩款醬汁，照顧到重口味既朋友，但我個人認為唔點醬都好夠味！海南雞當然要配油飯！！油飯質地乾爽，口感軟熟，吃下去有啖啖的雞油香味又不會油淋淋。再配上爽脆的花生一起吃，絕對能為新蒲崗的打工仔送上心靈上一點慰藉。

公司可能要搬，最近真係忙到就快死，放工已經我到手軟腳軟，做喺附近食街坊海南雞，店員服務都幾親切，但就唔好要求咁高啦！啲食具有時都有啲 dirty!兩個人叫二人套餐唔使諗，唔使＄200都算好抵食。一落咗餐就會送例湯，有啲油同埋太甜。跟住最快嘅就係海南雞，今晚我哋食口水雞，講真啲雞肉係幾滑嘅不過就冇乜味道，可以食口水雞比較穩陣因為有麻辣嘅香味。 我本人就一定食油飯嘅。不過可惜唔夠熱。有一款時菜可以揀，金銀蛋白菜仔，清淡得來夠晒鹹。小菜只可以揀一款，最鍾意魚香茄子煲，斑塊呢就分多個肉加多幾蚊有杯凍飲算係咁啦，太過甜。

FIF放lunch心血來潮想食海南雞飯，所以就係Openrice搵番工附近有咩好雞食。見到呢間好似幾多笑笑，所以就去試一試啦。因為類似係飯堂，所以等位時間都唔係好耐（可能因為FIF一個人見到牆上都大讚海南雞既報導，對佢期望就更高！即管試試招牌海南雞飯！三色醬都有齊，試一試個醬都唔錯既。不過一食雞就分到高低啦！一食落去無乜雞味，而似唔夠嫩滑。海南雞除左醬之外，其實雞都好重要。。。唔會話好差，但無期望之中咁好食。所以快快手食完就走。

首次透過APP來光顧，價錢基本上比堂食貴一倍（相比下光顧過另一間並沒有收貴一倍）。送來的外賣亦比想像中份量少，味道是不錯的，但說真⋯不值這個價錢囉﹗況且還送少了餐飲，講真，第一次印象就是不好的印象。

約莫五六年前, 銅鑼灣鵝頸橋下有一間叫「聚寶廚坊」的餐廳, 專賣無骨海南雞，若是約朋友去銅鑼灣，十之八九都會在那裏晚餐。雖然海南雞是主打，但大家一致公認小炒也非常出色。前後帶過四五堆朋友去, 永無失手。但突然有一日再去, 憑記憶去到附近卻找不到店，在同一條街上來來回回行了兩轉，才確定是結業了。不記得那舖位後來開了什麼，反正和吃的無關。(去年經過發現又變成了日本沾麵店，頗有名氣)然後, 去年在家中, 因為看了100毛的廣告, 便好奇試玩「袋鼠外賣」，在餐廳的芸芸名單中又見「聚寶」兩字，也是賣海南雞，套餐的設計也和以前 銅鑼灣那間很像，疑思是不是同一個老闆重開的。結果一試又成主顧，陸續又叫了兩三次外賣。是不是同一老闆就不得而知道，但小炒是一樣出色。在家吃過幾次, 始終沒有見過新店面(自己已私下把這間當作是舊聚寶的重新)。我是吃了雞蛋覺得好, 便定然要看看母雞長什麼樣子的，一定要來看看。店面很好找, 鮮黃底色襯紅字，撞得應一應。才晚上七點, 已經有客人要在店外開桌，有年輕夫婦帶兩個四五歲幼童，有一桌四五個大男生，有一對中年男女。滿座的街坊令人有種放心感覺。我很喜歡這間餐廳的套餐，有二人和四人

今日午餐去幫親D海南雞飯，隔咗一段時間沒有食過，今次就去點知變成咁，我叫招牌去骨海南雞飯，朋友叫個紅燒豬髀飯配鹵水蛋。好啦！落單啦！等咗4個字隔離枱都到啦！我都未有，我問大眼👀姐姐，＂有啦！等多陣！＂（記住-態度唔好的回應）再等多3分鐘，大眼姐姐終於出聲，原來冇幫我落單。呀！😠等咁耐實有D野。冇禮貌大眼姐姐一句唔好意思都冇。只係企響門口招客入來，但係就冇服務嘅。最後叫咗杯熱飲，失敗到不得了，咁都可以送出來給客人。簡直係求求期期。俾咗你就算。😓。收到錢就得 。😍事實上佢啲海南雞和豬脾係好食嘅。好食又點呀！食嘢食到要受氣。吾想囉。如果你哋睇到呢段嘢，應該要改善一下你地服務態度。