肥仔記麵家

Open Now

Now Closed

幫襯幾次肥仔記，愈食愈唔掂!點咗碟牛筋腩飯，肥牛河同鵝肥.鵝肥去哂D我唔喜歡嘅肥膏，爽口，我自制咗多糖少少豉油少少少辣油嘅醬油，少辣多甜，夾自己口味.牛筋唔夠冧，牛腩入口比較乾身唔夠鬆軟，唔掂!肥牛唔多夠味，無咩特別.最後，又係叫豬手無豬手，叫豬潤無豬潤，店舖仲標榜十大必食，但係無得食，點敢再嚟幫襯?因為碟鵝腸同店舖服務爭取翻D分，否則負評了.....

【九龍城區】【肥仔記麵家】最近多咗喺土瓜灣食飯，主要係因為港鐵開通咗屯馬線，真係好快就去到嗰邊。仲記得以前要去嗰頭，搭巴士兜幾廿兜都仲未到，有時落車點仲未必近真正要去嘅目的地。而家起碼好快去咗嗰頭先，再用腳步行要去嘅路徑。講咗咁耐都係想講我又走咗嚟土瓜灣食嘢，本身想食另一間但佢冇位，就喺附近搵嘢食。見到呢間肥仔記麵家簡單、企理，就入去坐低。見到 $51 嘅「大大碗鮮製粉麵」乜都有，就叫碗嚟食，麵底就揀薯粉，都幾順滑幾正。佢寫就寫有魚皮餃、鳳城水餃、黃沙豬潤、雪花肥牛、臺灣貢丸、墨魚丸、黃金片頭、潮州魚蛋、木耳絲、豆卜、生菜，之但係佢啲嘢係會賣晒嘅，我嗰碗係冇豬潤、魚蛋同墨魚丸，我聽隔離枱想叫都冇，又點會畀到我呢。咁碗嘢正正常常，乜都有得食都唔錯嘅。我仲叫咗碟 $33 嘅「炸鮮蝦雲吞」，都唔錯，係細粒嗰隻，有蝦喺裡面嘅。嘢飲方面我加 $9 飲「凍檸茶走甜」，都係正常茶餐廳水準，冇乜特別。埋單 $93，食咗咁多款冇咩好挑剔。。。（地址：土瓜灣土瓜灣道269號地舖）

唔得喇! 要減肥呀! 試試168方法! 一日食一餐! 食果餐係晚餐.試咗幾日，第一個感覺係更加重視晚餐，一日得一餐嘛！早兩日想食豬手，幾經辛苦等到晚餐，走去七喜，再叫個牛筋米，可惜完全係失敗! 豬手過鹹牛筋炆得唔夠耐，七喜可以永遠打入冷宮!唯有行遠少少，去肥仔記! 減肥先走去肥仔記，好似好鬼諷刺....肥仔記店舖入面有個 "本店十大必食" 木牌推介，竟然停售豬手同豬潤! 必食但無貨，係第二個諷刺...山去水遠行到嚟居然無貨，唯有轉叫白灼鵝腸同叫碗牛筋米多蔥.優點:1, 牛筋炆得夠耐，入味又夠冧，雖然未至於完完全全冧透，但已經收貨，起碼好過七喜!2, 白灼鵝腸無膏，夾自己口味，因為私唔喜歡有膏，份量足無偷工減料，夠彈牙，餐廳提供嘅醬汁係麻油+豉油+蔥粒，好彩無加辣! 我眼尾𥄫到居然有白沙糖，咁就加D辣油都唔驚! 加上咗糖同醬汁，有麻油香蔥香豉油鹹味甜味辣味，夠哂複雜夠特別! 油菜都點佢!3, 二十零蚊一碗單併麵，套餐都只係四十零蚊，抵啦! 係灣仔謝非道返工，樓下果D難食飯，五十蚊都唔得啦! 份量又細!4, 冷氣足夠.5, 環境乾淨，極具中國風.缺點:1, 餐廳又係用趟門，客人行出行入無手

午餐唔知食咩好，是但入咗去呢間鋪頭食。呢間鋪主打粉麵，但由於我好肚餓，所以叫咗個飯。下次會試下佢啲粉麵😋蒲燒鯛魚腩飯 💰HK$55呢個蒲燒汁好味，魚嘅肉質好似鰻魚，成個飯嘅感覺似食緊平價版日式鰻魚飯咁。仲有條生菜喺旁邊～

有時想快靚正最緊要物色到一間雲吞麵係左近依間係土瓜灣道嘅就係近排食過ok的已食過幾次🤣印象中佢啲雲吞好大粒蝦麵底又可轉薯粉👍+$12仲可以有菜同豆漿啲蝦爆哂出黎推介！