本人係一個不節不扣既車仔麵迷。因為屋企住既地方近車仔麵舖既關係，所以我由三四歲開始食車仔麵。又因為我屋企附近果間車仔麵舖，係我咁多年食過既 "十星"車仔麵。其實二十幾年黎，轉過幾次手，近年又轉返二十年前既老細，但係質素巳經大不如前。但依然有八粒半到九粒星。
我食過好多所謂出名既車仔麵，有難食嘅，有好食嘅，有不過不失嘅，有平，有貴，有天價既車仔麵。我食過最貴既五餸一麵加可樂，買單先發覺要三位數，但係呢間係好食既，有七粒半星。
我食過既車仔麵舖，有響深水埗，旺角，尖沙咀，銅鑼灣，觀塘，彩虹，牛頭角，坑口，北角，南山村，白田，大坑東，甚至大角咀。但係，呢間真係名過於實，我唔知之前咁多個正評，係咪真心覺得好食，我希望只係我條脷有問題，而除左我之外，大家都食得開心。
評分前，真係有少少忐忑，唔知咁講會唔會有人唔開心，如果老細睇到，你想揾我，我好樂意比意見。因為我食咁多年車仔麵，有無心做，一食就食到。呢間車仔麵，一攞碗麵過黎，見到成碗麵，就有一種唔開心既感覺。
1）通想食車仔麵，我都係食油麵或粗麵。因為米粉，河粉，丁麵，幾時都有得食。我食野通常食D平時少食，或者比較難有得食既野，例如打冷會食焗魚腸，因為因係無乜機會會食到，你去魚舖都無魚腸比你買。講返個麵，通常叫粗麵既，都會偏硬，所以我一般會叫人煮耐D。我唔知之前既正評，講話二十蚊個麵好扺係講緊幾多年前。份量比我食過任何地方都要少，有時，真係唔係錢問題，但係食得無咁開心。心諗，如果好食，再少都係底既，就好似細可樂咁，永遠好飲過大可樂既。
(P.S通常4-5蚊一個麵。$8 - $10 有兩個麵) 其實麵本身無問題，只係一般麵舖買返黎既蛋麵。但係收費真係貴，份量其少，如果好食會加麵，但係食左第一啖之後無，原因如下。亦無影到相，唔鐘意食野之前驗屍式影相。你響白田收呢個價，銅鑼灣都係收緊$8蚊一隻粗麵。
2)湯底巳經不知所謂，我食咁多年車仔麵，有好，有差。但係未食過咁差，真係得味精水加鹵水汁就算。
3)豬腸，又係少得可憐。雖然，我知依家豬腸來價唔平，但係豬腸有分大腸同幼身兩隻，依家好難買到幼身果隻，一般車仔麵舖會用大腸，成本較高，係雪藏。邊隻好味，見仁見智，細腸雖來價較平，但手工多。你用緊果隻，正正係我話好食果間用果隻，但係點解可以難食咁多既？讀者可以去試下，就知有以少。
都係果句，如果好食，都係無問題。但係，真係好少食 “鹵水豬腸”。老細自已試下丫，苦ga，係D鹵水汁有問題，落得太多八角，多到有苦味。重要洗唔淨D腸。
4)豬皮算叫做較為正常，只係正常，唔係好食。夾硬要講，都係偏"林"，但係鹵水，鹵“秋”，定蠔油朱皮，真係怪，呢個係個人口味問題，係我既問題，我知有人會覺得好食。但我“個人”認為咖哩豬皮會比較適合車仔麵。
5）蘿蔔係咁多樣野之中最失敗既餸，又係啡色既，我食親好食既都係白色既。都唔知佢用咩野去煮，是旦喇。但係林到乜都食唔到，入口即溶。我可以就咁用條脷去壓扁D蘿蔔，之後直接吞落肚。OMG, 重要又係鹵水汁既苦味。
可能老細覺得好直得為你自製既鹵水汁而驕傲，所以豬皮，蘿蔔，豬腸，甚至湯底，都用鹵水汁。但係，如果個鹵水汁一有問題，就成碗都有問題。
總結：碗麵感覺揸流灘。老細唔洗我教佢做生意喇，先唔講質素，但係成碗麵，真係感覺小家。一見到碗麵果刻真係有少少surprise，一般人唔會expect既份量。我打個比喻，我話好食果間車仔麵舖，每次我無叫菜，佢都會比兩條唐生菜我，最後我覺得唔夠，都會叫多個通菜，變做四餸。你明我講咩嘛？你真係比得少豬腸，你收9蚊，total得三吋，一定無誇張到。但係你又為左無咁難睇，你剪到得.5cm一舊豬腸，剪到七八舊出黎，個Size跟本就唔好食，我令願你剪兩三舊一吋比我既算喇。0.5cm入面又多肥膏，重有.....。最後無食到。我話好食果間，$5有五舊，人地一舊有成兩吋，見到就開心，食落重開心，人地真係整得好食。
如果老細嘗面，我可以請你食碗外賣，我估你食完會明我講乜。
評論完畢，講完。
Video
