自家燒吧 (Closed)

最近興起咗食串燒，噉呢間嘅好處就係佢嗰串燒會自己轉，你將個串燒擺喺枱上邊，佢就會自己識燒，燒得都幾均勻嘅。除咗一般嘅牛，豬，雞肉之外。我最欣賞就係蒜蓉焗蠔，都係免費任食。另外腐乳通菜都係唔錯嘅，佢嗰啲腐乳醬，都幾好味。同埋有一個必食推介就係朱古力蛋糕，細細件，正方形嘅，有好香濃嘅朱古力味。位置方面，呢度全部都係卡位嚟嘅，有梳化可以坐，最大嗰啲卡位可以坐8-12人。所以如果有一大班朋友嚟都唔怕冇大枱坐。

Automatic Skewer Bar✨Lazy BBQ🍢🍢🍢 have fun😛💫..來吧。。自家燒吧🍢🍢🍢想一班人開心燒野食 但又唔想自己落手❓呢度有個好幫手❤️。位於觀塘工廈有間自助燒烤，先進又優質360°自轉烤爐，溫度高 受熱平均 令串燒四面都燒得均勻，坐定定一陣間 串燒就好快熟 非常方便。係爐邊仲提供3款燒烤醬 (蜜糖燒汁、檸檬茄醬、泰式辣醬) &孜然粉 (原味、辣味、花生味)，自由配搭 蘸點食物呢。除左燒烤串燒食物，亦有唔少冷盤`小食`甜點`生果，種類都算多元化。今次真係轉出新玩意💫，又玩得`又睇得`又食得 真係特別又過癮呢。飲品除左一般紙包飲品外，仲有好齊全既汽水。有我好耐好耐冇飲過既忌廉💚 好懷念。亦有即點既熱飲：柚子蜜`菊花茶`檸檬水等等。串燒熱氣 想降降火也不錯。熟食方面：煎餃子🥟`魚肉豆腐`芝士蒜蓉焗生蠔🐚`意粉`炒烏冬`腐乳炒通菜🥬等等。想食下主食、蔬菜、特色小吃，都可以滿足你。來到重頭戲，點少得自助串燒呢❓有20多款 各種肉類如：牛舌粒🐮`牛柳粒`牛肋條`沙嗲豬🐽`蜜汁叉燒`雞翼🐥`羊肉🐏`多春魚🐟`蔬菜菇菌類🍄`粟米🌽`車厘茄🍅`翠玉瓜🥒`秋葵`燒賣`丸類🍢

臨近中秋，除咗想食月餅，就心思思想燒嘢食！嗰日同我個觀塘之友同事講起，想燒嘢食但又怕熱辣辣，同事即刻同我開心share，原來最近觀塘駱駝漆嗰邊有間串燒店做緊優惠，好抵食！呢間串燒店除咗喺室內有冷氣歎，仲有一大特色，就係電動自轉串燒爐，免人手燒，免叉肉，揀完嘢食，放上爐，坐低等食就可以！自助區有大量選擇！！串燒已經串好哂，整齊排放好，仲有牌仔標示說明種類。多款選擇包括豬/牛/雞/鴨/丸/腸/菇/魚/瓜果/豆卜，連棉花糖都有！另一邊有日式小食，甜品，生果，蝦，青口，可以邊食邊等！熱食連焗生蠔都有！飲品，雪糕，湯都係自助，任飲任食㗎！燒烤爐溫度高，串燒受熱範圍平均，簡單嚟講快靚正！睇住啲串燒360℃自轉，好治癒🥰燒出嚟嘅食物都好靚👍🏻枱上除咗提供咗三款調味粉之外，仲有三個醬汁可以揀：日式蜜糖燒汁、酸辣汁或茄汁！除咗上面講過嘅食物，仲有炒粉麵飯，菜，特色小食係免費叫！如果唔想飲汽水，可以叫檸檬茶/檸檬水/菊花茶/柚子蜜/蜜桃紅茶/柑桔蜜。

平時自己一直都好鍾意食串燒，依間餐廳竟然可以自己燒真係好特別所以就揀咗依間餐廳黎食串燒係用自助嘅形式自己係出面拎想要嘅肉或者蔬菜放入自動串燒機入面少，呢個概念真係好特別，可以揀自己鍾意食嘅串燒自助吧有好多款肉類可以揀，雞肉、牛肉、豬肉、羊肉都有得揀，蔬菜仲有秋葵、粟米同埋其他款式添，除咗生肉之外仲有一啲熟食可以揀，例如薯條雞翼等等食物嘅種類都有好多款式而且餐廳嘅嘢飲亦都係好特別，汽水 健康嘅茶同埋果汁都有放入去部燒烤機入面就會自動轉，大概等5分鐘左右就有得食，而且肉類嘅蜀道都可以自己調校，仲有唔同嘅醬汁可以點真係好特別加上因為係自助形式嘅關係所以真係可以食到好多款唔同嘅串燒，啱晒平時鍾意食串燒但又要就住就住食嘅朋友嚟到就可以大吃大喝

同朋友講起想bbq，但天氣又熱又成日落雨，都唔知點定日子好佢就介紹左呢間自家燒吧比我，咁我當然又拉埋佢一齊去食拉我地5點準時到達，因時段定了1700至1900 或 1900至2100店員會同我地介紹有3種燒汁，蕃茄、酸辣同蜜糖。另有3款調味粉係店員幫我地開埋爐後，我地火速去拎串燒串燒佔一整個大冷凍櫃，前菜、沙律、甜品又佔一個大櫃，仲有一個熟食area 係等緊第一轉食物既時候就食下熟食同前菜呢到既泰式鳳爪夠爽口，調味夠喉熟食既豬肋骨同焗蠔都唔差，豬肋骨唔乾身，同醬汁好配之後就要隆重介紹串燒，不得不說串燒既質素比想像中要好不只有多款肉類同菜類選擇，質素同調味也不錯重點介紹以下幾款牛肉串連三色椒 有牛味又唔Un羊肉串連三色椒 so味有但不重，羊肉味道也是出的沙嗲豬都好正，肉質有口感，食得出係較好既肉類而我最喜愛的是牛肋條，調味帶甜，牛肋部位肉較嫩，牛味又重除左肉之外，佢多蔬果串燒比人揀都係一大賣點，有秋葵、雞腿菇、粟米(粟米好甜整體覺得性價比頗高，因食物質素確實不錯

一心來到，見幾得意咪去試下。野食方面尚算可以，但服務差到不得了。個場不算大，樓面5個人，但個個都吾會點理野。個簽桶滿了，我都擺了出來，果幾個樓面，行經不下5次，但無人去收，有個收銀的行過，叫過來，我問佢睇吾睇到個簽桶滿了？佢收了但無比返我，算，拎隻杯做簽桶，也是一樣，無人理！小⋯⋯見幾個係道嘻哈大笑地玩近，有枱吾知係咪熟容（2個人吃）但5個職員去服務！呢d 咩服務態度？你問我會不會再來？我應不會！

係工廠區搵下野食，都係一種樂趣。呢開串燒店，自己燒，不過部機又會幫你自動轉住啲串燒都燒，都幾好，燒得均勻。不過心急人仕就吾太適合去食，因為都等幾耐先燒熟一串食物。我一行五人去食，一個爐，都等幾耐先食一串，所以等等下，好快冇左食慾了。不過還好出面有冷盤食物，又有熱食，邊食邊等。同朋友傾計慢慢食住等都不錯的。食物其實冇乜特別，價錢還可以吧，有興趣的都可以值得一試。不過有點不愉快，快係坐左好耐，台面好亂了，也沒有人幫忙收拾。亦叫了很久才有服務人員幫忙清理，而且只是隨便整理，枱面上其實仍然很亂。我用膳時間8點多9點，當時客人其實不算好多吧。可能是自助餐關係吧🙃

朋友想食燒烤，我當然提議來觀塘的這間自家燒吧，皆因自家燒吧食物質素高質外，那先進的放串燒上去便可以自轉燒烤的燒烤模式，都是我推薦的原因。因為17:00~19:00及燒宵夜時段有優惠，今日是假期，所以我們可以早㸃食，我們訂了位17:00，$208+加一服務，任飲任食2小時，非常期待及興奮。這麼早的時間，原來已經有很多人了。見到餐聽有熟食、燒烤類及甜品飲品，還有節瓜紅棗粟米湯...等，任取任食。燒烤的種類又多又新鮮，有沙嗲豬、牛柳粒、牛舌粒、豬腩肉、泰式雞肉、牛肋條、羊肉串及秋葵...等等。就是喜愛那全港最先進的自動燒烤方式，材料多款式又美味，抵食又美味呢。冷盤有非常多的水果、甜品及一杯杯的沙律、涼伴菜、凍蝦及青口，連泰式鳳爪都有...。熟食有日式煎餃子、椰菜花、蒜蓉焗蠔及咖哩魚蛋...等。當中覺得泰式鳳爪及煎餃子、凍蝦及青口，最為美味。一邊食熟食，一邊燒第一輪的燒烤，豬腩肉、牛肋條、羊肉串及秋葵。當中燒腩肉及牛肋條非常爽口又入味。羊肉也是燒得很香口，再加少少辣粉，好好味喎。跟著燒第二輪，羊肉串覺得好食所以繼續，牛肋條也很得我愛。卜卜脆的多春魚又怎少得了。食多了肉就燒一些車厘茄、粟米及酸酸

其實都幾鐘意食串燒，又知道公司附近開佐間可以自己燒仲可以自轉又任食既舖頭，點可以唔試下😍.餐廳採取自助既形式（熟食，肉類，丸類，蔬菜類，甜品，水果，飲品⋯），已經可以見到好整齊叉好分門別類咁放係自助區。另外仲有餐紙可以點主食，蔬菜類，小食同水吧飲品，仲有其他海鮮類可以比錢加配🙆🏼‍♀️.我地第一二輪都係主攻肉類，因為太餓😂，味道都大致食落唔錯而且唔會話好un同好多脂肪🤔，旁邊仲有三款醬汁可以調味：茄汁，泰式辣醬同燒汁，每邊掃一掃就入晒味真係無得輸😍 另外仲有三樽調味粉：原味，辣味，花生味⋯比你再加料 你鐘意食乜口味都得😚 我個人覺得辣味唔錯🙆🏼‍♀️ 到後半段，我就狂食菠蘿😂 因爲好鐘意食燒菠蘿而且食落都幾甜👅.總結，依個體驗幾有趣，而且燒緊既同時一路都可以同朋友傾住計，又可以自己調味又可以自己試下燒，肉類啖啖肉之餘味道各方面都唔錯，同埋真係食到好飽😂 我覺得試下都無妨🙆🏼‍♀️ 仲有棉花糖燒⋯即刻諗起童年回憶😂

今日終於有時間去試吓全港首創位於觀塘的自家燒吧，叫得自家就梗係要自己動手燒，體驗燒嘅過程，而整個時間我哋都燒得好開心！餐廳面積非常大，而且絕大部份都係卡位，坐喺度食兩個鐘都唔會好攰，舒服！一坐低，我哋就見到今次嘅主角轉轉燒烤爐，然後職員便細心講解燒烤爐的用法和介紹旁邊的三款醬料，原來串燒能夠在燒烤爐自轉是每串串燒都有齒輪，只要對準燒烤爐的齒輪位置，串燒即可自動轉動！食物種類亦非常多，蔬菜方面有菠蘿、冬菇、翠玉瓜、蕃茄、粟米、秋葵等等亦有唔少丸類（特別係龍蝦丸）、腸仔、紅腸、午餐肉而重頭戲肉類方面，亦有番茄牛柳粒、煙鴨胸、單骨雞翼、雞腎、多春魚等等除咗出面嘅嘢食之外，仲有點菜紙叫野食，真係手同腳都同時間咁忙呀！而火爐亦夠猛火，轉5分鐘左右就可以食得，此外出邊仲有小食可供選擇，有炸餃子、炸洋蔥圈、芝士焗生蠔和咖喱魚蛋！最後仲可以食埋杯裝甜品或者新鮮水果，而當日我哋食咗好多西瓜同菠蘿，refill得想當快

平價室內bbq,食物款式唔算太多，但係都有好食嘅。唔使自己燒真係好方便。雪糕嘢飲任食任飲仲有啲熱食有免費有價錢嘅，食咗個燒芝士魚腐同埋雞翼，好好味。啲菜都好新鮮值得一試。當日我有訂位，所以夠鐘就入得去，平日食九點嗰個時段都唔算多人。多春魚菠蘿雞翼都好好食，雞肉係出乎意料之外嘅好味，燒嘅速度都幾快。最重要係唔使自己拎住燒，架機識得自己轉啲嘢都好快熟。不過食完個身都係成陣BBQ味但價錢真係好平所以都無所謂啦

HAPPY FRIDAY, 星期五晚是跟朋友聚聚的好時侯。很少食任食, 其實不知現在串燒放題的模式是這樣, 自己燒, 不用轉, 非常方便, 除了串燒還有熟食, 點了個通菜, 幾好食, 又有效率。取食物的地方乾淨企理, 款都算多。脆玉瓜是厚切好味, 栗米新鮮...飲品方面除了有自助盒裝, 也有手調, 點了凍檸茶, 但當然不及茶餐廳味道。 

燒烤是我由細至大都喜歡的節目，曾經有一段時間，日日都燒嘢食，（在戶外）😄但是現在的天氣真的嚇人，戶外熱死😰在這𥚃吃燒烤就方便得多了嘆著冷風燒嘢食，乜嘢調味料都有，仲要係任食任飲，座位又舒適，食物源源不絕，又有自取的數款飲品，如果食燒烤熱氣，仲有自家煲菊花茶清熱，菊花味濃郁，而且我喝到一點糖也沒有加，就是菊花🌼的味道，實在太好了，健康之致，初時都怕是比加糖的菊花茶，一喝就知是無糖的菊花茶nice➕like 👍😊燒烤串款式多，味道又奄得夠味，如果喜歡吃孜然粉，枱上又放置了幾款味道，可以自己調味，有原味，花生味同辣味烤肉串款式多，有羊肉、牛肉、豬腩、雞，還有多款肉類.......等等✌️✌️❤️蔬菜🥬類也有多款、例如翠肉瓜、冬菇，秋葵和.............等等，其中我最愛吃的蔬菜類雞脾菇，吃多了也不怕😬串燒自動旋轉，火力也很猛好快就熟了可以吃，又有其他熟食自取，壽司、海鮮及各款甜點，杯裝雪糕任食！自家煲粟米紅蘿蔔🥕🥣湯...........（甜 ）以後燒嘢食仲洗乜左想右想，一於自家燒吧⋯⋯掂👍👍👍👍👍👍👍👍👍👍

之前在觀塘駱駝漆大廈的自家燒吧食燒烤，感覺食得開心又美味。現今想起，尤覺美味，所以今日專程到來食。知道自家燒價錢有分時段，所以我們揀了燒夜時段食$188，有加一服務。就是喜愛那全港最先進的放串燒上去可以自轉燒烤的燒烤模式，及燒烤的材料多款式又美味，還有飲品甜品任飮任食，抵食又美味呢。枱上放有調味料，有辣有不辣，自行調較。今日的熟食也有多款，有燒雞翼，炆豬手、焗蠔、西蘭花及椰菜花等...。等待燒烤的期間，先取了一些喜愛的熟食，灼蝦、青囗、韓式燒排骨、焗生蠔及炸魚餅，西蘭花及椰菜花，為今晚的燒烤放題展開序幕。燒烤吧總類繁多，先取了一些喜愛的肉類及蔬菜，燒豬腩肉串、澳洲牛肉眼串、燒雞翼串、粟米、脆肉瓜、秋葵及菠蘿等...，燒完一輪再一輪哦。最喜愛的有燒豬腩肉爽口又入味。澳洲牛肉眼有牛味，再放上一些辣椒鹽，非常美味。燒雞翼切成單骨雞翼，燒得香口肉質嫩滑。粟米燒完感覺口感煙韌，又非常清甜。脆肉瓜燒烤完後也非常多汁。燒烤吧還有非常多款式，有肉類及蔬菜，有燒牛舌，燒雞肉串，豬肉串，新疆羊肉串，厚切午餐肉及紫心番薯、泰式雞肉、牛肋骨、牛粒、牛舌粒、牛柳粒、麵花糖...等，真可謂種類繁多。除放題吧外，也

星期日，朋友帶了我去位於觀塘既自家燒吧食串燒；第一次去特別期待食物質素。環境方面，餐廳設有雪糕區，飲品區，取串燒區，熟食區，小食區；讓食客自行取食，十分方便～本身以為燒串燒是用燒網，但依間餐廳有特家既爐黎燒；食客只需要放串燒在齒輪位，那串燒就會自行轉動，這不但可以方便食客之餘，仲可以令串燒平均地熟透。依種新方式可以讓食客慢慢等食，真的很捨意啊～串燒類：串燒有肉類，蔬菜類，魚仔，丸類等等。個人推介的首選雞翼，因餐廳好細心將雞翼一分為二，大大方便燒時可以全面地熟透，燒後肉質嫩滑又滲肉汁，燒時可搽上醬汁讓雞翼調味也不錯。另外，燒多春魚也是我很愛吃；多春魚燒至脆卜卜好香口。肉類方面，口感嫩口，一口一舊肉；同樣地也是滲出不少的肉汁。另外，除左串燒，餐廳仲提供熟食比客人食用。當中包括有西蘭花，焗蠔，咖哩魚蛋等等；所以食客可以在等串燒熟既時候，邊食邊等！熟食也很適合大人或小朋友既口味，所以大家記得寫紙落單！飲品方面，餐廳提供汽水及紙包飲品；另外還有餐廳沖既飲品，例如：柚子蜜。