自家燒吧 (Closed)

最近興起咗食串燒，噉呢間嘅好處就係佢嗰串燒會自己轉，你將個串燒擺喺枱上邊，佢就會自己識燒，燒得都幾均勻嘅。除咗一般嘅牛，豬，雞肉之外。我最欣賞就係蒜蓉焗蠔，都係免費任食。另外腐乳通菜都係唔錯嘅，佢嗰啲腐乳醬，都幾好味。同埋有一個必食推介就係朱古力蛋糕，細細件，正方形嘅，有好香濃嘅朱古力味。位置方面，呢度全部都係卡位嚟嘅，有梳化可以坐，最大嗰啲卡位可以坐8-12人。所以如果有一大班朋友嚟都唔怕冇大枱坐。