自家製韓國刀削麵 (駱克道)

Open Now

Now Closed

📍 炸醬麵炸醬麵可圈可點。麵條彈牙有勁，醬汁濃郁鹹香，與燒酒的酒香交織在一起極為協調。醬汁入口滑順，帶有一點油脂的厚重感，卻不會讓人感到膩味，由鵪鶉蛋、薯仔、洋蔥搭配餐廳提供的燒酒，一飲而盡，好岩配燒酒食。📍 砂鍋牛腱砂鍋牛腱同樣出色。牛腱肉質軟嫩，慢煨後入口即化，帶有濃郁的牛肉香氣。湯汁微鹹微甜，配上金菇韭菜，加鮮甜嘅湯底，讓人回味無窮。餐廳環境簡單大方，用餐氛圍輕鬆自在。服務人員也很熱情周到，整體來說，這家餐廳的口味正宗，價位實惠，非常適合三五好友或家人聚會。🔹🔹🔹🔹🔹🔹🔹🔹🔹🔹#自家製韓國刀削麵 (駱克道) (銅鑼灣)銅鑼灣駱克道397號金禧大廈地舖🔸🔸🔸🔸🔸🔸🔸🔸🔸🔸 #銅鑼灣美食 #銅鑼灣好去處 #銅鑼灣食好西 #銅鑼灣好去處

呢排天氣咁熱，完全唔想食熱食，就諗起韓式冷麵！諗起呢間韓式刀削麵～ 印象中，佢同「李家」係同一老細，估計食物質素應該唔錯，所以拍板去咗呢間餐廳食晚飯。雖然環境causal ，但晚市去時係坐滿人，今次點咗兩麵一小菜，當然唔少得韓式米酒啦！韓式刀削麵嘅口感與中式刀削麵係各有千秋，所以未試過，不妨一試！豆汁冷麵 $78 性價比高，完全係二人份量！湯底豆味飽滿，有微微嘅豆腐渣粒，飲得出係天然不是製成品！當然，相比起韓國當地食過嘅又香濃又滑到好似合桃糊口感嘅豆乳麵，係有差距。食物：3/5性價比：5/5辣海鮮湯麵$128 好大份！有蝦蟹魷魚青口，湯底唔錯，但個人prefer唔配麵，因發咗嘅麵粉味影响咗。食物：3.5/5性價比：4/5圖：最左：牛肉蔥煎餅 Beef and Green Onion Pancake $68必點！強烈推介！雖然其貌不揚，微微焦香，味道喜出望外！食物：5/5性價比：5/5圖：最右：韓式米酒，食煎餅當然要有米酒啦！

自家製韓式刀削麵提供好地道嘅韓式麵食同埋鍋物，知道原來佢係李家嘅姊妹店，過嚟試吓✌🏻泥到韓式餐廳當然要叫埋燒酒啦，燒酒同餐廳嘅所有麵食都十分之夾，感覺就好似置身喺韓國嘅地道餐廳一樣，簡單一份麵食再加埋燒酒，同朋友喺度傾偈飲得好暢快👍🏻🐄砂鍋牛腱 ($298) 傳統嘅牛腱鍋，湯底吸收咗牛嘅香味，再配上唔少嘅配菜，係一個健康嘅選擇。可以再加上韓式豉油同胡椒粉，釋出牛嘅鮮味😉🍜炸醬麵 ($78) 簡單嘅一份炸醬麵，麵非常煙靭彈牙，炸醬係用上薯仔同埋五花肉條調出嚟，大大份好飽肚🥃真露燒酒 ($58) 來到韓式店當然要嗌埋真路燒酒😋呢間係如果想食韓式風味麵食，暫時泥講應該係最有風味的一間😋

早兩日係越南反香港，當然要約為食仔比手信啦，約左係銅鑼灣食飯又唔想係大街咁多人咁嘈，於是行左入駱克道搵食#炸醬麵-入到黎先知原來呢間係全香港第一間韓國刀削麵，呢個炸醬麵入面都幾多料，有洋蔥、豬肉碎、青豆、鵪鶉蛋等等，可能因為加左洋蔥關係，食落帶甜，有少少咸，重點係醬落得好多，每一啖都可以撈到好多醬，好就食晒成個麵#砂鍋牛腱-初初仲驚會無菜食，好在叫左呢個鍋，除左好多牛腱之外，鍋底仲有好多娃娃菜、金菇同韮菜，牛腱夾埋鋪頭辣泡菜前菜，好味🤤#燒酒-聽店員講，麵同個鍋同燒酒好夾，所以我同為食仔都加左支試下，果然加左好有韓國風味，建議大家都加

之前食過灣仔個間刀削麵真係有陰影🥹今次去銅鑼灣呢間令我對韓國菜有返少少信心，唔洗排隊直入，星期六去仲有Lunch set，$88包一隻餃同飲品🌟豆汁冷麵Set｜$88 🌟炸醬麵Set｜$88豆汁冷麵個湯底唔好想像係豆乳好滑身個款，飲落有粒粒豆渣，湯底本身比較淡味，所以會額外配鹽粒，自己加落去，冷麵煮得唔夠耐，偏硬身多過彈牙🙈炸醬麵相對較腍身，炒得未夠香，如果多d洋蔥會更好，欣賞肉粒係大大粒🤩唔係肉碎狀，仲有一隻鵪鶉蛋～餃子真係好驚好似上次咁🥲今次皮都係穿左少少，但食落係實淨，同埋真係食到餡料，唔係一patpat，泡菜餃比較辣，我鍾意豬肉餃多d

晚上到銅鑼灣覓食，發現這間韓國刀削麵店，還是李家的姊妹店，緊係有一定品質保證✨砂鍋牛腱（$288）肥嫩的牛腱經長時間慢燉，肉質細膩軟嫩而不乏嚼勁，湯汁帶入牛腱膠質，濃郁入味，搭配韭菜、金菇和店家自製韓式泡菜，酸甜可口✨炸醬麵（$78）麵條新鮮製作，Q彈有勁，配以濃郁香醇的炸醬帶出最經典味道。而且菜式分量都好多，好味又抵食🪄真露燒酒（$58）食韓國菜當然得配上燒酒，酒體濃郁醇厚，清爽宜人，令整體味體升華，同唔同菜式都非常之夾～

見竟然香港有韓式麵食，就決定同我嘅韓國朋友試試🤭可能係新開嘅分店平日夜晚七點去都唔使排隊座位唔多，裝修簡單似韓國家庭式餐廳餐牌簡單 有幾款韓國刀削麵，蒸餃及煎餅，價錢親民又大份泡菜免費供應，但係我嘅韓國朋友表示泡菜唔夠正宗，唔夠爽脆同辣😪辣拌刀削麵 ($78)個人覺得麵條太煙韌太粗身，都要用吓牙力嚼😂如果冇咁粗身會好食D有幾片牛展 比較乾冇乜味，其他配料份量就足有芽菜、紫菜、雞蛋絲等 好豐富醬汁夠濃有甜亦夠辣，好惹味，食到唔停口😋個人就覺得競爭對手嘅辣拌麵好食D🫢如果鐘意煙韌粗身嘅麵嘅朋友可以試下—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $90-110 𝗉𝗉 (dinner)🌟 𝗈𝗏𝖾𝗋𝖺𝗅𝗅 7/10📍自家製韓國刀削麵銅鑼灣駱克道397號金禧大廈地舖

依間我有好幾個朋友介紹 係李家集團既副線 專做韓國家庭菜式刀削麵、蒸餃、煎餅 感覺好地道不過我今次黎食d好非一般既野！係超過分既海鮮火鍋😎✿ 海鮮火鍋配刀削麵 $388 ✿套餐有前菜泡菜 偏酸少少辣幾開胃🌶️海鮮有魷魚、章魚、蜆、蝦、青口、扇貝種類同份量好多 成個煲放滿晒 好似盤菜咁🤣湯底奶白清甜 有一壺可以refill仲有翠玉瓜同韭菜 吸晒湯汁同海鮮既鮮味🌊食到咁上下先落刀削麵🍜麵質彈牙 比一般中式刀削麵幼 依個時候個湯底已經煮到好鮮甜每條麵條都掛湯🫢

朋友仔大大力推介呢間小店，原來係李家嘅副線品牌，主打自家製韓國刀削麵，元朗尖沙嘴銅鑼灣都有分店，三間嘅食物款式都有少少唔同，前者有餃子同煎餅，後者就有埋鍋物供應，食物價錢合理，試試無妨。砂鍋牛腱幾啱同朋友一齊開心Share，上面鋪滿牛腱，肉質厚實，帶有咬口，牛味香濃，部位偏瘦，感覺完全無負擔。下面有金針菇同香蔥，湯底鮮甜，飲落暖胃，店員好好人，見飲晒加咗一次湯，枱上面有幾款調味料，重口味人士可以再額外加胡椒粉或鹽增添味道。炸醬麵係最近新推出嘅款色，醬汁唔會死甜，帶點鹹香氣，自家製刀削麵口感彈牙，QQ哋，連平時唔鍾意食麵嘅都覺得好正，忍唔住一啖接一啖呀，會話係款簡單又美味嘅主食。另外若喜歡飲燒酒嘅呢度都可以叫，邊飲邊食更爽快。

放工後去邊度soft附吓？부자칼국수自家製韓國刀削麵(灣仔店)最了解你心意！炸醬麵-口感豐富，落喉順滑，容易分解，歒合老人家BB嘅食物。麵感覺高質，彈牙，一啲都唔粉，話哂都係自家製麵店。個麵醬有豬肉同薯仔同洋蔥做配料。而且非常好味。開心食品。佢哋嘅韓式泡菜非常新鮮，入口爽脆。蒜蓉同埋辣味明顯特出。而且仲係任添。真露燒酒放工減壓必點！而且非常夾啲野食！砂鍋牛腱-牛腱已經煮熟晒，同埋同湯分開。所以味道係原來咁。份量夠哂大，多。佢哋用嘅湯喺正野，話哂都係麵店呀嘛。

路過銅鑼灣同灣仔交界見到有間自家製韓國刀削麵，原來係炸雞元組「李家」去年底開嘅副線品牌，好積極喎短短幾個月已經喺尖沙咀、元朗、灣仔開咗分店. 駱克道店內裝修簡單純樸就似韓國家庭小店咁. 餐廳主要提供刀削麵、餃子、煎餅等韓式主食. QR code落單，水自助，就係比較簡單輕食一餐. 兩小碟泡菜幾入味開胃好正宗嘅感覺. ⭐️炸醬麵炸醬香濃甜甜地非常開胃，豬肉夠腍非常入味，薯仔、洋蔥等都好入味，仲有鵪鶉蛋，麵條口感不錯. 天氣熱冇乜胃口食呢個麵就啱晒. ⭐️砂鍋牛腱本身想叫個海鮮鍋打卡，不過見到呢個係灣仔店限定嘅咁就試吓啦. 湯底比較清淡帶有淡淡牛骨湯味，可以試真啲牛腱原味，牛腱筋肉比例剛剛好份量唔少，肉質煙靭厚有金針菇同大蔥墊底. 加上鹽、胡椒等簡單調味提升味道. 個人建議個火其實唔使開咁耐.飲品叫咗真露燒酒，估唔到好夾牛肉鍋. 有陣時悶悶地想食呀，韓國嘢又多一個選擇.

餐廳以其刀削麵聞名本身以為只有刀削麵但原來亦有其他韓國主食！平日晚上都幾乎滿座 ⍢砂鍋牛腱 $288湯底看上去有點淡 但味道挺清甜 牛腱有韌勁 建議配上泡菜吃 泡菜不辣 但一起吃口感會豐富點除了有大量牛腱 亦有金菇及蔥這個鍋物非常適合不吃辣的人！！份量頗多 適合與2至3位朋友分享炸醬麵個人是非常喜歡吃炸醬麵見這間餐廳有當然要點來試試炸醬汁濃郁偏甜麵質彈牙 亦非常掛汁配料有鵪鶉蛋 薯仔 洋蔥等正常發揮 一定要撈勻吃～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐自家製韓國刀削麵📍銅鑼灣駱克道397號金禧大廈地舖

聽講呢間成日要排隊先食到今日一收工就帶呀媽嚟威 好彩未見人潮p.s. 6點半就full house餐廳主打食麵 全人手打 🍲砂鍋牛腱喺韓國都未試過食呢樣嘢見係新推出 就試吓佢一嚟到哇！好大鍋 牛腱勁多塊牛腱有嚼勁咬感 仲有韮菜 金菇 娃娃菜做配菜balance番唔係淨係食肉可以加埋擺喺枱上面嘅調味料一齊食🍜炸醬麵好入味 勁大碗 撈勁耐先撈勻晒 🤣啲麵好彈牙 仲有肉塊 洋蔥 薯仔 🍶真露燒酒配埋砂鍋牛腱一齊飲好夾成件事level up咗 🆙️

><見到牆紙裝修有李家炸雞招牌 相信係姐妹店呢度就係食麵嘅砂鍋牛腱(288)實物跟參考圖片一樣湯頭清澈淡淡肉香 金菇娃娃菜都入味牛腱係牛腿肌肉部分 因有充足運動 所以比較少脂肪且有嚼感炸醬麵(78)醬汁鹹甜適中富光澤麵條爽滑很掛汁 大啖大啖食到個嘴烏卒卒真露(58)食韓國菜當然要嗌返枝燒酒入口清爽刺激跟餐點很配搭><><><><><><><><><><><><自家製韓國刀削麵 부자칼국수銅鑼灣駱克道397號金禧大廈地舖

小編今次到銅鑼灣探店，餐廳主打韓國刀削麵，有不同的湯底選擇，用餐前亦會有泡菜提供，喜歡韓國菜嘅朋友可以試一試！🔥海鮮火鍋配刀削麵 $388海鮮火鍋用料十足，除了有原隻八爪魚外，還有蜆、扇貝、青口、魷魚、大蝦和蟹。另外還有不同的蔬菜如翠玉瓜、金菇和韭菜等。火鍋沒有很濃味的韓式湯底，取而代之是清甜的海鮮湯底！比較重口味的朋友亦可以用黃芥辣醬配搭各種海鮮！品嚐完部份海鮮後，便可以將刀削麵放入湯底烹煮。刀削麵相對比較粗，口感彈牙，與清甜的海鮮湯底非常搭配！