自家餃子

Open Now

Now Closed

想介紹大家一間隱世小店 好好食嘅手撕雞飯係以前讀書住呵嘅回憶 grad左之後就好耐都無食過啦🥺〰️手撕雞飯 $38手撕雞份量好多 雞肉唔會鞋 中間仲有一層芽菜 仲有菜甫 好正👅可以要辣同唔辣 辣嘅話姨姨係將辣油同辣椒直接放係飯到一齊 咁撈完之後就會啖啖都食到辣油同醬汁❤️但通常食開嘅都會叫少汁 因為正常汁量會幾鹹下 食到尾都仲會有好多汁👍🏻btw 建議大家買外賣食 因為真係小店地方好細 有時又未必做到堂食🤔食物質數 ⭐️⭐️⭐️⭐️環境舒適 ⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️#hkcp_石硤尾 ➖➖➖➖➖➖➖➖📍自家餃子 (石硤尾)石硤尾偉智里1-3號白田購物中心地下G94-G95號舖

呢間小店真係唔係街坊都好難發現，今日跟大佬搵食試下有真係幾唔錯，環境就真係麻麻又少少熱，因為冇冷氣，但食物真係幾唔錯。我地叫咗一個手撕雞米線同公仔麵，都非常入味，再叫咗隻雞脾同一碗餃子，連餃子都非常多芽菜，真係好足料。如果經過石硤尾都非常推介大家試一試。個姐姐都幾nice，又同我地傾計講笑，整體嘅experience都不錯。不過佢就唔係日日開，之前試過星期日去食白果，念念不忘地搵咗個星期六再去🙈。

👍🏻台山手撕雞飯 $38手撕雞份量好多超足料，唔會撕得太碎肉質唔係乾柴柴痴牙個種，keep到雞肉既彈牙😛面頭淋上秘製醬汁，味道甜甜地，帶淡淡麻油香😋芽菜腍身好掛汁，菜甫粒爽口有咸香可以嗌加辣更惹味🌶老闆娘會直接落辣油同辣椒粒落飯度撈埋成個飯甜甜辣辣真係好好食🤤👍🏻！啲汁都幾多，食到最底每粒飯都有沾滿醬汁🤪味道：9/10性價比：9/10-📍#自家餃子石硤尾偉智里1-3號白田購物中心地下G94-G95號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #石硤尾 #石硤尾美食 #石硤尾好去處 #深水埗 #深水埗美食 #深水埗好去處 #太子 #太子美食 #太子好去處 

白田都有唔少小店！-大大碗秘製醬汁手撕雞飯 $35大家可以再拼餸/鹵水~ -手撕雞飯 拼 東坡肉 $45 手撕雞飯 拼 雞腎 $45手撕雞飯 拼 豬頸肉 $40手撕雞出公仔麵 $35-碗飯已經多到癲餸又多 份量真係勁足 (Must try-東坡肉)手撕雞係鋪滿成個碗有芽菜 仲有精粹所在嘅自家製辣菜甫 !!!加埋自家製嘅醬汁 真係香到爆😭P.S. 個人認為一定要叫辣 少少辣已經好好食!醬汁甜甜地 又有微微嘅辣 撈飯勁好味! 正!!!-雖然汁係精華不過建議大家可以少汁因為食到尾 飯太多汁 會濕到似湯飯 有啲鹹 會開始唔知食緊咩味😂少汁Better~-煎餃 (10隻) $30韮菜餃 白菜餃 各5自家嘅餃子好抵食 仲要唔差!係個皮有點兒太實淨韭菜肉饀 調味得幾好 都幾足料不過索左太多豉油 有D咸~~(記得叫老闆落少少夠)

入左去坐左半個鐘都無 短短係幾分鐘之內就比人催足4次要走食飯講下野好正常 佢竟然叫我唔好講野 食完飯出去再講 話出面好多客等緊 重點係我同朋友根本未食完😡 就收左我個碗 我只係食左15分鐘都無 就唔比我再食 忍無可忍嘅情況 食都唔食即刻走 連杯野都只係飲左幾啖 於是出去睇下究竟有幾多客排緊隊 但係出面一個客都無⋯⋯ 重點係無以前咁好食⋯⋯奉勸大家要食就要15分鐘內食曬同埋唔可以同朋友講野⋯⋯我唔會再幫襯！食完成肚氣又委屈 Blacklist

📍石硤尾超足料手撕雞飯 -- 自家餃子❤雖然呢間鋪個名叫自家餃子 但小編今日係試佢嘅招牌名物手撕雞飯💕快啲睇下介紹啦❤-------⭐手撕雞飯（$35）手撕雞係鋪滿晒成個碗😭😭上面仲落咗精粹所在嘅菜甫！！加埋老闆娘自家製嘅醬汁 真係香到爆😭雞肉嘅份量好多 而家冇雞皮/肥肉/骨 可以放心大大啖食！😤醬汁甜甜地 但又有微微辣嘅後勁🙈將雞肉 菜甫 飯撈埋一齊一啖啖放入口 真係超滿足！！😭不過建議大家可以叫少汁 因為食到最尾有啲鹹呢😂但總括黎講$35食到咁足料嘅飯 真係值得一試！🙊-------餐廳位置唔算多 但見好多人買外賣 小編嗰日係夜晚去所以唔多人 但聽講lunch時間都好爆架~同埋有落場時間 想試嘅朋友仔記住睇返營業時間 以免摸門釘😉-------價錢：$35-------評分（10分滿分）賣相：7味道：8性價比：8回頭率：8-------店鋪資料名稱：自家餃子地址：石硤尾偉智里1-3號白田購物中心地下G94-G95號舖前往方法：石硤尾站A出口

-秘製醬汁手撕雞飯❤️（$35）最愛手撕雞飯🤩份量十足，真係有好多雞肉，白飯和菜脯🥰再加少許辣🌶，真係好吸引和足料，超級惹味☺️雞肉肉質好嫩滑，而且雞肉下面仲有一些芽菜，食落幾開胃，口感豐富，水準同之前一樣😎-老闆娘會淋上好多醬汁，如果唔想要太多汁，就記得叫少汁啦☺️-P.s 依間店嘅營業時間💡星期一 至 星期五 11am-10pm, 星期六 6pm-10pm-Name🏠：自家餃子地址📌：石硤尾偉智里1-3號白田購物中心地下G94-G95號舖（港鐵石硤尾站 A 出口, 步行約7分鐘）價錢💰：秘製醬汁手撕雞飯（$35） 

喺美荷樓睇完展覽，去白田邨麗田樓對面一間街坊小店食手撕雞飯。舖頭對住馬路，預先做好的滷水雞脾同煎釀三寶有膠板冚住，企理。大腸望落乾淨，即時俾多五蚊食手撕雞飯拼大腸，要小辣，忘記咗網友提醒落單要叫少汁，之後有 d 後悔。碗飯，餸多兼量足，仲有芽菜。雞肉同大腸的份量，多過預期，做到啖啖飯都食到餸。雞肉冇雪味，大腸冇異味，大腸好味過雞肉。好彩有叫小辣，食到尾有啲滯，估計係個飯太多汁的原故，要靠辣味先埋到尾，醬汁的鹹甜味都唔凸出。最在意係白飯本身唔夠熱，雞肉同大腸已經喺攤凍嚟賣，而白飯只有微温，好難接受係堂食水準。

自家餃子既手撕雞出名好食，自己都食過兩次，不過今日禁感冒唔食得雞，唯有試下其他啦見到佢餤既款式都幾多，而且可以雙拼，唔同配搭都得，揀好餤後就揀配飯、米線、公仔麵或烏冬，今次就試下食米線豬手+豬耳米線 $35需然兩餸，但係同時比左好多芽菜同埋少少菜甫，令到成碗野好豐富豬手炆得好林好入味，食到濃濃既滷水香💕而豬耳亦都十分爽脆，分量相對較多。湯底都加入左滷水既味道，米線索晒d精華，好好味，不過米線煮得太林，如果硬返少少就更好。

住係附近，每次落街經過都見到好多學生哥排隊買外賣，而堂食既9成人都食手撕雞飯，可惜我每次都搵唔到機會食，試過有幾個星期六落去諗住買外賣都無開☹️佢既營業時間係星期一至五 12-3pm，18-23 pm 星期六 18-23pm 不過有時候營業時間去佢都無開，所以食唔食到都講少少運氣架！而今日我一放學就即刻返屋企，終於比我買到😍- 🌟手撕雞飯 $33不得了，飯唔算多，但超足料！！手撕雞份量好多，多到蓋過晒d飯，仲有菜甫，同大量芽菜，面頭加左少少辣油🤩無諗過菜甫可以配手撕雞，成件事好夾，食落去更加多層次。自家制既醬汁甜甜地，有小小似燒汁，手撕雞入味，肉質唔孩唔乾，帶有好香濃既芝麻味，而芽菜又十分爽口，一啖接一啖，勁快食完個飯😝，果然好食👍🏻咁既質素對比起價錢真係好高性價比👍🏻有機會要試下佢既餃子。

呢間野就係屋企附近 但都係聽朋友介紹話呢間好好食先知道有呢間店嘅存在😹 小妹平時係鐘意食麵多過食飯嘅人，頭兩次食都係叫手撕雞米線，但就覺得冇朋友講到咁好食咁，到呢次再同朋友一齊食，不小心下單下錯了手撕雞飯‼️然後發現手撕雞飯真係好好食‼️雞同飯真係完美配撘❤️份量仲要好多，兩個女仔食一碗都覺得飽😋

石硤尾偉智里一帶的小巷內有不少做平價小食的店子，一到午市放飯便看到一批批的莘莘學子以及在附近開工的工友湧過來開餐。我既不是學生或工友，但同樣喜歡經常跑到這一頭來揾食。原因十分簡單，就只有三個字 : "平、靚、正"是也....今日來到這一檔有不少人大讚的，目的只有一個 :就是為了一味手撕雞而矣....坐在巷中的摺椅上，用餐環境當然好極有限。不過只要東西好吃，我是絕對不會介意的....飛快點了一個人人大讚的手撕雞，再以飯配上。既然店子叫得做 "自家餃子"，想必homemade餃子才是這兒的耍家嘢，不來碗怎行 ? 於是又點了碗淨韭菜餃子....一大碗手撕雞飯，既有質亦有量，雞肉醃得夠味，質感難得地一點都不嚡口；醬汁帶甜甜哋，著阿姐加一點點辣下去食起來惹味非常，再加上鋪面同樣帶甜甜辣辣的菜甫粒及爽口的芽菜，絕對是越食越開胃。唯一的小疵是汁有點太過不吝嗇，所以就弄至整碗飯有點過份地濕，飯的咬口就不太合個人心意....其實自家的韭菜餃子也做得不錯的，皮擀得實淨不易破；肉饀調味足，韭菜與肉份量剛好參半，口味調和得也剛好....最緊要是這樣的"飯餃"組合，加起來實可讓二人裹腹的，還只是賣六十大洋左右.

由於之前響附近讀書，周不時都會去附近既南山邨食野。一次偶然既機會下，友人推介左南山附近既白田邨依間手撕雞，從此一試愛上！🤤門口係街市style, 但佢既手撕雞米線確實出色！🤟🏻雖然宜家HKD33(唔包飲品)都好平，但印象中之前係再平少少既🤔重點來了！真係好好好好味既手撕雞米線！已經好耐無食過咁嫩滑既雞，咬既係有肉汁既，感覺好新鮮！另一重點就係甜甜地既菜甫，再配上佢特製既醬汁，令到成碗野既味道好豐富！另外，佢地選用既米線係粗身少少既，入口有少少諗，本人就十分之鐘意啦，不過如果介意既朋友仔都可以揀配飯！👍🏻👍🏻👍🏻(P.S. 由於本人唔係好食得辣既關係，叫左小辣已經有小小頂唔順，所以大家都可以就著自己食辣既程度留意返🤤）

沒有華麗的店鋪裝修,舒適的座位,只有一碗手撕雞飯和秘製醬汁,石硤尾的小店特色。這邊也是比較好找的，在商場內亦可以看到。點了一會就撕雞飯點煮問我要唔要加難選了小辣， 醬汁剛好沒有把飯弄濕。 雞的分量也是挺多的。上枱時十分欣賞，飲是熱的。先付費，後坐低品嚐。不知道是否商場晚上關了冷氣，但我光顧的那天是一號風球，比較清涼。也試了水餃，但我還是喜歡手撕雞飯多一點。

呢間食店係網上已略有名氣，咁岩係附近工作，梗係專程去試試啦間鋪位於石硤尾白田商場，一啲都唔起眼，而座位只有幾張，眼中只有老板娘一腳踢呢度最主打就係手撕雞，咁當然要試下啦，叫左個手撕雞米線五分鐘左右，老板娘已親自送上，一見到已經有驚喜，因為真係好足料，啲雞肉係覆蓋哂米線，雞肉仲有菜脯做點綴，雞肉連埋相信秘制醬汁，入口嫩滑，甚有雞味，一啲都唔會諧烚烚，非常惹味，而且仲有菜脯做配菜，菜脯爽口，連埋雞肉食更令味道更佳咁大碗咁足料，只係賣一個非常貼地街坊價$33,係非常之抵食，真係專程過黎食都願