自家餃子

Open Now

Now Closed

位於石硤尾街坊小店,感覺有點舊式,主要服務街坊客人雖然店名叫「自家餃子」,但其實手撕雞飯比餃子更好吃！👅👅✨ 手撕雞＋蘿蔔白飯手撕雞系列可以揀淨手撕雞配白飯、米線、公仔麵或烏冬.這次我試了手撕雞配蘿蔔份量非常足,而且雞肉撕得唔會太碎,口感正還可以撈飯吃！蘿蔔切得好大,味道不算甜.至於醬汁偏甜,質感稍微濃稠,絕對夠味可以撈飯！✨淨香煎白菜餃子餃子價錢超級抵,可以揀韭菜或白菜餡,餃子外皮有點厚,吃起來口感實淨,內餡普通

1️⃣ 手絲雞飯 ($50)手絲雞份量超出預期，雞肉唔智鞋。搭配嘅菜脯同芽菜令個飯更有口感層次。淋上去嘅東波肉汁偏甜，建議可以叫姨姨落少啲汁。2️⃣ 煎餃子 ($25/7隻)餃子即叫即煎，外皮香脆，口感類似炸餃子，相對較油膩。餃子嘅皮有啲韌性，咬落去脆卜卜。‼️值得注意的是，每份煎餃至少有七隻，一個人可能食唔曬 整體黎講，煎餃較普通。評分* 🏠 環境：衛生情況一般，建議外賣* 😋 指數：3/5* 💰 性價比：3.5/5

好耐以前喺城大讀書，有朋友介紹帶咗我嚟食手撕雞，食完之後念念不忘，可惜嗰陣撞正疫情Covid-19，有一段時間唔需要返學直到畢業，所以亦冇再去呢間舖頭幫襯。去到依家出咗嚟做嘢，近排突然之間掛住佢，唔知自己到底係掛住呢間舖頭食物嘅味道，抑或係想念大學時期同同學相處嘅時光。呢間舖頭位於屋村商場下面近路邊，好似車仔麵咁，諗好餸即嗌即煮，老闆娘一如既往打開張摺檯、膠凳，俾我哋喺廚房隔離商場走廊坐，嘢飲就自己喺雪櫃拎，自動波同佢講價錢。招牌東坡肉太肥喇，所以我叫咗碗招牌手撕雞米線，識食一定食米線👍🏻朔晒佢啲汁😏 佢嘅菜脯同手撕雞亦都keep到水準，十分惹味份量又多，真係會辣到高潮😆配菜加咗白蘿蔔，切到大小適中，煲得幾腍，以為佢應該會有啲鬚，出乎意料之外，幾滿意啦呢個價錢。今次我帶咗個朋友去，佢話間舖頭個名叫自家餃子，所以應該要嗌餃子喎，仲話要煎嗰隻先好食，果然冇令到我哋失望。佢個煎餃子厚皮得嚟好煙靭，燶邊餃子又脆口，即叫即包即煎，雖然有啲太油膩，餃子餡料放咗韭菜肥豬肉，十分邪惡👿佢仲足料到非常之驚人，10件餃子，每件好似我手掌一半咁大，我哋食到第6嚿已經頂唔順，要投降😮‍💨其實整體呢間嘢食係偏鹹

想介紹一間隱世小店比大家~ 唔係街坊都好難發現, 我係KLT返工都特登黎幫襯，呢間野價錢平，呢到由雞脾至東玻肉都無得頂，配料有菜脯芽菜，超足料! 味道略甜，帶少少辣味，超有驚喜～用嚟送飯一流，好香又好味！好滿足！😇 現場座位十個位左右，比較適合外賣拎走。手撕雞飯真係值得一試~份量好多, 可以要辣同唔辣! (如果經過石硤尾非常推介大家試下)📍自家餃子 (石硤尾)石硤尾偉智里1-3號白田購物中心地下G94-G95號舖

.#foodie #hk #hkfoodie #HTB美食推介【石硤尾街坊小店｜滿滿人情味且份量十足🐥】🐨手撕雞飯(加雞蛋） $40 (+$5)推薦度：⭐️⭐️⭐手撕雞非常足料，睇得出係人手撕，大大細細咁鋪滿飯面～仲有配送埋菜脯同芽菜增加口感🌶️原味就有甜甜哋嘅秘製醬汁，如果揀辣就會多少少辣椒粒～小編就覺得有辣會惹味啲，如果唔係食到最尾會有啲寡...-----☼-----☼-----☼-----☼-----☼-----自家餃子📍地址：石硤尾偉智里1-3號白田購物中心地下G94-G95號舖🐨推薦度：😋😋😋/5💰人均價格：$50或以下🪸環境：👾🗣️服務：👍🏻👍🏻📸食物打卡度：💡🛠️分類：#HTB石峽尾 #HTB港式 #HTB小店.#石峽尾美食 #石峽尾 #手撕雞 #港式 #小店 #美食推介 #一人之選

由以前係附近返工幫襯，到而家會特登返黎食，就知呢間野都高質😂😂😂😂😂😂😂😂😂😂當然價錢平都係一個好重要因素，呢到由雞脾至東玻肉都無得頂，想講佢個東玻肉我夠膽講，係前列既代表，食多2舊都唔覺得食唔落野，餃子就真心見仁見智未必個個啱，但啲肉類肯定無死，所以今次就叫左個雞脾大腸飯。如果大家經過白購，都可以去埋林記燒賣我都會好建議大家食，唔好走寶白田購物中心都係一個好多高質小店既地方❤️❤️❤️❤️❤️

尋味到白田，上次去過休息，今晚堅持同朋友再走一趟，果然皇天不負有心人。店舖不太沒有雅座，這裡食的是人手製作。🥢韭菜豬肉餃同椰菜豬肉餃，係兒時家的味道，餡料恰好不多不少食得滋味。🥢東波肉油脂甘香，肥瘦適中非常入味。🥢獨特醬汁手撕雞飯，微酸微辣手撕雞加上大量芽菜，口感豐富十份回味。洋溢人情味，貼地價錢係香港已少見了！

之前見有youtube片介紹佢哋嘅手撕雞飯，甘啱去開深水埗，特登行過嚟試一試！嗌咗個手撕雞飯加滷水蛋，手撕雞鋪得滿滿，而且仲有好多菜圃同醬汁，一啲都唔孤寒😆手撕雞同滷水蛋都係凍嘅，雖然啲飯夠熱，但撈埋成碗飯就變咗微溫，如果熱多少少食落會夾啲。醬汁味道偏甜，而且姨姨落醬都幾重手，食到後面好似湯飯咁🤣 如果唔好太多汁嘅你可以叫佢落少啲汁。滷水蛋偏硬，而且唔太入味，可以唔使嗌。雞肉不過不失，加埋菜圃食口感唔錢錯嘅！其實依類小店都係食親切感同情懷比較多，如果你咁啱經過不妨一試！

今日心血來潮行過見到嗌咗個東坡肉飯 但我都冇諗過會咁難食 真係自己煮仲好食過佢 性價比完全唔得 一個飯40文 啲汁冇味又唔香得個甜字個肉完全係柴到pk 且超硬 超難吞 雨個字難食 完全唔推介 雖然兩嚿肉大大嚿噉樣但啲飯有勁少 完全食唔飽

外賣一份 手撕雞東坡肉米線($54)其實個醬汁好甜🤯甜得單調，亦唔香，啲汁多到湯咁，食一半未夠已經好膩。配料有菜脯芽菜，菜脯以為會中和到醬汁嘅甜😐可惜菜脯都染哂甜🫥東坡肉軟腍適中，舊肥膏唔會無哂咬口，但調味又係好甜，$14一舊認真抵食但手撕雞份量的確大方👍🏻肉亦唔鞋現場座位眼見十個位內，坐走廊為主，唔太適合坐低，外賣較好。店員包外賣亦快手。米線比較碎，混埋雞撕雞食無乜存在感總括試一次就好了☺️

最近ig成日比呢間自家餃子洗版，見到好多人推佢地既手撕雞米線/飯同埋東坡肉🤤今次黎試絕對冇失望！同埋除左野食大份好食之外，個姐姐都超nice！見到佢同啲熟客有傾有講，仲可以同姐姐講要多菜脯多汁多飯！絕對唔驚食唔飽。我嗌野食既時候姐姐仲問我有冇食過，我話冇，姐姐仲話，等我比多啲你！比你試下！然後姐姐就裝得勁滿比我😋我覺得呢間絕對值得再食！無論係野食定係人情味，都係令人值得回首既😊1️⃣手撕雞米線（$40）（鹵水蛋+$5） 手撕雞真係多到痴線！鋪滿曬成個面！然後撈曬成個麵，都仲係啖啖都有，食到最後仲有好多～勁正～配上佢地既秘制辣汁、辣椒油、菜脯、芽菜，啖啖都好惹味好正！特別鍾意佢既多菜脯🤤酸酸地又夠爽脆，同個辣辣手撕雞米線一齊食真係好正！佢真係又平又抵食🔥另外加左隻鹵蛋，都幾入味。 

想食呢間好耐好耐！超級期待😝見人哋啲食評全部都話好好食🙈鋪面好簡陋似係街邊小食檔，如果你想堂食嘅話會開摺枱俾你坐，不過依度啲嘢食咁平，有得坐已經好好了😌依度嘅招牌係手撕雞同埋東坡肉，一次過要試晒佢😙🐷豬頸肉手撕雞米線 $45呢個係撈米線冇湯，所以唔會溝稀咗手撕雞嘅醬汁。冇華麗嘅賣相，但係望落好吸引流晒口水😍醬汁甜甜地又開胃惹味，手撕雞份量適中足夠可以撈晒成個米線🍗豬頸肉係薄切，所以食落冇咩口感，唔會有彈牙爽口嘅感覺，連埋啲手撕雞一齊食唔係好食得出有豬頸肉🤣所以豬頸肉可有可無啦！🐷東坡肉手撕雞飯 $54手撕雞飯+$14有東坡肉，姨姨會問你想要肥定瘦嘅，朋友仔諗都唔諗就揀咗肥🥹脂肪入口即溶真係超邪惡🥹同樣都係好入味，覺得比手撕雞再甜啲🤪比較過覺得飯係比米線好食，明明都係同一樣嘅手撕雞汁🤣飯比較索汁，而且有咬口，推薦！！💗💗💗加埋總數$99，姨姨特登夾多個東坡肉話直接收$100齊頭☺️☺️等緊嘅時候個姨姨仲會好親切同你傾偈！鳴～就係小店嘅人情味，100%回購！環境 🐖🐖 2/5 食物質素🐖🐖🐖🐖🐖 5/5店員態度🐖🐖🐖🐖🐖 5/5✨人均消費 ～$50🏠自家餃子 (石硤尾)📍石硤尾偉智里1-3號白

聽聞呢間舖頭雖然個名以餃子做主打但最出名係手撕雞飯手撕雞飯加雞蛋大大碗都係$43手撕雞飯撈埋芽菜同菜甫真係第一次見但係估唔到都幾match成碗飯爽口咗好多手撕雞飯秘製醬汁係甜甜地但我叫咗小辣所以係會越食越辣又甜又辣呢種感覺都幾得意雞肉我略嫌有少少鞋口而雞蛋就幾出色，鹵得好入味overall來講算係唔錯嚟得食飯當然要試埋餃子叫左個餃子雙拼，印象中好似係$30餃子皮我略嫌厚左少少肉餡係新鮮嘅味道算係普普通通不過不失另一點值得一讚係店舖兩位姨姨都好好人見你張檯坐得唔舒服會主動幫你換凳食完又會問下你野食岩唔岩食係有人情味嘅小店👍

相信住係石硤尾/白田邨一帶既朋友&學生都一定會知依間平民隱世美食門面簡單、鋪名平庸但食物&價錢卻物超所值由其是本店馳名-台山手撕雞飯$40$大大兜！手撕雞多到離哂大譜肉質又唔算嫩滑～但！加埋店舖既秘製醬汁、麻油、辣醬、菜脯撈埋一齊連飯放入口o(≧v≦)o醬汁鹹鹹甜甜但愈食愈醒胃只能夠講：「四十蚊邊到搵？」加多$5仲可以雙拼拼豬頸肉、東坡肉、豬大腸等等……見到都多人叫東坡肉而且望見夠哂肥美啊但小編怕長肉所以揀左半肥瘦的味道就不過不失～肉質稍為粗嚡但加多$5仲想點？東坡肉仲有支竹籤仔非常方便進食(*¯︶¯*)不得不讚會顧及食客既心思(*≧ω≦)仲有不得不提老闆娘好好人宜家晚市無得堂食(T_T)主動搬櫈叫我坐低食有韭菜&白菜任君選擇～餡料就唔算好豐滿餃子皮稍為厚左少少但煎得都幾脆口7隻都只係$25//10隻先$30哇！好邪惡呀/..\但唔理了(￣▽￣)

🍚 馳名手撕雞飯 $38 🍚👍🏻飯面鋪上灼到軟透的滿滿豆芽菜、份量十足的手撕雞及自家製的特製菜莆，再淋上一圈小店的秘製醬汁，味道略甜甜的入口還帶少少辣味，而米飯本身偏軟～頗容易嗦汁^ ^嗌咗少汁不會太鹹已經足夠撈哂所有飯～正！🛎🛎🛎係一食落去超有驚喜嘅美味～好香又好味！食得乾乾淨淨～好滿足！😇😇😇另外嗌了1️⃣雞湯白菜餃子$30 食落普普通通嘅史雲生雞湯再加自己屋企求其淥十隻唔知咩牌子嘅白菜餃～😣（純粹因為我突然好好好想食餃子先嗌）2️⃣ 滷水雞髀 $15 🍗味道正常普普通通～ 3️⃣ 蘿蔔$5 原本得三塊但姐姐見我哋兩個人所以俾咗四塊我地，都算軟但不太入味不清甜都係普通(˶‾᷄ ⁻̫ ‾᷅˵)📝超推薦大家黎食喔，店內嘅手撕雞飯真心調味好特別！不是出邊食開嘅手撕雞飯嘅感覺～好好味好抵食🥰雖然小店環境一般，但坐在屋邨商場吹着大風扇慢慢食晏都係一個幾好嘅體驗🤎😚同埋兩個人嗌咁多野食加埋先85蚊！學生幫襯手撕雞飯仲有得減3蚊～正！一定會再幫襯～已經列入咗我嘅飯堂之一👅😜（6.5/10）